*!*شوفو معاناة الشباب...المضحك المبكي*!*

ســــارونة 15-03-2004 14 رد 1,654 مشاهدة
س
عبد العزيز

طفل ســعـــــــــودي , يتميز بالذكاء و من النوع اللي يحسبها صح و يفكر في الشئ الف مره قبل لا يسويه


بدت الدراسة , و قرر ابو عزيز يدخله المدرسه عشان اذا كبر ذا الولد يصير مواطن صالح و ينفع نفسه و بلده ....أهم شئ بلده


دخل عزيز المدرسه , و لقى الفصل زحمه ….....و ما يآخذ اللي فيه و اللي فيه انواع الصياح و التغلق


عزيز يوم شاف ذا المنظر........

قال لنفسه : هذا و هو أول يوم !!!!!! ذا المبزره الحين وش يسكتهم بلا في شكلهم


جلس عزيز على أول كرسي لقاه فاضي , و بدا يفكر




قال لنفسه :

الحين بيدخل علينا المدرس و بيبدأ شرح و حنا بندأ دراسه

و هو يشرح و حنا ندرس

و هو يشرح و حنا ندرس

و هو يشرح و حنا ندرس

و هو يشرح و حنا ندرس

و بيستمر ذا الوضع ابتدائي 6 سنين و متوسط 3 سنين و ثانوي ثلاث سنين و جامعه بمعدل اربع الى خمس سنين


و بعدين؟؟؟؟؟؟؟؟؟؟؟؟!!!!!!!!!!!!!!!!!


بعدين بيجي اليوم اللي أقدم فيه على وظيفة

و ذاك اليوم أكيد بيكون زحمة مثل ذا الفصل




و بعدين أبنتظر نتيجة التقديم

و النتيجة معروفه مسبقا : ضف عفوشك و اللي يرحم و الديك انت و ذا الشهادة اللي راز فيها خشك


و بعدين ؟؟؟؟؟؟؟؟؟!!!!!!!!!!!

بعدين بيصير عندي واحد من 4 اشياء ممكن اني أسويها

___________________________________________________

الخيار الأول

أصف جنب اقرب شحاذ و نصير أنا وياه على الحلوه و المره



و وقتها بتكتب عنا الجرايد :


ان ظاهره التسول بين الشباب السعودي انتشرت بشكل لا يطاق , و لا بد للمسؤلين من ايجاد حل لهذه المشكله قبل ان يصير بلد أكبر مخزون نفطي هو بلد أعلى نسبه تسول !!!!!!!!!

__________________________________________________


الخيار الثاني

اشغل نفسي بالانترنت , و أصير شابك عليه 20 ساعه في اليوم , و يصير أكبر همي في حياتي :

من اللي حاطني بلوك – حظر- ؟؟؟؟؟

و من اللي رد على موضوعي ؟؟؟؟؟

و وقتها بتكتب عنا الجرايد :

ان مسأله اضاعه الوقت امام أجهزه الحاسوب آفه تسري بين شباب بلدنا الغير آبه بما تكلفه هذه التقنيه من مصاريف , و بدون ادنى استفاده من الوقت الطويل الذي يمضونه أمام الحاسوب ؟؟؟؟؟

_________________________________________________


الخيار الثالث

اتسكع في الأسواق

و آذي بنات خلق الله




فاضي وش وراي انا ...................................................فااااااااااااااااااضي؟؟؟؟؟؟

يعني حتى الهيئه اذا وصلت !!!!!!!!! و ركبوني معهم !!!!!!!!!! وش بيصير ما وراي شئ؟؟؟

حتى بالمره القى احد اتطاق معه

و هالمره بتكتب عنا الجرايد و تقول :

يبالغ افراد الشباب السعودي بالتجول في الاسواق , و مضايقه المتسوقين, بدون أن يأخذ في عين الاعتبار ما يسببه هذا الامر من ازعاج للمتسوقين , لذلك كان واجبا على المسؤلين وضع حد لهذا الأمر المخجل

______________________________________________


الخيار الرابع

يعني اذا قفلت قفلت معك يا عزوز............ و جلست كل يوم في البيت صافن يديك و تقلب ذا الرويس

يعني يا عزوز لا تزعل

الا ما تلقى أحد يحشي ذا الراس

الا ما تلقى أحد يستغل ذا القوه و النشاط

الا ما تلقى أحد يخلي الحلال حرام

الا ما تلقى أحد يسمم الافكار

و وقتها تدرون وش بتكتب عني الجرايد ؟؟؟؟؟؟؟؟

بتكتب شاب سعودي يقضي على نفسه و يدمر بلده ..... و من المسؤؤل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

س
منقوووووووووووووووول من القروب:smile:
م
اعوذ بالله يا اختي saroona1984 وش هالفال التعبان سترك يارب
س
منال الكويت


هذا مو فال هذا واقع بعض الناس التعبان:down:
س
جمرة غضى 98



يعني فجّرت!!!!!!!!!!:eek2::eek2::eek2:


يممممه جان اخاف منك!!!!!!!:D2:D2:D2
س
تسلم اخوي....مشكور على التواصل:smile:
س
اهااااا:s2


يالله.. الله يهديك و يرزقك الرزق الحلال:smile:
س
جمرة غضى 98

تسلم ياخوي:smile:
أ
:D2 :D2 :D2
والله مسكين يا عزوز بتشيب قبل أوانك

:clap: :clap: :clap:

استمتعنا والله بالقصه

مع الشكر:up:
س
هذا واقع مرير يا ام عبدالملك ماظن يونس..:down::down::down:
ع
مشكورة سارونا على مواضيعك الي تجذبنا من دون المواضيع الثانيه
وبعدين الموضوع خطير ومحتاج منا الشباب دراسته
بس مو لهدرجة الشباب فاسق او متحطم او .....
يعني الواحد يدرس ويطمح لشي حلو يقدر يحصل عليه بس يبيله شوية حظ
يالله إن طاعك الزمان ولا طيعه
بي بااااااااي

:clap::clap::clap::clap::clap:
س
ولـ القطيف ـــد


اكيد هذا واجب كل شاب...لكن اذا ما جا الرزق شتسوي؟؟:s2:pain:


و شريحه كبيرة من الشباب يعانون من نفس المشكله ( حلوة هاذي شريحه!!:D2)
ر
السلام عليكم ورحمة الله وبركاته

مشكورة حبيبتي ساورنه

على هالموضوع صدق مضحك مبكي

مسكين عزوز لسى ما شااااف شيء

بس صدقيني اكييييييد فية حل بس الشباب

مو راضي يفكر كيف يستفيد من وقته وجهده

بشكل صحيح وصحبة الخيرررر ما فيه منها لاتسكع

ولا ادمن نت فية ناااااس الوقت معهم له طعم وله

لذة تجمعهم الطاعة مو المعصية ... وهذولي اكيد ماتكتب عنهم الجرايد

ولا انتي وش رايك ؟؟

لكي مني ارق تحية

رماااااااااااااز
س
:up:كلامج صح امية بالامية:up:


لكن المشكله ان البطاله قاعده تنتشر و الشباب يالسين فبيوتهم و يتمقلون بشهاداتهم:down:

حتى لو كانوا مصاحبين ناس طيبين و اوقاتهم ايقضونها بالطاعه و الاعمال الخيرية...و بعدين؟؟؟

ما يبون يترزقون الله؟...ما يبون يتزوجون؟..مو الزواج يبيله فلوس و الشاب اللي يبي يحافظ على نفسه و دينه لازم يتزوج مع الفتن المنتشرة هالأيام...

يعني المشكلة مو بس في الشباب...و لا انا غلطانه؟؟
f
:up::up: قصة رووووعة .. الله يستر على حالنا بس ..
:D2:D2 أشوووف الشباب عندنا وش صاير ..
:cool2: يعني أطلعوا بره خخخخخخخخخ
لا لالا مو قصدي .. حياكم الله ,,, القهوه يا صبي .. حشى داخلين مجلس ..
خليكم عاقلين .. بااااااااااااااي
X