عندي مشكلة والحل بيدكم

أهلا بك أختي العزيزة Seen...


أختي ما تمري به عادي جدا...و أغلبنا مر به...و هو أن أهالينا في فترة الملكة منعونا من الخروج بمفردنا مع خطابنا...


لا تنظري للموضوع من منظار أسود أختي....أهلك همهم على مصلحتك أولا و أخيرا...هم يعرفوا المشاكل الكبيرة التي قد تحدث من وجودكما معا....و هم يخافوا عليك منها...


أكثر من بنت بعد وجودها مع خطيبها بمفردها طلب منها خطيبها ما حلله الله له و قال لها أنت حلالي الآن...و بعد ذلك...و لعدة ظروف انفصلوا ( إن شاء الله ما يحدث ذلك أبدا )...و الضحية كانت البنت...


بس إنت ممكن بمنتهى التفاهم مع أهلك...تقدري تقعدي معاه و تكلميه و تاكلوا سوا مثلا...أو تعزميه على أكلك في يوم....


حتى لو خرجتوا...ممكن تتسوقوا و تروحوا أماكن مع بعض...حتى لو معاكم رقيب من العيلة...انسيه و ركزي على خطيبك...


أختي خلاص هانت...حاولي تتكيفي مع ظروف و عادات عيلتك....و كلها مدة بسيطة و تتزوجي إن شاء الله و تقعدي مع زوجك طول اليوم :smile:


الله يتمم لك على خير يا رب و يسعدكم إن شاء الله....(u)



.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

وعليكم السلام ورحمة الله وبركاته..

اهلين اختي ..Seen


دايما الاهل يشرطون لما تطلع البنت مع خطيبها انه يكون معاهم مرافق (رقيب اول او ملازم ثاني)..:D2:D2


بس صدقيني معدين راح يتساهلون و يخلونكم تطلعون لحالكم ..


انتى حاولى مع اهلك و ان شاء الله يوافقون ..

والله بسبب قلة خبرتي بهالسوالف ولأني مو مجربة

لكني أتوقع ان الطلعة مع الخطيب ما فيها شي لأن بينكم عقد
يعني حلال عليه
فما فيه داعي للرقيب

ونصيحتي: اقنعي الأهل بالسالفة مرة ومرتين وثلاث
وان شاء الله خير

تحياتي..

السلام عليكم ورحمة الله وبركاته
اختي العزيزه انا مع راي الاخت مرموم انج تترين لبعد الزواج احسن وما دام انج تكلمينه يكفي وثقي انه هذا في مصلحتج واحترمي راي اهلج جدام زوجكي حتى تكبرين في عينه واتمنى لج التوقيق في حياتكي كلها

انا مع كلام الاخت مرموم

انشالله شدة و بتزول هانت حبيبتي وبعدها انشاء الله تفرج و تتزوجي

أحسن انج تاخذين راي أهلج..

لأن أهلج أكيد خايفين من كلام الناس..(هذي دايما تطلع مع رييلها في الملجة وما تستحي ووووووو) وغيره من الكلام الفاضي.

ويقول المثل ابعد عن الشر وغنيله.

وبعد ما تتزوجون ياما بتطلعون، وتملون من الطلعة بعد..

والله يهنيج يا اختي

الأهل هني أكيد غلطانين:down::down::down: أذا منعوش انش تختلين مع خطيبش بروحكم

لأنه بعد الزواج بيصير الأمر كلش صعب عليش و عليه لازم تحاولين تقنعينهم انش لازم تضلون بروحكم من دون رقيب الا الله جل شأنه و قولي اليهم ان الأمر حلال و أوعدي أهلش بأن ما يصير بينكم اي شي من تبعات الزواج و انه ما راح يدخل عليش في الخطوووووووووووووووووووووووبه

و الله يوفقكم ان شاء الله

أختي خلاص هانت...حاولي تتكيفي مع ظروف و عادات عيلتك....و كلها مدة بسيطة و تتزوجي إن شاء الله و تقعدي مع زوجك طول اليوم


الله يتمم لك على خير يا رب و يسعدكم إن شاء الله....

انا اقعد مع خطيبي بروحنا وناكل مع بعض بروحنا ، بس انا مشكلتي كانت بالطلعة وياه

على العموم انا ما لي الا الصبر وبعد الزواج بعوض اللي ما قدرت اسويه

أختي Seen

الله يعينج والله

هذي الفترة مهمة جداً في فهم كلا الطرفين للآخر
ولتفادي أي سوء فهم بعد الزواج

فمثلاً يعرف كلا الطرفين ما يحب وما يكره
والتعود على الطباع والتصرفات

مادري ليش بعض العوائل تصر على أن لا يختلط الخطيبان قبل الزواج

حاولي تقنعين أهلج حبيبتي بضرورة التعود والخروج والجلوس مع الخطيب خصوصاً قبل الزواج

والله الموفق

الغالية في البداية بتلاحظين ان الاهل متشددين شوية وبيمنعونج من الخروج وياه بروحج إلا مع واحد من الاهل وها الشي طبيعي ولو حد يطلع وياكم خلي البداية تكون جيه عادي ما فيها شي،،، لكن عزيزتي انا لو منج بتم اعزمه دايما البيت ولو حتى امج بتيلس وياج في البداية عادي وايد عشان شويه ياخذون على ريلج ويستانسون وياه،،، وبتكونين ذكيه لو انتي بروحج تناديهم عشان يلسون ويا ريلج ويسولفون وياه عشان ما يحسون انج متأزمة من هاي السالفة وتبنين لهم وانه ولا على بالج وبالتالي هم بيحسون بالطمأنينه ناحيتكم وانهم مبالغين وايد في سالفة المراقبة،،، لكن عجب شوي شوي بتشوفينهم بروحهم ينشون عنج وعنه ويخلونكم بروحكم بس يراقبونكم من بعيد،،، وكل ما خذوا على ريلج اكثر كل ما اطمأنوا،،، انا استوى لي جيه ومع اختي ومع اختي الثانية،،، يعني في البداية الوالدة كانت تيلس ويانا في المجلس ونحن عادي نسولف نضحك وياها ونبين إلها انه عادي ما في شيء وبعدين فديتها بروحها قامت تنش وتعطينا فرصة في الجلوس مع بعض اكثر وتبين الصدق ما كنت احس انها مثقله علينا بالعكس كنا نستمتع بوجودها،،، في البداية كانت ما تخليني اطلع وياه،،، لكن شوي شوي يوم خذت على زوجي وارتاحت له اكثر استحت انها ترده إذا مثلا بغي ياخذني برع حج مشوار سريع وضروري مثل انتقاء غرفة نوم او ما شابه،،، وتخيلي كان زوجي يطلب منها بكل ادب ويقولها خالوه لو تين ويانا وتونسينا،،، وهيه كانت تقدر ها الشي وتستحي منه وتقوله برايكم جان بسيرون بروحكم وبتردون بسرعة،،، يعني يخليها هيه اللي ترمس مب نحن،،،في البداية كانت تي ويايه وبعدين وعجب ما قرب موعد العرس اطمأنت زيادة وارتحات لزوجي اكثر وخلتنا نطلع طلعات سريعه وانا دايما كنت اتصل فيها وانا برع وياه عشان ابين لها ان كل شي تمام وبعد شوي بنرجع وكانت ترتاح اكثر،،، يعني اعتقد انه كله يعتمد على صبرج وحكمتج،،، وحاولي انج تتقبلين ها الشي بصدر رحب لانه لو كنتي مكانهم وكانت عندج بنت مالجة يمكن تمنعينها اكثر عنهم ،،، فكري فيها الغالية وبتشوفينها معقوله،،، وانا لو منج وشفت ما في فايدة ويا الاهل بآخذ الامور عادي وببين لزوجي انه ها الشي طبيعي وعادي عشان ما يتضايج من اهلي وشو فيها لو حد طلع وياكم،،، خليه هو ياخذ على الفكرة بعد،،، ومثل ما قتلج يمكن يشدون عليج في البداية بس يمكن يتغيرون آخرتها ومحد تبين الصدق بيتفيج يراقبكم فترة طويلة،،، الله يكتبلج اللي فيه الخير وان شاء الله نسمع خبر زواجج قريبا،،،

ويييين المشكلة ؟؟.. شئ طبيعي ..موقفهم صح..

مب كفاية ..تكلمييينه وتقعدين وياه ؟؟..يعني لازم الطلعة؟؟..

أسمعي نصيحتي(من أختج الكبيرة) ..خلي عندج شوية الصبر ..ولا تلحين علية على الطلعة..علشان تكبرين في عينه..

ان شاءالله الأيام تمر بسرعة ..وتتزوجين ..عقب سوي اللي تبينه..

مشكورين وايد على النصايح الله لا يحرمني منكم ان شاءالله

فديتكم كلكم