زفة لتوأم

سود العيون 23-02-2004 11 رد 684 مشاهدة
س
السلام عليكم والرحمه
اشحالكم بنات المنتدى؟

خلوني اخبركم السالفه احين
السالفه وما فيها .. اني انا واختي توأم وبنعرس في يوم واحد .. فنبا أفكاركم وهمتكم ويانا ..
انا اللي اباه بالظبط .. انكم تعطوني افكار لزفتنا .. يعني كيف اندش .. وخاصه اني وهي بنطقم في كل شي .. المكياج والتسريحه والمسكه والفستان كل شي كل شي .. بس نبا افكاركم في الزفه .. يعني كيف ندخل .. ؟؟ :smile:
فاللي عندها افكار ما تتبخل عليينا ..
واتريا ردكم ..
ا
ان شاء الله ألف مليون مبروك لكم

إذا لقيت فكرة حلوة أكيد ما ببخل عليج فيها

بس حبيت أبارك لكم
m
السلام عليكم ورحمة الله وبركاته

عزيزتي سود العيون الف الف الف مبرررروووك على الزواج

احب اعطيج افكاري لين ما دشين اول شي دوري لج توأم يعني يكونون في عمر 4 سنوات وغيرهم 8 سنوات واذا تقدرين اكثر بعد حلو

:shy: اتخلينهم يدشون قبلكم ويكونون بترتيب من الاصغر الى الاكبر وبعدين اتيين انت واختك :smile:
ع
قبل كل شيء مبروووووووووك لكما معا

ثانيا قبل لا اقول اي شيء

القاعة اللي رح تدشون لها كم باب فيها ؟؟؟؟
ه
سمعت توام قلت يحليلهم

خلني ابارك لهم
ط
لا تعوذي من ابليس ولا تدششين قبلكم توام بعد ترى حسبي حساب الناس اللي ماتصلي على النبي:z_bye: وعلبركه اختي
ا
ألف مبروك يا حياتي على الزواج أنتي و أختك التوأم و في الحياة أنا و أختي التوأم نحب نبارك لي التو أم عقبال ما تجيبوا توأم في السنة الجاية يا رب يا كريم ألف ألف مبروووووووووك http://www.liaal.com/create.php?card_id=67
s
انا بخاف اوي من عيون الناس خلي بالك
ع
[GRADE="FF0000 000000 FF0000 000000"]فديتــج ما أبي اخوفكــم .. بس احترســوا من عيــون الناس والحســد والعين اللي ماتذكر الله ولاتصلــي على النبي..

الله يبارك لكم وعساه زواج ميمون إن شاء الله والله يوفقكم وحياة سعيــدة ..
وانا مع الأخت اللي تسأل اذا كانت القاعة لها بابين للدخول يكون تدخلي انت من باب وتؤأمج من الباب الثاني وتلتقون ثنتينكم بعدين في طريق واحد يوديكم للمسرح..

هذي فكرتــي يالعيون بس حطوا بالكم واحترسوا من عيــون اللي ماترحــم ياسود العيــون .. اسأل مجــرب والله العظيم من أول يوم من خطوبتنا انا وخطيبي في المستـــشفى الكل حط عيـــنه شلون انتي وياه تتشابهون لهالدرجة اللي يجوف إنكم نقـــوة حق بعض وانا ويــاه في المســتشفــى من اول يــوم..

الله يحرسكم بعينــه اللي ماتنـــام[/GRADE]
ق
الله يبارك لكم و يحرسكم من العين
في فكرة يات على بالي بس يعتمد على القاعة الي بتسوون فيها العرس
الحين في قاعات فيها بلكونات يعني العروس تنزل من البلكونة ماتدخل من الباب
الفكرة ان الصالة لو كان فيها بلكونتين
تبتدي الزفة و تكون الانوار كلها مطفية و يطلع سبوت لايت على وحدة فيكم و مرة وحدة يطفي السبوت لايت و يطلع على الثانية
و بعدين يطفي مرة ثانية و يطلع مرة ثانية على الثنتين بوقت واحد و تبتدون تنزلون من البكونة و السبوت لايت عليكم ليييين تلتقون و يصير السبوت لايت واحد و تكملون لييين الكوشة

طبعا الفكرة تعتمد واااايد على القاعة و التجهيزات مادري اذا تتنفذ ولا لاء

و اتمنى البنات يساعدونج
أ
وعليكم السلام ورحمة الله وبركاته

فكرة قطوة سودا عجبتني كثير

اشرحي لنا كيف شكل القاعة ممكن نساعدك اكثر

بس المعاريس بيتدخلوا ؟؟

اخاف لا يتلخبطون ما شاء الله بتكونوا طبق بعض خخخخخ

ربي يحرسكم من عين الحساد لا تنسون تحصنون انفسكم
*
ألف مبروك ألف مبروك
X