فستان زفاف ل (( وليد عطا الله )) بقرابة المليووووووون درهم

والله شفت فساتين احلى واقل سعر
انا لو بغيت اتزوج ما بلبس فستان على قيمة غاليه وشكل مو حلو انا اختا الفستان المميز بشكله ومهما كان شعرة فوق او تحت...بس بصراحه مو بذلك الزود هالفستان ...انا عمتي لبست فستان مرصع باحجار زرق روووووووووووووووووعه بصراحه كان الفسات فريد من نوعه بصراحه ومو كثير غالي

والله حرااام شو هالبطره..

السلام عليكم


مشكورة عالصور عزيزتي


ما عندها سالفه هاللي بتشتري أو بتأجر فستان وليد عطا الله
بدال ما الوحدة تشتري أو اتفصل أو اتأجر فستان بهالسعر أخير لها اتسير اتعرس لها كم وحده وياها او بالكثير 2 او حتى 1
انتي اتخيلي الدعوات الي بتحصلينها حتى بعد ما تندفنين تحت التراب من غير حسناتج اللي الله بيرزقج اياها اذا كان عملج خالص لويه الله مب لرياء الناس عشان يقولون فلانة و فلانة للفشخرة بس


اذا الفستان بمليون عيل باجي التجهيزات و الزهبة بكم!!!!!!!!!!!!!!!!!

و بعدين عن وليد عطا الله اسمحولي عاللي بقوله انسان ما عنده ذوق و يقص عالناس بصراحة

سرت مره ملجة وحده فبوظبي اتخيلو فستان ساااااااااده و ما عليه شي و القطعه مووووووول ما تسوى طبعا الوار بدرهمين او 3 بالكثير طلع عليها اغلى من بيع السوق ...انصدمت لمن قالولي الفستان ب4 آلاف؟!!!!!!!!!!!


ليش الريال حصل البيزات طايحة بالشارع!!!!!!!!!!!
لو زين يرزى و الله حتى قاص عليها اونه هالفستان امسونه مخصوص عشانها و القطعه يايبنه وارد من ما ادري اي ويعه ههههههههههههههههههههه

و في النهاية شافو نفس الفستان هو كان امسونه قبل في مجلة من مجلات الازياء يعني طلع ولا شي خسارة فلوس عالفاضي

شفت فستان عروس من عند بعد محل من بتوع الماركات ب100 الف بس واااااااااااااااااااااايد راقي لو انه شوي غالي لكنه سااااده ماشي غير كرستاله عالصدر و الفستان كله دانتيل و الكموم طويلة بس بعد احس حرام لساعتين

شكله راقي جدا لو حضرني الاسم بخبركم اظن اتعرفونه بنات في عنده محل في السيتي سنتر دبي



الصراحة هم يضحك و هم يبكي

ناس مب امحصله تاكل و ناس اتفصل فساتين الماس و غيره و غيره

اتقوا الله يا ناس ماله داعي لكل هالاسراف و التبذير

احنا انحاسب على كل ما نشتريه و بحدود المعقول و بعدين انقول الله يعين شو بنسوي اذا الله حاسبنا على اسرافنا

و ناس ولا همها


مع احترامي للجميع اللي يحبون الشي هذا بس هاي وجهة نظري

اسمحولي عالاطالة




الله المستعاااااااااااااااااااااااااااااااااااان


أختكم


الخرشة

عدل كلامج اختي وليش التبذير انا ليش ليش اروح اسوي لي فستان بسعر خيالي حق ليله وحده في العمر انا اقدر اسوي فستان روووووووعه ولا احلى منه ما فيه وما يتعدلا 200 دينار وانا اعترف ان فستاني كان سعره 150 دينار بحريني لكن ما في وحده ما قالت لي حلو وروعه وفضيع جنو عليه البنات

اقصد فستان خطوبتي

اولاً الفستان عادي جداً .. يعني حتى الألماسات اللي فيه مو محليته ؟؟؟!!!

ثانياً على قولت الأخت كلللنا عندنا خير لكن وش الفايده اذا شريت فستان بهالسعرو بعدين جلس في الدولاب ؟؟!! والله يحترق قلبي عليه كل ما أفتح الدولاب واسكره هو موجوده وماينلبس ؟؟

بوجهة نظري الوحده تخيط لها فستان العرس شي بسيط وراقي وبحدود المعقول لأنها ماراح تستفيد منه ؟ الا اذا أجرته أو باعته .. أو انها تستأجر لها فستان العرس وهذا اللي اشوف انه يصير بهالأسام ..

تحياتي ..

السلام عليكم ....
اختي في اشياء كثيرة يقدر الواحد يسويها من اجل العرس .... بس بحدود ...!!

الخير واجد ولله الحمد ... ولاكن لما ابي ادفع 900.000 في فستان عرس افكر في نفس الوقت

اخواني اللي يموتون بالجوع يوميا مو لاقيين شي ياكله ... فوالله لو تبرعتي بمبلغ

وان كان بسيطا الله حيجازيكي ... وانا رايي انك لما دفعت المليون كانك تبرعتي


بها للبائع ... وانا اتصور حتى البائع استغرب وجاتله صدمه

الحمدلله على كل حال ... سيزول كل شيء ويبقى


العمل .... فقط ....

الله يسعدك دنيا واخرة ... ويبقى جمال الروح هو الجمال الحقيقي

saudia:
اولاً الفستان عادي جداً .. يعني حتى الألماسات اللي فيه مو محليته ؟؟؟!!!

ثانياً على قولت الأخت كلللنا عندنا خير لكن وش الفايده اذا شريت فستان بهالسعرو بعدين جلس في الدولاب ؟؟!! والله يحترق قلبي عليه كل ما أفتح الدولاب واسكره هو موجوده وماينلبس ؟؟

بوجهة نظري الوحده تخيط لها فستان العرس شي بسيط وراقي وبحدود المعقول لأنها ماراح تستفيد منه ؟ الا اذا أجرته أو باعته .. أو انها تستأجر لها فستان العرس وهذا اللي اشوف انه يصير بهالأسام ..

تحياتي ..

صح كلامكم

واايد فساتين احلى وارقى باقل الاسعار

بس هالمصممين حصلوووا ناس ماتفكر ولاتحاتي بالبيزات علشان جيه بطروااا عليناا

الوحده لازم تفكر بالزوج كيف تعب بالبيزات او ابوه كيف تعب فيهااا

وخل نحط في بالنا انه بيي يوووم حد من اخوانا راح يتزوج وانه ولا وحده ترضى
على اخوها يخسر هالمخاسير والبيزات حق ساعات

ان المبذرين كانوا اخوان الشياطين

حتى لو كنت مليونيره بس الواحد يصرفها على شيء يستحق

السلام عليكم يالغاليات حبيت أقول أن من الذوق أحترام الأراء والشي الثاني أذا الفستان عاجبج يمكن الثانية مش عاجبها بس أرد أقول لولا لأذواق لبارت الأسواق.......

أنا ما عجبني الفستان ، وبصراحه أكثر أنا ما تعجبني تصاميم وليد عطا الله ، في مصممين يصممون أحلى عنه وأرخص

كل واحد يصلح سيارتة...:D2

والله لو الله يرزقني (انشاء الله) والله ما اقصر على نفسي وحتى لو الفستان بمليون

ليش الخساير؟

أنا عيبني تصميم وليد عطا الله يوم فصل فستان لبنت خالتي ..

نعرف وحده من أهله ... وأجر لنا الفستان بسعر حلو

وطلع الفستااااااااااااااااااان رهيب عليها ما شاء الله ...

وهو اللي حلى العروس أكثر ...

بس هالفستان مب حلو ...وما يستاهل هالمبلغ ...

مشكوره وماتقصرين

لا هيك كتير
يعني اللي بدها تلبس هالفستان بدها حرس خصوصي
ما بيكفي العريس يكون معها
والا شورايكم

حلو
بس والله حرام
وش هذا التبذير الله مايرضى والله


بس لو كانت ليلة العمر في اشياء احلى من كذا ولا توصل ربع هذا المبلغ

تسلمين

واااااااااااااااالله حرام تبذير اسراف و ربنا مايرضى

انا مستحيل ادفع مبلغ ذي هالمبلغ من سابع مستحيلات

انا حدي 6000 كلها ليله وحده و بس صح هي ليلة العمر بس والله حرام ندفع كل هالمبلغ حق يوم واحد عن عني شخصيا مارضى
بروح بشتري لي بيت و بسكن فيه

ترا موديله موووووووووووووووووووووول مب شي (r) دفشـــــــــــــــــــــــــــــــــــــــــــــــــــــــــــــــة (r)

الفستان مو حلو ابدا مافيه موديل حلو حتى التطريز كانه لحاف قديم مثل ما قالت اختنا
ما فيه اي شئ مميز ابد وما يستاهل هذا السعر وبعدين حراااام وتبذير عشان ليله وحده
مثل ما قالو الاخوات حتى لو وحده مليونيره تشتريه حرااام وما يستاهل وطبعا الناس اذواق
لكن اللي مش عارفه وين تودي فلوسها ممكن تدفعهم في اي فستان بس عشان اسم المصمم
يعني اعرف بنات يشترون فساتين بس عشان اسم مصمم مشهور

موووووووووووووووووووووول ماعيبني ....... حلاة الفستان بحركاته الغريبة و الحلوة مش بسعره ..... و المبلغ خيالي لفستان عرووووس بصراحة .... و هذا تبذير و اسراف ( ان الله لايحب المسرفين ) ...
و السموحة ...