حاجه غريبه تدخل مجتمعنا وتقتل عاداتنا وتقاليدنا لبعض البنات

حركات غير عاديه لبعض البنات

--------------------------------------------------------------------------------

السلام عليكم ورحمة الله وبركاته

حاجه غريبه تحصل هاي الأيام وبصوره منتشره

حاجه غريبه تدخل مجتمعنا وتقتل عاداتنا وتقاليدنا

حاجه مستورده لا تنطبق على بنات بلدنا ، عاداتنا وتقاليدنا بريئه منها

حركات من صنع بعض البنات للفت النظر والسخريه.

الموضوع ياجماعة الخير هو كالآتي:

تمشي البنت وكنّها رجل آلي يتحرك بالريموت كنترول

تـفـــزر صدرها للأمام بزاوية ( 180 ) درجه بمقياس هندسي ، الظهر مقوّس للأمام

العبايه شاده عالآخر مفصله تفصيل صعب النمله تحشر نفسها بين العبايه والثوب

تمشي وكأنها الخيلاء ، تمشي بدون تحريك اليدين وتأخذ شكل من أشكال شرطة

الحرس الوطني كنّها واقفه بطابور التدريب العسكري الشاق .

البعض يستعمل نفس طريقة الحركه لكن مع خطوات الأرجل غير متوازنه ( الريول متخالفات )

يوم تمشي اتمط عمرها لفووووووق شرات اللي راكب ناقه ويميس فوق حـــدر

فيه حد منهن لايق عليها الثوب وجسمها متناسق والبعض الآخر جسمها شرات

( لوميه معصوره )

تحاول تقلد الغير بس بصوره عكس السير ،، لا هي عارفه تمشي مشي الأوادم ولا هي عارفه ترجع

لمشيتها الجديمه ،، ضاعت بين هذا وذاك ،،، ( شاقيه عمرها في الفاضي )

-------------

في مره من المرات وحده لا بسه كعب عالي ( اكرمكم الله ) والمشهد داخل مستشفى الجيمي

( يالفضيحه والفشاله ) متسمّره وراسها فوق في العلالي ما اتطالع جدّامها

( ما تتنزّل توّطي الراس )

جان ينحشر الكعب بين المربعات اللي جدّام الباب هههههههههههه

( اللهم لا شماته )

تحاول وتحاول المسكينه ولسان حالها يقول ( شو هالبليّه اللي يتني اليوم ) جان ايطيح الموبايل وينكسر

وعقب صراع مرير بين الشد والجذب ،، انقطع الكعب وتمت تمشي

على صووووووووووب ( كامل الأوصاف )

( مشاااااااااااااكل والله )

اتقووووووول ( الشاصي مكسور وملحوم غلط ) لوووووووووووووووووووووووووووول

وشوفوا عاد المشيه :

امبّونها هي تمشي شرات الضب ،، والحينه زاد عليها الزود

------------------------------------------------
سامحونا يالبنات على اللي نشرته ،، لكن من حرة قلبي على المهازل اللي

كل يوم تظهر لنا بشكل وحال ايديد ،،، وين بنات العرب والجبايل ( والله وهزلت ياعرب الله )

منقول