احتمال اموت ..حتى الصبر مل مني؟؟

السلام عليكم ورحمة الله


اختي الغالية صمت الامل


كلام اختي الغالية تركية مضبوط لو فكرتي فيه بدون عواطف

مثل ماقالت سارونا بعد


ياعزيزتي احنا هنا مثل خواتك وتهمنا سعادتك


لكن فكري شوي

تلاحظين :


انتي بس اللي قاعدة تضحين

انتظارك له محسوب من عمرك

ردك للخطاب ويمكن يكونون كفو واحسن منه

هالاشياء انتي اللي بتتحملين نتيجتها


مافيه اي شئ يدل على انه هو بعد قاعد يضحي

تقدرين تقولين وش سوى ؟؟

كيف ضمنتي انه صادق ؟؟؟ لانك تحبينه ربي معميك عن كل عيوبه

ولا تدرين عن نواياه ولا دخلتي قلبه


تقولين انه يدور وظيفة؟؟

اوكي حلو
لكن مو شرط يكون غرضه من البحث عن الوظيفة

هو الارتباط ( بك انتي )


صدقيني هو يحب نفسه مايحبك انتي لذاتك

ولا لو كان جاد فعلا وكلمته كلمة رجال كان دخل البيت من بابه


وانتي قلتي انه الاهل يدرون !!


ياترى من تقصدين بالاهل ؟؟ اكيد قصدك اهله


لكن وين اهلك ؟؟ ياترى ابوك يدري؟؟؟


ياترى فيه ابوان يشوفون بناتهم طايحين بعلاقة ويتقبلون هالشئ عادي؟؟!!

ما اظن!!!


ياترى حبيبك مقدر هالمخاطر وهالتضحيات اللي عشانه ويقدر يتخذ موقف جدي ولا لا؟؟

حبيبتي صمت الامل الشاب بعده صغير والفرق اللي بينكم برضوه صغير

فكري بعقلك واتعظي بغيرك قبل مايتعظون بك غيرك

وامه من الحين واقفة لك ومن الحين المشاكل واقفة لك

ياترى اذا تزوجتيه كيف بيكون الحال اذا البداية هالشكل؟؟
ولا تنسين انها امــــــــه


حبيبتي ضروري تحطين حد لامورك وماتتعبثين بمشاعرك ومشاعر غيرك
وفي النهاية مايحصل نصيب


اولن صلي الاستخارة لمدة اسبوع او اكثر الى ما تطمئن نفسك تماما

اذا كان الخير لك مع هذا الشاب صدقيني سيبقى لك مهما كان

وان كان الخير في غيره فربك اعلم بك منك

اقطعي علاقتك به نهائيا

اما ان يتدبر اموره ويثبت جديته بفعل رجال

او

ان يتركك وشانك تاخذين نصيبك اللي قسمه الله لك

ويكفي ما مضى


والله يكتب لك ماكان الخير فيه


اختك
حنين

السلام عليكم....

أنا في رايي انج تصبرين دام انتو اتحبون بعض لازم ما تفترقون.... اذا هو سوا المستحيل عشانج انتي بعد لازم تضحين عشانه.... لا تنسين الاستخارة و صلاة القيام و ادعي ليل و نهار...
الله لا يفرقكم لا دنيا و آخرة....

اختي حلم المستقبل تسلمين لي يالغالية ..
اختيbent^cute تقبلي خالص تحياتي..
اختي لآلىء من دموع مشكوووورة ياعمري على دعواتج الحلوة والله يسمع منج ان شاء الله..

اختي حـنـين..اشكرج اختي على نصايحك وتوجيهاتك التي تدل على خوف الاخت على اختها..بس عزيزتي ترى هو ماراح يدور وظيفة على شان نفسه مثل ما تقولي (لكن مو شرط يكون غرضه من البحث عن الوظيفة
هو الارتباط ( بك انتي )..تصدقين اختي انه ترك الدراسة وراح يبحث عن وظيفة علشان يوفر المادة وبعدين ان شاء الله راح يكمل الدراسة..وفوق هذا قاعد يحاول يقنع امه بكل السبل علشان تتقبل..
ومن ناحية السن اني قلت من قبل ترى هو صغير بسنه لكن بعقله كبير والكل يسهد والزواج مو بالسن كثر ماهو بالعقل والنضج..وانتي تعرفين اختي ان الزواج المبكر هو الافضل للبنت والولد مثل ما حثنا عليه الرسول(صلى الله عليه و سلم)..
ومن ناحية الاهل ترى اهلي واهله يدرون وامه وخواته وخالاته زارونا البيت..والرجال اتصلوا للوالد من كم اسبوع علشان يحددون موعد يجون فيه
هذا اللي حبيت اوضحه لج عزيزتي واكرر شكري لج بالغالية..

اختي طير السلام..مشكوووووورة عمري على الرد وصح مثل ما قلتي دام هو ضحى لازم اني بعد اضحي..تقبلي خالص تحيااااااتي


مع تحياااااااااتي للجميع:smile:

هدي يا الغالية انا حاسه فيج وادري انج اتعانين بس احسن شي اتصلين صلاة الاستخارة

وان شاء الله ربي يوفقج

يا بنت الحلال توكلي على الله

وقبل كذا اكيد استخيري

اجل وش اقول انا تدرين انو حالتي اسوأ

منك لكني مفوضه امري لله

انا الان متملكه من شخص مستواه التعليمي

اقل مني وكمان اصغر مني بسنه لكن وربي

انه عقله اكبر من عمره ومستحيل افكر باحد غيره

انا ضد اللي قالت انو صغير لان مو شرط كل رجل

كبير بالعمر يكون عقله ناضج بعدين بالنسبه لك حبيبتي

والله مااحس فيه مشكله ولا تخافين ابد وانا حاسه انو

هالشخص فعلا رجل بما للكلمه من معنى قاعد يكرف

ويتعب ويدور وظيفه عشانك وعشان تتزوجوا

وبالنسبه لامه انتي سمعتي من الناس انها مو راغبه فيك

لكن مو كل اللي يقوله الناس صدق وحتى لو كانت كذا انتي

بتتزوجينه مو امه........

بعدين ياحبيبتي لا تصيرين مثلي جتني فتره اسمع كلام

الناس وتدهورت حالتي وتعبت خذي من مجربه

انتي اتكلي على رب العالمين وهو راح يوفقك:up:

شكرا جزيلا على الرد حبيباتي..
اختي هم شجون..مشكورة عمري على الرد والله يوفقج ويوفقنا جميعا الى كل خير وصلاح..تقبلي خاالص تحياتي وتقديري يالغالية....

اختي عروس البحر ..ماقصرتي عمري ..طمنتيني الله يطمنك دنيا واخرة وصح كلامك مو كل رجال صغير معناه انه مو ناضج ..ياما نشوف ناس كبار بالعمر لكن تصرفاتهم تصرفات ناس صغار والعكس صحيح..الله يسعدك وياه دنيا وآخرة يااااااااااااااارب.


مع تحيااااااااااتي:smile:

زواج الحب فاشل من وجهة نظري ومن واقع تجربه

حطي في بالش شخصيته وشلون تعلقه بأمه

أذا كانت شخصيته شويه ضعيفه و كل ما عنده الا كلام أمه يعني أحتمال في المستقبل اذا لا سمح الله صار بينش و بين أمه اي مشاذه و خاصه انها ما كانت مقتنعه فيش ممكن أنه ياخذ على كلام امه:down: و هني تتحطم نفسيتش وااااجد(u)

و تأكدي دائما بأن الحب الحقيقي ما يجي الا بعد الزواج(u) و أكثريه الليي تزوجوا عن حب صارت حياتهم ضعيفه (u)


ولو أنش رضيتين بغيره فأنش بتتعودين عليه و بتحبينه و أكيد انش بتنسين الشخص الييي حبيتينه في مرحلة مثل هذه المرحله الييي انتين تمرين بها


و عالعمووم اتمنى اليش التوفيق ان شاء الله و لا تنسين الأستخاره:up:

هلا خواتي هفووف و نجمة الرضا..
اختي هفووف زواج الحب عندج فااشل بصورة مطلقة؟؟؟؟يعني مافي زواج حب ناااجح ابدا؟؟؟(شلون عيل نفسر زواج الحب الناجح اللي نشوفه اني عندي اكثر من صديقة زواجهم عن حب وما شاء الله عايشين في سعادة..يعني المفروض ننظر الى الامور نظرة نسبية مو مطلقه..وتسلمين لي يالغالية..

اختي نجمة الرضا..لا الحمد لله شخصيته مو ضعيفة ومن ناحية اني اقبل بغيره فكرت بس ماقدرت حسيت اني بظلم اللي بأخذه وبظلم نفسي معاه..صدقيني اختي المجرب غير عن اللي مو مجرب اني بعد ياما نصحت بعض صديقاتي بأنهم يتخلون عن اللي يحبونهم ويقبلون بغيرهم وانهم بيتعودون وشفت شلون اصرارهم على عدم الاخذ بكلامي ويوم جربت حسيت بمواقفهم وبمشاعرهم اللي كانوا يحسونها ..خصوصا اذا كان الولد صادق ويعمل المستحيل علشان يتوج العلاقة بالحلال..اكرر شكري لج يالغالية..

مع تحيااااااتي:smile:

اولا الله يوفقك
وبعدين اذا كنت انت راضيه ومقتنعه فيه من الاول انصحك ما ترضخين لاهلك وبعدين انت بدري عليك والاهم من هذا صلاة الاستخارة وربي راح يدلك على الخير0






:shy:تحياتي

صمت الامل العاده انا وايد اهذر واسولف بس في موضوعج بقولج شي واحد...... دام يستاهل الانتظار انتظريه وانتي توج صغيره ودام الريال شارنج ودخل بيتكم من بابه فما في شي ينقصه...... والام مردها تقتنع لما تشوف ولدها متمسك فيج والماده عمرها ما كانت حاجز اذا انتو متفاهمين

ودام انج استخرتي..... انتظري وحاولوا ترتبطوا بخطبه

الله يوفقكم ويديم حبكم طول العمر

الريييييييييييييييم

السلام عليكم ورحمة الله وبركاته


والله احسن لج انج اتصليت صلاة الاستخارة قبل ما ترقدين ....

وان الله مع الصابرين . :cool2:

اختي الريم ه..واختي Dubai 2 واختي شوق ووله اشكرن جميعا حبيباتي على الرد ..واهم شي انكن ما تنسوني من دعواتكم الصادقة..ودمتم سالمات..


مع تحيااااااااااتي:smile:

الله سيهل عليك ما تنسي الدعاء

اختي العزيزه

انا اقول ثابري من اجل حبج
وترى مو شرط الزيجات عن حب تفشل
وصدقيني اشتعسني بالله وانشالله الله يوفقج
ووصلي حق امه انه انتي وياه تقدرون تحطون ايدكم بايد بعض وتبنون حياتكم مع بعض
ولازم اهو يبين لها انه مايقدر يعيش من غيرج
ولاتجازفين وتاخذين واحد ماتعرفين اخلاقه
ترى لاتنسين انج مو بس تحبينه انتي تعرفين طبايعه واخلاقه وهذا اهم شىء
والله يوفقج

كاتب الرسالة الأصلية : الريم ه
صمت الامل العاده انا وايد اهذر واسولف بس في موضوعج بقولج شي واحد...... دام يستاهل الانتظار انتظريه وانتي توج صغيره ودام الريال شارنج ودخل بيتكم من بابه فما في شي ينقصه...... والام مردها تقتنع لما تشوف ولدها متمسك فيج والماده عمرها ما كانت حاجز اذا انتو متفاهمين

ودام انج استخرتي..... انتظري وحاولوا ترتبطوا بخطبه

الله يوفقكم ويديم حبكم طول العمر

الريييييييييييييييم

حبيبتي ريم 81..حبيبتي ivorytree82..حبيبتي Ciza شكرا جزيلا لكن على قراءة مشكلتي والرد عليها..وصراحة ما قصرتووووون

تحيااااااااتي القلبية لكن..:smile:

السلام عليكم ورحمة الله وبركاته
حبيبتي اذا كان حبيبك يحمل شهادة دبلوم هندسه طلبي من يقدم c.v مالته لجمعية المهندسين عشان يشوفو له شغل يناسب تخصصه وربي يوفقكم لما يحب ويرضا
تحيااتي لك يا صمت الامل

مشكووووورة يا بعد عمري ..حبيبة الغامدي..
بقول له عن الجمعيه والله يكتب لنا وللجميع اللي فيه الخير والصلااح..
مشكورة على هاللفتة عمري..

تحياااااتي القلبية لكٍ:smile: