نصائح حلوه للمخطوبه او المتزوجه

وردة المنتدى 14-03-2004 1 رد 1,080 مشاهدة
و
اليكم هذه النصايح من مجرررررررربه:D2
1- لما تقابليـنه اول مقابلة خلي وجهش مبتسم يعني مثل
ما يقولون ارسمي الابتسامه على وجهش .. والسبب عشان
الرجال يحس براحه ليش ولا يرجع في كلامه , لا تنسين
تسوين نفسش تبين تطيرين من الفرحه عشان شفتينه.







2ـ اكيد يكون جايب هدية وياه بس لا تتوقعون كلهم عشان
ماتنصدمين المهم لو جابلش هدية , لا تاخذينها كأنش قرفانه
ولا كأنش طفشانه من الهداية اللى تجيش ليل ونهار لا..
خذي الهدية منه وبيني ليه انش فرحانه بأنه افتكرش وافتحيها
قدامه واذا كانت شي يتلبس مثل ساعه خاتم البسيها قدامه لأنش
لو لبستينها يدل على انها عجبتش حتى لو كان عطر اتعطري
قدامه .. صدقيني هو راح تلاقينة لاصق في سقف الغرفة من
الفرحه مو مصدق جاب شي وعجبش وبهالشكل راح يضمن
ان ذوقة حلو.. ولازم تعرفين ان الرجال مو متعود انه يجيب
ليش هدية ترضي ذوقش لانه مو متعود يجيب هداية للبنات
يعني لا تنصدمي لو جاب لش هدية مو حلوة عادي اتقبليها
لانه مو متعود.







3ـ اذا اتكلم اسمعي ليه في هذا الفتره اي فتره الخطوبة يكون
الرجال شاعر يعني تنامين وتصحين وهو جالس يقول شعر
تاكلين وتشربين هو جالس يقول شعر يعني يغلب خالد المريخي ..
وخالد الفيصل و.. وغيرهم واتوقعي انه يمكن يصير مغني انتين
كل اللى عليش تسمعين ليه لا اقل ولا اكثر عشان بعد الزواج لا
تقولين ما يتغزل فيي .







4 ـ اذا حصل سوء تفاهم يعني لازم يصير والسبب لانش انتين
من بيئة وهو من بيئه يعني كأنش انتي من الولايات المتحدة
اليونانية وهو من امريكا الاتينية يعني لابد من المعارضات
بس انتين حاولي تتغاضين شوي .







5ـ حاولي انش تفهمينه اللى تبين عشان ترسين على بر بعد الزواج.







6ـ اكيد الرجال يحب يفرض شخصيته عليش يعني يسوي نفسه
رجال وانتين حاولي تحسسيه بهذا الشي وحذاري انش تجرحينه
وخاصة في رجولته لان هذا اخطر شي انش تقولين للرجال انت
مو رجال والله العظيم لو سمع منش هذا الشي تلاقين نفسش
كفته مهروسه وساعتها لا تقولين ليت اللى جرى ماكان .







7ـ اذا جاء يمزح وياش اتوقعي انش راح ينكسر شي فيش
لأنه مو متعود يمزح مع النوع الناعم متعود يمزح مع اصحابه
الشباب فأنتين اتحملي شوي وفهميه بطريقة حلوة انش ما تحبين
المزح الدبش .







8ـ حذاري إنش تتكلمين على اهله .. لان اغلب البنات من يوم
ما يتخطبون كأنهم يخططون للحملة الصلبية . عزيزتي احترمي
اهله عشان هو يحترم اهلش ولا تجيبين سيرتهم الا بكل خير.







9ـ نجي للأشياء الجامدة الثقيله شوية عزيزتي اكيد وبكل تأكيد
لا نشك في هذا الشي وهو خجل البنت بس يا أختي مو معناتها
مرة لا حس ولا خبر ولا نفس ولا اي شي حاولي انش تتجرأين شوية.







10ـ لحظة خليكم وياي هاتجيبلكم اخر نقطة من تحت الأرض
اهم شي اختي الغالية لا تسمعين لهذا وذاك ويعني لا تجلسين
تحكين خلق الله وتحكين زميلاتك وكل ما واحد قالش لا تسوين
جديه سوي جديه تقومين انتي طيران وتسوين مثل ما قالولش
لا اختي مو كل البشر مثل بعضها خلي كل شي بينش وبينه لاشك
انش تحتاجين لخبرات اشخاص موثوق فيهم لكن
مو اي شخص
س
:clap::clap: روعه خزنتـــــــــــــــهم للمستقبـــــــــــــــــل

مشكوره وايد على الموضوع الحلو :clap::smile:
X