اطلبي اي وصفة لعلاج اي مشكلة من مشاكل شعرك وانا حاضرة...ولايردكم الا لسانكم

فديت الكويت مشكورة
اني شعري صايرلا خفيف وضعيف وفيه قشرة وبعد دهني وابي يطول مع العلم اني قصيته علشان التقصف



شنو الحل

السلام عليكم ورحمة الله وبركاته
الاخت فرقد بالنسبة للقشرة ذكرت في ردودي السابقة عدة وصفات نافعة جدا راح ارجع اعيدهم لج
هناك عدة وصفات صراحة لعلاج القشرة وابسطها واللي استخدمها عادة لما احس بالقشرة بدت تطلع فيني
هي الخل والماء
خذي كاس ماء واضيفيله ملعقتين كبار خل تفاح او اي خل بس يفضل التفاح لانه الانفع وبعد ماتتسبحين وتغسلين شعرج بالشامبو قبل لاتطلعين من الحمام غسلي شعرج بالخل والماء يعني تكون هذي الشطفه الاخيرة وبعدها ماتشطفين الشعر بالماء لا خلاص
ولا تخافين من ريحة الخل لما ينشف الشعر بتروح
وترى هالطريقة تنفع اذا استخدمتي خلطة فيها حلبة او ثوم او شي فيه ريحة توخر الريحة

الوصفة الثانية هي مغلي ورق الاس او الريحان
تاخذين ملئ يدك ورق ريحان وتطبخينها في لتر ماء وبعد ماتصير دافية تصفينها وتغسلين الشعر فيها وهالعلاج ينفع لعلاج القشرة والتساقط معا..

الوصفة الثالثة هي منقوع اكليل الجبل في لتر ماء مغلي لمدة ربع ساعة وبعدها يصفى وتدلك به جلدة الرأس...

الوصفة الاخيرة وهي تنفع خصوصا للشعر الدهني وهي مزج كمية من السائل الموجود داخل جوز الهند مع بعض عصير الليمون وبعض الماء الفاتر وتدلك به فروة الرأس ويترك نصف ساعة ويغسل الشعر كالعادة

وبالنسبة لتكثيف الشعر الوصفات في ردي السابق ممتازة جدا وراح تلاحظين معاهم بتحسن كبير جدا اذا التزمتي فيهم

اما بالنسبة للطول فأيضا ذكرت الخلطات في ردودي السابقة وبعيدهم لج
بالنسبة للتطويل انا انصحج بزيت عافية مع الحلبة ممتاز للتطويل والتكثيف بعد بس على الله تتحملين الريحة
وهو عبارة عن فنجان حلبة مطحونه تحطينها في علبة زيت عافية متوسطة لمدة 10 ايام وتبدين تستخدمينها وصدقيني بتشوفين الطول والنعومة اللي ماصارت

وفي طريقة ثانية هم تدخل فيها الحلبة بس ممكن تستغنين عنها وتسوين الوصفة من غير الحلبة
الخلطة عبارة عن علبة زيت النارجيل اللي لونها أخضر او ممكن باراشوت ينفع بعد
حبتين موز تستعملين القشر بس قشر الموزتين
ملعقه كبيره او ملعقتين من الحلبه واذا بغيتي تخففين الريحه احمسي الحلبه لين يصير لونها بني غامق
طريقتها تجيبين الزيت وتحطينه بقدر وعلى النار وتحطين عليه قشر الموزتين والحلبه
لين يغلون مع بعض وتطفين النار وتغطينه اربع ايام
باليوم الرابع تحطينه بالخلاط وتخلطينه وتحطينه بعلبه وتبدين تستخدمينها على الشعر
ساعتين وتغسلينه واتمنى لك شعر كثيف وطويل انشاء الله

السلام عليكم ورحمة الله وبركاته
عزيزتي فديت الكويت
مشكلتي كبيرة وايد ، شعري جاف ، متقصف ، باهت وما فيه لمعة وحيوية وكذلك فيه التجاعيد والتكسر وزيادة على كذا قصير ، إذا عندج حل قولي لي الله يخليك.

السلام عليكم ورحمة الله وبركاته
الاخت ام يوسف1
بالنسبة لوصفات تطويل الشعر تلقينها في ردي السابق موجودة كلها
وهذي بعض الوصفات البسيطة لمساعدة شعرك على تجنب التقصف وعلاجه:
تاخذين كمية بسيطة من الزعتر الجاف او الطري او اكليل الجبل وتغلينه في ليتر ماء وتتركينه يفتر وبعدها تصفينه وتدلكين فروة الرأس فيه وتكررين العملية الى ان يختفي التقصف.
طريقة ثانية وهي عبارة عن صفار 3 بيضات مع ملعقة كبيرة زيت زيتون وتفرك به جلدة الرأس والشعر الى الاطراف ((طبعا اذا شعرج طويل تزيدين الكمية)) وتتركينه ساعة وتغسلينه عادي وتكررين العملية مرتين بالاسبوع لحين زوال التقصف

اما الشعر الجاف انصحج بعمل هالوصفة مرتين عالاقل بالاسبوع
تاخذين فنجان صغير زيت لوز وفنجان عسل وتخلطينهم مع بعض عدل ولازم يكونون دافيين يعني الزيت دافئ والعسل دافئ وبعدين تخلطينهم وحطيهم على شعرج مع تدليك الفروة جيدا وغطي راسج بقبعة بلاستيك واتركيه قد ماتقدرين من ساعة ونص الى 4 ساعات وبعدها غسلي شعرج عادي
هالوصفة راح تعطي شعرج اللمعة والحيوية والنعومة اللي يفتقدها وصدقيني راح يتغير شعرج اذا استمريتي عليها وتلين التجاعيد والتكسر وتتغير حالته الى الاحسن باذن الله

السلام عليكم ورحمة الله وبركاته

مشكورة على الوصفات بس ممكن وصفة لتنعيم الشعر مره او كريم :o:o:o
شكراً

يزااااااااااااااج الله كل خيررررررر نولج كل اللي في بالج ياااااااارب

انا شعري خفيف من المقدمه وفراغات وايد ونا بعدني صغيره بلسن الدكتور عطاني ادويه حق فقر الدم واستعملها

ابيىىىىىى حل واكون لج شاكره وادعيلج ليل بلنهار ان لقيتيلي حل00 لاني بعرس والمشكله خطيبي يبى شعري طويل :confused::confused: مايصير اطوله وهو خفيف

باي فنتظاااااااااار حلج000 وبلتزم فيه مثل ماتقوليلي

السلام عليكم ورحمة الله وبركاته
الاخت زرقاء اليمامة اهلا وسهلا
اقري الوصفة الاخيرة وهي زيت اللوز مع العسل ممتازة لتنعيم الشعر وتلميعه
وافضل كريم لتنعيم الشعر هو فاشكول بالثوم او الجرجير ميهم امهم فاشكول وحطي معاه ملعقة كبيرة زيت لوز وملعقة كبيرة عسل وحطيه بشعرج ساعتين مع تغطيته بالقبعة البلاستيك وان شاء الله تحصلين النعومة اللي تبينها واحلى :up:

السلام عليكم ورحمة الله وبركاته
ياهلاه والله بالعروسة بسمة ملاك ان شاء الله اقدر اساعدج وافيدج بكل اللي اعرفه يارب
اهم خطوة انج تلتزمين بحبوب فقر الدم اللي عطاج اياهم الدكتور لانه المعالجة الخارجية ماراح تنفع من غير علاج الخلل بالجسم داخليا
ثانيا لخفة الشعر انا ذكرت اكثرمن مرة خلطة الصبار وهي ممتااااااااااااااازة جدا للشعر صدقيني ماراح تعرفين شتسوين بشعرج من كثره طبعا اذا التزمتي
تاخذين صبار طبيعي اللي ينباع بالمشاتل
اخذي ورقة منه طبعا الورقه طويله انتي قسميها 3 اقسام ل 3 استعمالات وحطيهم بالثلاجة بس اخذي القسم اللي بتستعملينه وشيلي الشوك اللي عالجنبين وقطعيها وحطيها بالخلاط وحطي معاها اما زيت ذرة او زيت جوز هند وانا انصح ببراشوت او سوي مثلي احط معاه 3 ملاعق فاشكول بالثوم او اي كريم حمام زيت تحبينه مع ملعقة عسل
وخلطيهم بالخلاط وبعدها حطيه بشعرج لمدة ساعتين وغسليه عادي نفس كل مرة
وبتشوفين شعرج شلون راح ينبت بسرعة والتساقط يختفي نهائيا
انا دايما استعملها مع الفاشكول لانه احسن شي

وفي طريقة تقريبا مثلها وهم بعد ممتاااااازة وايد وتغذي الشعر وتكثفه
تجيبين الصبار مثل ماقلتلج وتشيلين الشوك وتحطينه بالخلاط وتجيبين جوز الهند الثمرة نفسها وتاخذين كمية بسيطة من الماء اللي فيها وتاخذين منها من داخل وتبشرينها يعني تغرفين من الثمرة نفسها من داخل وتبشرينه وتاخذين ملعقتين من المبشور وتحطينه بالخلاط مع ملعقة زيت اي زيت تفضلينه ماعدا زيت الزيتون او تحطين ملعقة حمام زيت
ونفس الشي تحطينه بشعرج ساعتين وتغسلينه
تتكررين العملية مرة الى مرتين بالاسبوع وان شاء الله راح تحسين بالفرق قبل مايمر شهر حتى بتشوفين الحيوية على شعرج والنعومة واللمعة


وفي طريقة اذا فيج شدة عالريحة:pain:
هي انج تاخذين فصين ثوم وتدقينهم وتحطينهم مع فنجان نصفه زيت خروع ونصفه زيت عافية وتخلطينه بالخلاط وتدلكين فيه مقدمة الراس والفروة وتخلينه 3 الى 4 ساعات وتغسلينه وتحددين يوم بالاسبوع تسوين فيه هالطريقة ماتغيرينه لانه الثوم مثل المضاد الحيوي لازم تاخذينه بوقته ماينفع لاتقديم ولاتأخير
وعقب 4 استعمالات بتشوفين المنطقة الفارغة كلها شعر صغييير نابت

وفي طريقة بعد وهي صفار 4 بيضات مع ملعقتين كبيرتين زيت خروع تخلطينهم وتدلكين فروة الراس عدل بهالخلطة وتخلينهم بعد 4 ساعات وتغسلين الشعر وتكررين العمية مرتين بالاسبوع
وان شاء الله شرج بيصير كثيف اذا التزمتي بهالخلطات
ولاتنسين قص اطراف الشعر بين فترة والثانية عشان يقدر يستفيد من المواد الغذائية

وان شاء الله المرة الجاية لما تردين علي تبشريني بالنتيجة مع شعرج :up:

الله يعطيج الصحه والعافيه حبيبتي على مجهودج والله يسعد ايامج ويحقق الي في بالج يارب كل الوصفات حلوين وانا من ضمنهم الحل لي شعري ما بتعبج معي حبوبه تحياتي الاميــــره الحــــلوه:shy:

السلام عليكم ورحمة الله وبركاته
اهلا وسهلا فيج اختي الاميره الحلوه
وانا حاضرة اي طلب وصفة تحتاجينها وان شاء الله انتي وباقي البنات تستفيدون من الوصفات وتدعولي :up:

يعطيج الف عافيه مشكوره وايد




بس بغيت أسألج وين يبيعون حمام زيت فاشكول ؟

اختي فديت الكويت




انا ملست شعري مرتين وما صار فيه شي


بس ثالث مره ملست فيه صار ينزل كثثثيير ........



ياريت تنصحيني بشي يوقف التساقط وما ياثر عللى التمليس



وجزيتي خير

السلام عليكم ورحمة الله وبركاته
اخت 3athra انا لقيته بجمعية الروضة سعره 4 دنانير ونص تقريبا واذا ماحصلتيه في نوع ثاني وايد زين انا استعمله بعد ممتاز هو حمام زيت اسمه الخلطة السرية بالمكسرات انا اشتريه من جمعية الفيحا لانه مسوين عليه عرض هو سعره 3 وشوي انا اخذه من الفيحا بدينار ونص مادري دينار و 750 فلس هالحروة
وممتاز مثل ماقلتلج مادري اذا تحصلينه بمكان ثاني بس بالفيحا مكود:up:




الاخت عاشقة الجنه راح اعيد لج الوصفات المضمونه واللي استخدمها بنفسي لحل مشكلتج وان شاء الله تستفيدين منهم
هذي وصفة ممتااازة وانا شخصيا مااستغنى عنها لشعري وعالاقل احطها مرة بالاسبوع
تاخذين صبار طبيعي اللي ينباع بالمشاتل
اخذي ورقة منه طبعا الورقه طويله انتي قسميها 3 اقسام ل 3 استعمالات وحطيهم بالثلاجة بس اخذي القسم اللي بتستعملينه وشيلي الشوك اللي عالجنبين وقطعيها وحطيها بالخلاط وحطي معاها اما زيت ذرة او زيت جوز هند وانا انصح ببراشوت او سوي مثلي احط معاه 3 ملاعق فاشكول بالثوم او اي كريم حمام زيت تحبينه مع ملعقة عسل
وخلطيهم بالخلاط وبعدها حطيه بشعرج لمدة ساعتين وغسليه عادي نفس كل مرة
وبتشوفين شعرج شلون راح ينبت بسرعة والتساقط يختفي نهائيا
انا دايما استعملها مع الفاشكول لانه احسن شي

وفي طريقة تقريبا مثلها وهم بعد ممتاااااازة وايد وتغذي الشعر وتكثفه
تجيبين الصبار مثل ماقلتلج وتشيلين الشوك وتحطينه بالخلاط وتجيبين جوز الهند الثمرة نفسها وتاخذين كمية بسيطة من الماء اللي فيها وتاخذين منها من داخل وتبشرينها يعني تغرفين من الثمرة نفسها من داخل وتبشرينه وتاخذين ملعقتين من المبشور وتحطينه بالخلاط مع ملعقة زيت اي زيت تفضلينه ماعدا زيت الزيتون او تحطين ملعقة حمام زيت
ونفس الشي تحطينه بشعرج ساعتين وتغسلينه
تتكررين العملية مرة الى مرتين بالاسبوع وان شاء الله راح تحسين بالفرق قبل مايمر شهر حتى بتشوفين الحيوية على شعرج والنعومة واللمعة

واتمنى اني اسمع النتايج الحلوة منج عن قريب :up:

:pain: اختي فديت الكويت مشكوره على هالموضوع واااااااايد لاني فعلا محتاجتبه وايد انا مشكلتي الله يسلمج انه شعري لو تمسكيين اي خصله تلقيينه من فوق متيين وتنزليين شوي تلقيينه خف وايد يعني التقصف يكون بنص الشعر :confused: قمت اجرب القص قصييته و بس ابي يطول ويكثر والمشكله كل ماطال الاطراف ماتشجع يكون من تحت خفيف بليييز ساعديني

السلام عليكم ورحمة الله وبركاته
الاخت pink_cat
الشعر المتقصف يحتاج للبروتينات عشان تكون بنية الشعرة قوية وماتتقصف
طبعا انسي انه الشعره اللي تقصفت ترجع مثل قبل لا لازم تقصين طرفها وعقبها تعتنين بالشعر عشان تتجنبين التقصف بالمستقبل
وهذي بعض الوصفات البسيطة لمساعدة شعرك على تجنب التقصف وعلاجه:
تاخذين كمية بسيطة من الزعتر الجاف او الطري او اكليل الجبل وتغلينه في ليتر ماء وتتركينه يفتر وبعدها تصفينه وتدلكين فروة الرأس فيه الى الاطراف وتكررين العملية يوميا الى ان يختفي التقصف.
طريقة ثانية وهي عبارة عن صفار 3 بيضات مع ملعقة كبيرة زيت زيتون وتفرك به جلدة الرأس والشعر الى الاطراف ((طبعا اذا شعرج طويل تزيدين الكمية)) وتتركينه ساعة وتغسلينه عادي وتكررين العملية مرتين بالاسبوع لحين زوال التقصف.
وممكن تستعملين المايونيز لانه كله بروتينات وايد مفيد حطيه بشعرج ساعة وغسليه طبعا تكونين لابسة كبوس نايلون وفي وصفة لوة تقوي بنية الشعرة وتحميها من العوامل الخارجية وهي عبارة عن
كوب ماء ساخن وثلاث ملاعق عسل
تخلط وتترك حتى تكون دافئة وبعد الاستحمام ضعيه على شعرك ولا تغسليه بالماء اتركيه على شعرك .
بعد كل استحمام استعملي هذه الطريقة.ولاتخافين ماتخلي الشعر دبق عادي لانه كمية الماء كبيرة

واتمنى اني اسمع اخبار حلوة منج عن قريب:up:

تسلمي يالغالية على وصفات وان شاء الله اشتري الاغراض واجربها.. وربنا يسعدك ويوفقك ..

يعطيج العافيه خيتووووو :up:

انا خذيت منج كم خلطه وبجربها وان شاء الله وبرد عليج بس ببدأ من الاسبوع الجاي عشان يمديني شريت مقاديرهم :smile:

تسلمين يالغاليه :up:

السلام عليكم ورحمة الله وبركاته
الاخت حبوبة القلب وضوى اقصيد
انتظر منكم البشارة بالنتياج الحلوة ان شاء الله وحياكم الله

مشكووووووووووورة اختي والله ما قصرتي:clap:

انشالله بجرب الوصفه و اذا نجحت انتي اول من يعلم:up:

:up: روووووووووعه بس انا حبيت اقوللك ان شعري ما يطول


يوصل لي طول معين وبعدين يوقف ايش اسوي:cool2::cool2: