شو رايكم بأساس من ماركة جيرلان ؟؟

اختي انا استخدمته قبل ارتحت معاه فتره وبعدين مليته يخلي البشره تلمع حتى لو حطيتي كميه من البودره ويخليها مزيته وبعد فتره تحسين انه يسيح ويتكتل.....ما ادري عن نوع بشرتج بس انصحج تستخدمين بودره مظغوطه اسهل واريح واذا تبغين كريم اساس انصحج بكريم اساس من هلينا ربن اشتاين يخلي البشره مثل المخمل وكانج حاطه بودره عليها...:up:

انا استعملته صراحه فضيع حيل.

قيرلان بشكـــــــل عام ماركه راقيه جدا حتى اللي يستخدمونها ناس ذوييييييييقه وبعد عن نفسي ماجربت الاساس حقهم بس مااتوقع بتندمين :shy:

شكراااااااا حبايبي على الرد

بصراحه حيرتوني يا بنات :s2 هههههههههههههههه

يعطيكم العااااااااافية يااااااااارب

:shy:

انا بشرتي دهنية واستعمل جيرلان فظيييييييع واستعمل بودر الاساس ماله هم عجيب وايد حلو
لا يدهن ولا يتكتل اخذي اللي للبشرة الدهنية اللي تصير علبته بلاستيك مو زجاج
وينفقص هذا انصحج فيه عجيب :up:

انا بعد من يوم استخدمت اساس جيرلان وانا مرتاحة وايد ولا غريته.. انا استخدم الكريم والبودرة المضغوطة وكلهم:up:

السلام عليكم اخواتي،،،

الغالية انا وايد سمعت عن اساس ماركة جيرلان وكل حد كان يرمس عنها كان يمدح فيها كثير وقصدي بالمضغوطة بس ناسية اسمها تبين الصدق،،، بس اتذكر كان فيه موضوع فيه استفسار عن اساس هاي الماركة وكل البنات اللي ردوا كانوا وايد يمدحون فيها زيادة على انه اختي من استخدمتها ما استخدمت غيرها تمدح فيها بشكل عجيب لين ما جربتها وحسيت انها فعلا ممتازة وعلى ما اذكر انها خاصة بالبشرة الدهنية،،، وبالفعل حسيت انها ممتازة بالنسبة لكريمات الاساس المضغوطة واخذي براي الاغلبية،،، انتي يربي ما بتخسرين شي بما انه هوايتج تجميع الاساسات "هواية غريبة" بس الغالية خذي بالج ما تستخدمين اساس بعد فترة طويلة من التخزين لانه ممكن تكون صالحيته منتهية وخصوصا انج تجمعين،،، على العموم بالنسبة للاخت اللي نصحت بماركة هيلينا HR الغالية الكل يعرف انها ماركة يهودية والدليل اني سألت ممولة الماركة اللي زارتنا في الدوام عشان تسوي دعاية عليها وقالتلي بالفعل هي ماركة يهودية وللاسف كانت لبنانية ونحن مسلمين الغالية ونرفض انه نقتني منتجاتهم ولا تخلين ها الشي يعود عليج بالاثم الله يعافينا وياج من كل أذى نجره لمسلم ما بالج إذا دعيتي له،،، وايد ماركات زينة في السوق تقدرين تستعيضين عنها عن هاي الماركة اليهودية المنبوذه،،،

على فكرة في اساس ماركة ثانية يمدحون فيها وايد وهي ماركة كانيبو بس للين الحين ما جربتها للامانة بس الاخوات ما يقصرون في التجارب

:[[ALIGN=JUSTIFY]COLOR=darkred]up: مرحبا اختي ... بصراحه انا استخدم جيرلان من فترة طويلة ووايد مرتاحه منه سوا كان المضغوط للنهار أو كريم الاساس السائل للمساء ...
وأنا استخدمه بها لشكل وما يزيت مع ان بشرتي تدهن على الانف والجبهه لكن في البداية اشتري منتجات العناية بالبشرة مالت جيرلان واسمها ايسيما وفيها كريم تحطيه قبل كريم الاساس هو عباره عن مرطب ويعمل كنترول على الدهون وبعدها حطي كريم الاساس السائل ومسحيه عدل علشان ما يتكتل وفوقه حطي لوس بودر مالت جيرلان اللي لونها على الوردي شويه هاذي فعلا فضيعه جربيها وبتدعيلي ان الله يخليلي أحمد وعياله .[/COLOR]:up:

شكراااااااااا حبيباتي ....

ملاااااااك
929khalida
femme_nmh
فتون علف
ام ياسمينا
أوركيـــــــــد
حرم احمد

بصراحه شجعتوني وااااااااايد
وشكلها ممتازة هالماركه من خلال
ردودكم .. شكراااا جزييييلا
وربي يوفقكم ياااااااااارب
بجربها وبرد اقوللكم رايي فيها

شكراااااااااا:shy:

جربيها و ابدا ما بتندمي
انا استخدمها عجيبة مرررررررررررة
و الوانها طبيعية ما تحسين عليج طبقة
كل منتجاتها روعة :up: استخدميها و بتدعين لنا

مرحبا ..

انا كل ما ادخل محل باريس غاليري .. اييوني الموظفات اللي يشتغلون اهناك ..والا يخلوني غصب اشتري هالماركه .. و طايحين فيها مدح.. و يقولون انها احسن شي .. واحسن من كل البودرات الموجوده ..
انا قصدي البودرة اللي في العلبة البلاستيكية و لونها ابيض..

فآخر شي اشتريتها .. بس تبين الصدق جربتها مرة وحده في المحل وكانت اوكي .. كانت وايد طبيعية .. وانا ما احب احط وايد ميك اب على ويهي .. عشان جي عيبتني..


و انا ما خذتها الا من مدح الموظفات لها ..

فتون علف وتموره بصراحه حيرتوني مع اني استخدم جيرلان من زمان بس شو قصدكم بودر اساس بعلبه بلاستيك ولونها ابيض ..؟؟؟ اللي انا اعرفة هو الكريم اساس ويي في غرشة زجاج وفي بعد البودرة المضغوطة بعلبة مستطيلة لونها ذهبي وفي البودرة اللوس بعلبة مدورة ذهبية ايضا انتو عن شو تتكلموا ؟؟؟؟؟؟

الغالية حرم احمد،،،

ياسلام على نصايحج،،، الصراحة شجعتيني،،، ان شاء الله لازم اجرب طريقتج في وضع الكريم،،، بالنسبة للكريم الاساس اللي تستخدمه اختي وطريته من قبل هو البودره المضغوطة وتييج في علبتها الذهبية الانيقة وتكون مستطيلة مثل ما وصفتيها،،، بس انا يوالملي اكثر الكريم الاساس السائل،،، جان ما ايربه،،، مشكورة الغالية وايد على النصيحة

والله يا بنات ما قصرتوا فيكم الخير والله
وشجعتوني اكثر عشان اشتريه .. ان شاء الله
باجر اروح اشتريه وسعره رخيص بعد يعني يشجع اكثر :D2
شكراااااااااا وربي يعطيكم العافية ياااااااااارب
وينولكم اللي في بالكم ...:up:

حبيبتي أوركيد تسلم عيونك ... ما سويت شي وكان تبي من هالنصايح تراها كثيره عندي يعني على قدي ... احنا بالخدمه دايم

السلام عليكم ورحمة الله وبركاته

بصراحه انا ما جربته...

بس سمعت ان بسام فتوح خبير المكياج اللبناني يستعمله