ساعدوني ويهي مساماته واسعة ومبقع

هلا اختي لاتلعوزين ويهج بالحف استخدمي الليزر لازاله الشعر و احسن مكان انا جربته مستشفى الزهراء اللي في الشارجه جربت كل مكان و كانوا يحرقوون ويهي بس استقريت على هالمستشفى للعلاج بالليزر و الحمدلله نتايج حلوه و قمت اشيل الشعر بالليزر مره كل شهر ما يلعوز الويه مثل الحف ... الحف يخلي المنطقه فيها مثل الاخضرار و عشان المسامات يمدحوون الحلبه حق الويه تطحنين الحلبه و تحطين وياها عسل و حطيها على ويهج لمده ربع ساعه ... و عشان الحبوب ابتعدي عن الحلويات و الاكلات الحاره و لازم دايما تكون بشرتج نظيفه ..لان اذا ما حافظتي عليها الغبار يتجمع في المسامات و يوم يطلع الغبار يسبب توسع للمسامات و ظهور الحبوب ... انا اشتريت من باريس غاليري كريمات تنظيف من ماركه ايف سان لوران و انظف ويهي مرتين في اليوم بها الكريمات هي مجموعه من ثلاث كريمات مع صابوون فيه مثل حبيبات رمل ناعم ...اذا كان عندج اهتمام اسالي عنه في باريس غاليري ..

و انشالله افدتج بشي بسيط

تحياتي

شكرا أختي فطيم على مساعدتي وأنا اسفة للتأخير لظروف معينة المهم بغيت اسألج عن سعر إزالة الشعر باليزر وكم جلسة وهل لاحظت تحسن وشكرا لك.

وانا بعد خاطري اسوي ليزر بس خايفة

هلا اختي ...

كنت اسوي ليزر في مستشفا الزهرا االجلسه 1500 درهم كل شهر مره من غير الكونسلتيشن ياخذوون عليه 200 المجموع كان 1700 درهم.. و بعدين اختي حطي في باالج الليزر مايزيل الشعر نهائيا بس له ثلااث فوائد و هالشي فعلا صحيح و لاحظته :


اول شي اذا كانت الشعره سميكه يخليهاا ناعمه .
ثاني شي اذا كان لوون الشعره غاامق يفتح لوون الشعره و يخلي البصيلات ضعيفه .
ثاالث شي بدل ماتشيلين كل ااسبوع بالخيط او بالملقط تشيلين مره كل شهر باالليزر و كل ما طول الوقت وانتي تشلين باليزر بتستخدمينه كل 6 ااسابيع مره .

طبعاا انا تعالجت بالليزر ووصلت لمرحله اكتفاء ... و ااذا في شعر في ويهي بارز كم شعره يعني ااشلهم بالخيط و طبعا ماافي خوووف لاان انا شفت برنامج الجواب الشافي اللي في قناه العربيه كانوا يايبين اختصاصي امراض جلديه قال اذا المرأه وصلت لمرحاة اكتفاء عادي ترجع للخيط و التشقير للشعر الخفيف اللي ظل و ماا بيرجع الشعر مثل ما كان و لاا بيرجع الشعر غليظ و لا بيرجع سميك ..

و اذا بتسالين عن شي على عيني وراسي

تحياتي

والله شكله شي الليزر
شكلي باسوي انا بعد

بس حبيبتي ممكن سؤال؟؟؟

لما يشيلون بالليزر مافي الاام او شي؟؟

او احمرار؟

يعني مايعور؟

او تبين اثار ؟

هلا و الله

بخصوص الليزر والله كانوا يستخدموون مخدر موضعي ما تحسين بالم بس وخز مثل الابر و بعد ما تخلصين من الليزر يضل فيه احمرار لمده يومين عاد انتي و حضج اذا في حرووق تضل علاماتها لمده اسبوع وبس.



تحياتي

بعد ما تحفين دلكي وجهك بماء ورد مثلج الين يذووووووب وبعدين دلكيه بكريم مرطب ومنظف بنفس الوقت وبعدين حطي على وجهك ماسك منظف ومقشر بنفس الوقت او تسوين تقشير وبعدها تحطين اي ماسك يناسبك هذا راح يريح بشرة الوجه ويقلل من الحبوب مع مرور الوقت
وهذاماسك منظف يعطي نضارة للوجه وبعد يضيق المسام الواسعة لو استمريت عليه2
ملعقة صغيرة من أوراق النعناع الطازجة المطحونة
2 ملعقة كبيرة خل التفاح.
285 مل ماء تقريبا كوب وربع
يوضع النعناع في زجاجة ، ويُصب فوقه خل التفاح ، وتغلق الزجاجة جيداً ، وتترك لمدة اُسبوع .. ثم يصفى الخل من النعناع ، ويضاف إلى الماء ، ويعبأ في زجاجة محكمة الغلق.
او ممكن تعصرين مجموعة من أوراق الخس الطرية الطازجة

تُعصر أوراق الخس ، ويُصفى العصير خلال قطعة شاش.. ويستخدم في دهان الوجه ، ثم يشطف الوجه بعد 10 دقائق بالماء البارد
او تقطع ثمرة الطماطم إلى شرائح رقيقة.. وتوضع على بشرة الوجه ، بأماكن المسام المتسعة ، وذلك لمدة 10 دقائق. يكرر هذا العلاج يومياً

وعلشان البقع والرؤوس السوداء الماسكات اللي ذكرتها لك تساعد كثير بالإضافة لأنك تسوين حمام بخار لوجهك شهريا



المشكلة مو بطريقة ازالة الشعر المشكلة ان البشرة بعد ازالة الشعر مساماتها تكون مفتوحة وعدم العناية بها هو السبب بكل هذا

الليزر فعلا ممتاز بس عدد الجلسات يختلف من حالة لحالة وكلفته المادية مو كل وحدة تقدر هذا غير انه لازم يسويه انسان متخصص وعنده خبرة كافية
آسفة للإطالة

تحياتي