أحلى...و أسهل...و أسرررع.. تشيز كيك!!!!! يم يم

الصراحه .. هذا الطبق دايما اسويه اذا كنت عازمه احد و ما عندي وقت صحيح الخطوات اللي انا كاتبتها كثيره لكنها بسيطه و سريعه و كنوع من التفصيل عشان محد يضيع معاي كثرت الخطوات :) .. انتوا بس جربوه و انشالله بتدعون لي ;)

المقادير :
=====
1) 32 حبه بسكوت ماري او اي نوع تحبينه .
2) قالب زبده متوسط الحجم .
3) 12 حبه جبن كيري .
4) 3 بيضات .
5) علبه قشده نستله أو اي نوع ثاني .
6) ثلاث ارباع كوب سكر .
7) رشه من روح الفانيليا .
8) خوخ أو اناناس للتغطيه .

الطريقه :
=====
1) نطحن البسكوت و نفركه مع قالب الزبده و نرصه في قالب التشيز كيك ..
2) نخلط باقي المقادير كلها مع بعض بالخلاط ..
3) نصب المقادير المخلوطه على البسكوت في القالب.
4) ندخلها الفرن حوالي ربع او نص ساعه .. أو إلى ان تحطين السكينه داخلها و تطلع جافه :) ..
5)بعدها ننطرها تبرد .. ثم نرص عليها حلقات الاناناس او الخوخ حسب الرغبه (ممكن نستعيض عنها بأي نوع اخر من الفاكهه أو تلبيسه التوت البري الأزرق )..
6)تقدم بارده ...
و بالهنا و الشفا .. جربوها و ادعولي :D