ساعدووووني يا احلى بنات المنتدى

هلا اختى شوق الامارات..
بالنسبه لسؤالتج...
النسكافيه لما تضفينه للحنه..
يعتبر مثبت للون ...وهو اللون اللى يميل للاحمر...
مو الاسود...
واذا بغيتى تضيفين النسكافيه للخلطه ...ضيفيه وهو على شكل بودره بدون ماي..لانتج انتى بتضيفين للحنه كركديه...وماي
اما اذا بغيتى الوصفه...
فانا وصفتى تعطى اللون البرغندى...يعنى بين الاحمر والاسود...بس روعه...
شوفي حبوبه....
تتاخذين مقدار من الكركديه....و شاى مركز...مع ملعقه نسكافيه ..او قهوه تركيه...وتضيفين بعد ملعقه كركم...وماي دافي وبس...
وتقدرين تضيفين بعد ملعقتين مايونيز...
بس لاتضيفين اي نوع من الزيت...
عشان يثبت اللون....
بس شوفي النتيجه روووووووعه....
جربيى وشوفي...
:)

مشكورة حبيبتي،،، انا احب البرغندي،،لكن ممكن وصفة تعطي لون اسود،،لا تقولين لي حنة سودة لأنها مو متوفرة عندي وشكرا لج يا احلى عبرة في المنتدى


وبالنسبة لوصفتج بجربها ان شاء الله

هلا اختى..
بالنسبه للون الاسود ....فاسمحيلي ماعندى اى فكره...
بس انصحتج بالابتعاد عن الحنه السوده...
حتى لو توافرت عندتج...
لانها تحرق الشعر...
والكثير الكثير من مجربيه يشتكون منه....

واسمحيلي...:) :)

السلام عليكم،،،

خواتي آنه بعد أحب أصبغ شعري

لون شعري بني فاتح يعني مو وايد غامق

خاطري يصير أفتح و ما أحب الصبغات لأنها تخرب الشعر

و مو عارفه شنو اللي راح يفيدني

أرجو الرد بأسرع ما يمكن

عدنا عرس ومو عارفه شسوي

وتسلمون خواتي

أش حالكم عساكم بخير

أسمحو لى بالمشاركة

شوفى يا عزيزتى بتكلم عن نفسى فكل ما أحط نسكافى فى

الحنة تعرفين شو تسوى لى تصبع بس فروة الرأس و الباقى مثل


ما هو و كأنك يا زيد ما غزيت أنصحج بالكركدى هذا هو الوحيد إللى

ممكن أثق فيه

أما للحنة السودة أبتعدى عنها لأنها مثل ما تفضلت الأخت تحرق الشعر

و أتمنى من كل إللى تعانى من الشيب مثلى تحصل شء يغطيه

على الأقل

و لكم تحياتى

ام مهرة

أذكروا الله