بنت تكلم اخوي ... انا وش اسوي؟؟؟ اوقف اتفرج؟؟

مرحبا حبيبتي
اول شي اهنيكي على حرصك على صديقتك
وحرص صديقتك على اخوها شي رائع لانه فهالايام للاسف حتى الاخوان مايدرو عن بعضهم كله لاهي فحاله

ؤكي
انا بقول لك ان شالله في طريقه لحل هالاشكال
اول شي اكيد المفروض ماتكلمها لانه بتتعقد المساله اكثر وبتنقلب عليها

هي يمكن اتعجلت شوي لما صارحته بالي عرفته
المفروض مدامه اكبر منها زي مافهمت وصعب تتحكم فيه انه تسكت وتاخذ فتر تفكر فيها وتستشير بعدين تبدى تتصرف
لانه لوماكان يدري كان ممكن تدق عليها وتكلمها بدون مايعرف اخوها انها هي بس لوصار هالشي دحين حيتاكد انها اخته


ممممممممممم
ممكن تاخذرقمها وتعطيه مرشده اجتماعيه او انسانه متخصصه فهالاشياء وبتلقاهم صدقيني بس تسال
وتفهم الحرمه الموضوع بالزبط من كل الجوانب وتخليها هي تتصرف
ترى هالطريقه ممتازه منها تنقذ البنت من نتايج الي بتسويه ومنها تساعد اخوها

بنفس الوقت ممكن تحاول تشتري اشرطه مؤثره فهالموضوع لاتعطيه هيا لانه ماحيسمعها مدامهم فبيت واحد تشغلها وتعلي الصوت كنها تسمع لها هو حتى لواتجاهل صدقيني بيسمع ويفكر فداخله وهذي بدايه ان شالله للتغير


كمان اذا اخوكي قادر على الزواج او شبه قادر على الزواج اخطبوله حتى لواستمرت الخطوبه فتره بس المهم يكون عنده خيار حلال ثاني


ممممممممم
ايش في كمان ياربي
ممكن واننتو قاعدين وهو معاكم تقعدي تحكي اختك ولا امك ولا اي وحده باسلوب اثاره كذا انه كيف وحده تحكيكي عن وحدده كانت تلعب في الشباب وتكلمهم ولماسالوها ليش ضحكت وقالت انها تستغلهم وهم زي المغفلين ( دخلي زي هالكلمات القويه الي تاثر فيه لانه مايرضى يكون مغفل)
وبعدين كمليلها الحكايه وبرضه حيتجاهل انه مهتم بس بعدين ثقي انه بتتغير نظرته لها حيصير موواثق فيها ولا مرتاح وكمان ان شالله تكون بدايه للتغيير


آسفه على اطالتي حبيبتي
ان شالله اكون افدت صحبتك
وان شالله يجعل لها ولاخوها مخرج
ويستر على بنات وشباب المسلمين يارب


تحياتي لكي

الرجل مايضر سمعته شي البنت هي المسكينه

ورد الغلا تسلمين عيوني على الرد

وبتكلم بالنيابة عن زميلتي باعتبار انه مشكلتها مشكلتي

عزيزتي كلامك عسسل بس من وين بجيب لي مشرفة اجتماعية تكلمها

احسها صعبة شويه

وحتى لو لقيت شلون بقنعها انه هذي بنت تعاكس ووو...

مافيه شئ يثبت اني صادقه وحتى لو كلمتها
اتوقع انه البنت على طول تصك في وجهها تخيلي انتي وحده تدق عليك
وتنصحك راح تجحدين صح؟؟؟

اما بالنسة للعرس فاحنا ودنا اليوم قبل بكره نزوجه

بس الزواج مو لعبة يبي له ميزانية

واخوي توه يدرس بالجامعة ومابعد اسس نفسه ولا هو منى عينة يعرس هههههههه



والبنت هذي مصلحجية صح لكن اخوي مو غافل عنها هو عارف ومستانس
طالما هي ماشية معاه

وانا كل خوفي على البنت اكثر من خوفي على اخوي لان مثل ماقالت اختي دفى الكون الرجال ماتنضر سمعته

فانا مابي هالبنت تنضر باي شكل واذا هي جايبة الضرر لنفسها

فعلى الاقل مايكون بيد اخوي :confused:


شلووون اتدخل فهموني شلووون

---------------------------

دفى الكون كلامك صحيح

بس فكروا معاي وكل وحده تتخيل انه هالبنت تصير لها

شلون بتساعدونها؟؟

لو شو قلتى ما بيتأثر بالكلام مدام عاجبنه صوتها وأسلوبها وطريقة كلامها وايد راقيه والله الولد لو شو سوا ماراح يضره شئ بس البنت هيه الى بتنظر والله كريم:down:

عطيات
احيانا اعذره اقول البنت هي اللي معطيته وجه

يعني تجي النعمة لحد عنده ويرفسها مو معقول

لكن :(

مافيه حل ابعدها عن طريقه !!

ودي ادق عليها وأهزأها << وش دعوة مرته على غفلة :D2


بس انا دارية اني مابطلع بنتيجة من هالشغلة


ياربي ارشدني :(

هلا اختي

اذا كان اخوك في عمر صغير فلازم تنصحينه بالهداوة و ما تشدين معاه لان راح يزيد في العناد .

و انتي ساليه ليش هو سوى هالشي ؟

و يمكن يكون يحب هالبنت و ناوي يتزوجها ... مع انه احتمال ضعيف :cool2:

والله ورطه الله لا يبلانا
المشكله ان الي تكون في هالوضع ((البنت الي تكلم))
ما تكون في عقلها حتى لو انها هي الي تستغله برضو عواطفها الي تتحكم فيها للاسف هذا الي يصير اعرف بنت تحاول تترك المكالمات مع الشباب ماهي قادره لكن شوي شوي بدت تقلل منهم ((برضو البنات صارو يلعبون على الحبلين ))
ادعي ربي بالهدايه
وكثري من الزن من ناحيه ان الي يكلمون مغفلين واغبياء وان البنات الحين مالهم امان
((انقلب الحال)):D2
وجيبيله من هالسوالف
بقولك سالفه......راعية طويله.... :D2
واحد كان يكلم بنت وحبها وحبته وقررو انهم يشوفون بعض ولد الحلال راح يشوف البنت وكان معه في السياره صديقه الصديق هذا كان اوسم من الشاب الي يكلم البنت
البنت ما شالله حطت عينها على المزيون وتركت حبيبها الاول((نكبته))
وشبكت مع المزيون والمسكين راح فيها كان مصدقها لكنه طلع برا العبه
+++ووفق بين قلبين +++على حساب قلبه المكسور :down:
الله يعافيهم ولا يبلانا


شفتي كيف انقلب الحال

وجيبيله من هالسوالف الي تبين ان الدنيا تغيرت وشي من هالقبيل
ومو بس انتي الي تكلمين لا خلي اختك تقول سالفه الله ولا احد يعزه اخوك ويحترمه ويتقبل منه
طيب حبيبتي اتمنى اني افدتك

اختك همسة الربيع :shy:

لؤلؤة البحرين

هو ليس بالصغير هو اكبر مني ومتحمل مسؤلية البيت

ويحب يسيطر

هذي اخر سنه له بالجامعة وهو انسان ذكي كريم فاهم حبوب

وخسارة فيها


وبالنسبة للنصيحة هو جاحد انه مسوي شئ

وانا متأكده من كلامي ( طبعا انا اتكلم على لسان صديقتي)

فمستحييل يتقبل النصيحة ولو جبت له اثباتاتي كفخني

ليش اني تدخلت في خصوصياته وماراح يتقبل

اما مسألة انه يحب البنت فما اعتقد ومستحيل يتزوجها

وكل الشباب اللي يعاكسون عارفين هالشئ
-------------------------------------

همسة الربيع

فعلن البنات اللي يكلمون مو في عقولهم ابدن

ماادري كيف احيانا يتجراون يرسلون هالمسجات والايميلات

لو شافوها اهلها تبروا منها

الله يهديها ياربي

المغفل ماهو الشاب ياعزيزتي هو يهمه يكون معاه بنت والسلام

وحتى لو حبت غيره هو ماراح يتاثر صدقيني


البنت وحدها هي اللي راح تطيح من عين الكل واولهم حبيبها الشاب نفسه


ابي حل يابنات ابعد هالبنت :confused: احس لو صار لها شئ

من زود وقاحتها وجرأتها مع اخوي بيعاقبني ربي لاني دارية ومو قادرة

اسوي شئ :confused:


الامور ان شاء الله ماتوصل لها الدرجة

بس خطوات ابليس تجر بعض

وينكم يااهل الخير ؟؟

ماتحسون ان المشكلة خطيرة ؟؟ اعتبروا البنت تعرفونها

وحاولوا معاي :confused:

السلاااااااااااام عليكم

شلونج يا حنين شخبارج؟

عزيزتي شرايج تقولين لصديقتج انها تكتب له رساله تعبر فيها عن احترامها وتقديرها لأخوها ... وإنها تعتبرة قدوة تخلي الرساله لها طابع اخوي ذوعاطفة كبيرة ومن خلال هالكلام توضح له انه هالشغلة مزعجتها وانها ما ترضاها عليه وهي تتمى تشوفه مع زوجته ومكون أسرة .

ومن هالكلام الطيب اذا قدرت تخليه فيه بعض ابيات الشعر او آيات القرآن او الاحاديث النبويه .


انا جربتها مع اخوي لما كان ناوي يهد الدراسه والحمدلله لها أثر لدرجة انه محتفظ فيها :up:


اتمنى للجميع التوفيق والله يستر علينا يارب دنيا وآخره .

تحياتي :smile:

أختي حنين ...


مين اللي يهمك في الموضوع ؟ أخوكي أو البنت ؟؟؟؟


المفروض اللي يهمك أولا و أخيرا أخوك...اتركي البنت على جنب..هي ما تحب أخوكي و لا نفسها تتزوجه....بدليل إنك قلتي إنها تدور على مصلحتها....صح ؟ إذا مش راح نحط نفسنا في موقف إننا نعرف البنت...لأنه هذه قضية ثانية....


نيجي لأخوكي....طبعا المصارحة من البداية كان فيها تسرع...الأولاد لازم تتبعي طريق غير مباشر علشان تقنعيهم....


طول ما إنت قاعدة معاه قولي له عن بنات في مدرستم مثلا وقعوا أولاد و ضحكوا عليهم بهدف اللعب بس...احكي له عن قصص قرأتيها في هذا الموضوع...


كلميه عن صديقته...و قولي له كيف شكلها و كيف تصرفاتها....و قولي له طيب ليش ترضى تكلم شباب....يعني عارفة كيف الطريقة...إنك تكسبيه و تكسبي صديقته...ثم توقعي صدمة تجعلي صورتها تهتز أمام عينه...و هكذا...


أتمنى إنك فهمتي قصدي...قولي له طيب لو اتزوجتها بتخليني أكلمها و أتعرف عليها ؟ طبعا هو مش راح يرضى لأنها بنت مش كويسة و راح يخاف عليكي...و لو قال لك مين قال لك إني مش راح أتزوجها...قولي له يعني ممكن البنت تتسلى مع أولاد لحد ما تتزوج...راح يرجع يخاف عليكي...يعني في الآخر....خليه يخاف على اللي حواليه من اللي بيعمله....


أتمنى إني قدرت أوصلك وجهة نظري...و أي سؤال فيها أنا حاضرة...





.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

مس باشاميل

وعليك السلام ورحمة الله

بخير وعافية تسلمين :)

فكرة الرسالة فكرة رايقة او حتى ايميل

واتمنى يكون لها تأثير ومايكون مصيرها ديليت :(

نجرب ونشوف لعل وعسى تجيب نتيجه

شاكره لك عزيزتي
---------------------------------------------------


مرموووم

هلا فيك اختي الغالية

اولن بصراحة احب اسجل اعجابي بارئك وردودك الحكيمة

ويقنعني اسلوبك بشكل عام

نجي للمشكلة ( رد صديقتي )

يهمني ياعزيزتي الاثنين اخوي طبعن في المرتبة الاولى

والبنت بعد نعاملها معاملة المريض لعل وعسى تفيق وتتوب

واذا ماكان هناك امل على الاقل يكون خرابها بعيد عن اخوي

ولا يواخذنا ربي بذنبها :(


اختي الغالية اخوي مهو مراهق

وقصص استغفال البنات للشباب هو يعرفها

ويقدر يرد لها الصاع صاعين

لكن هل هو اصلن معترف عشان اناقشه ؟؟ او احذره او اقول له قصص

ابدن

ولا كأنه مسوي شئ


انا سويت خطوة لعل وعسى تجيب فائدة

اخذت الرقم وسجلته عندي باسم البنت اللي يكلمها ( عرفت اسمها )

على اساس انه هذي البنت صديقتي

ورايحة اشوف ردة فعله !!!

:confused:

انا من رأيي تبدين ب



الدعاء له ...............صدقيني ماراح يصير شي لما يشاء الله انه يكون


فأنتي لازم تلجئين لله اولا




بعدين تعمليم بالاسباب


روحي ادخلي على اخوك بغرفته اذا شفتيه جالس فيها


وقوليله ممكن اكلمك شوي ولا تقاطعني؟؟؟؟؟؟؟؟؟؟


ترى انا ادري عن كذا وكذا وكذا...........لاتحاول تنكر بس انا ودي اسألك سؤال


تحبها ؟؟؟؟؟؟؟؟ اذا جوابك تحبها اسألك ترضى تتزوجها ؟؟؟؟؟:o

اذا قال ايه ...... قولي خلاص نكلم اهلي يخطبونها لك مو لازم الزواج الحينبس على الاقل تكون علاقتكم شرعيه مو محرمه(مع انه صدقيني ماراح يرضى يتزوجها حتى لو قالها من باب المكابرة فانه بيجلس يفكر بجوابه اللي مو مقنعه معناه انه مو مقتنع باالبنت نفسها)


واسأليه اذا هي اخلاقها عاجبته ممكن تكونين صداقه معها؟؟؟؟؟؟؟؟

وهذي شوي ولا يقوم يطردك اذا قلتيها لانه مســـــــــــــــــــــــــــتحيل يرضاها صديقه لك

طيب ليه ترضاها على نفسك؟؟؟؟؟؟؟؟؟؟


اسأليه اذا هو يرضى انك تكونين مكانها؟؟؟؟؟؟؟؟؟
ترضى اكلم واحد ويراسلني ويكلمني كلام مومشروع؟؟؟؟؟؟

اذن ليه انت تسوي هالشي؟؟؟؟؟؟؟؟؟؟:s2

وآخر شي قولي له انك تشوفيه ملك بعينك وان معرفتك بعلاقته هزت صورته شوي

وانك تتمنين انها ترجع صورته زي اول

واطلبي منه طلب اخير انه يسأل نفسه كل ليله قبل ما ينام :لو هذي آخر ليله لك بالدنيا هل انت راضي عن نفسك؟؟؟؟؟؟؟؟؟؟؟

هل العلاقه هذي ممكن تقابل فيها ربك يوم القيامه وتحاسب عليها ؟؟؟؟؟؟؟


صدقني تراها ما تسوى !!!!!!!!!!!!!!!!!!:down:

مـــــــــــــــــــــع الــــــــــــــــــــــــــسلامـــــــــــــــــــــــــه:cool2:

أشكرك أختي حنين على كلامك الرقيق...بارك الله لك...


بس أختي قولي لي ماذا ستفعلين برقمها ؟؟؟ أخاف يزعل منكأخوك و تخسريه...(u)


رأي أختي أم عبد الرحمن كمان فكرة حلوة...جربيه معاه...


طمنينا عنك...



.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

[FONT=Tahoma][COLOR=darkblue][SIZE=4]
[IMG]ht

طيب خوذي ايميلها وأرسلي لها مواضيع تبين لها أن اللي تسويه حرام وهدر لكرامتهايعني على ايميلها وكمان ارسلي لأخوك والله يهدينا وياهم

خلوووه يتعلم

هو مب طفل

ولين متى بتقعد اخته اترقع له

؟؟؟؟؟؟؟؟؟؟؟

السلام عليكم ورحمة الله وبركاته
اختي/حنين مشكله بصراحه عوويصه واناا للآسف مااعندي اخووان ولااانحطيت بهالمووقف بس بقوولك شي (اذاا رضاا علىى عرض النااس الله يبله بعرضه )يكفيك الشر انت وصديقتك خليهاا تخااف عليه من شكووكه فيهاا اوو في بناته بالمستقبل وتنبه على نقطه انت عندك اخت خااف علىى بنت الناااس عشاان ربي يحميلك عرضك (واحب لاخيك ماا تحب لنفسك)ويستر علىى بنت يكوون شيطاان وزهااا اوو في بيئه غفلوو عنهاا وتمردت عليهم اسأل الله لهاا الهداايه والمغفره والستر والتووبه والله غفوور رحيم بعباااده 000
واتمني الهداايه للشباااب هذيه الامه
اختكم
ام عبدالمحسن
(u)

بنات ..

متى رديتوا؟؟


المشكلة ماوصلني تبليغ بريدي

وكل مااجي اتابع معاكم يكون الموقع بطي او مايفتح بالمرة


لي تعقيب على الموضوع


مع الشكر الجزيل على ردودكم يالغاليات:up:

أم عبد الرحمن

صدقتي اختي الدعاء له اثر عظيم

ومسألة المواجهة اشك في جدواها لانه هو نفسه مقتنع انه غلط

لذلك هو غير معترف اصلن بانه يعرف احد

شكرا عزيزتي :)

-----------------------------

مرموم

ماقلت الا الحق :)

وبالنسبة لرقمها فعلن ما استفدت منه شئ


وراح اقولك وش صار معاي في اخر الرد

شكرا غاليتي :)

------------------------------------


مراام

راح ارسل لعل وعسى تنفع

الف شكر عزيزتي:)

----------------------------------
غرنوجه

يتعلم ايش؟؟؟
المغازل؟؟
هل هذا علم ينفعه؟؟
و الرجولة هل تعني المغازل وتكوين علاقات؟؟

!!!!!!!!!!!!!!!!!!!!!!!!!!!!!!!!!!!!
----------------------------------
ام عبد المحسن

وعليكم السلام ورحمة الله وبركاته

اختي العزيزة اولن: امين على كل دعوة طيبة ذكرتيها

واسأل الله ان يرزقك مثلها وبنات المسلمين

ثانيا:

بالفعل هذه النقطة (دقة بدقة وان زدت لزاد السقا )
كانت اقوى تأثير ولله الحمد

وان كنت لم اجزم بان المسألة انتهت تماما

لكن الحمد لله

جزاك الله خير غاليتي
--------------------------------------

الطريقة سأذكرها للفائدة

سبحان الله العظيم ليعلم كل شاب يعاكس

ان اهله في خطر وانه مهما بالغ في الحرص

فان ذلك لاينفع طالما هو على ماهو عليه
:...
شاء الله أن يتكرر رقم ما على موبايل الاخت
وبعد الرد تبين ان صاحب الصوت ( رجل )

وكان الرد عليه بضغط زر الرفض

وتكرر الاتصال مره تلو مره تلو مره واسبوع وراء اسبوع

ومن ارقام مختلفة احيانا يتم الرد وبعد ان تستبين الوضع يتم غلق الخط

الى ان ضاقت صديقتي ذرعا بهذا الرقم

واخبرت اخوها عنه ليتصرف معه

فظهرت علامات الغضب على وجهه

وثار وزمجر ورد عليه وهدده وابلغ شكوى في شركة الاتصالات عنه

ووو...............................

وفي نفس الوقت ازدادت ثقته باخته

واخبرها متى ماعاود هذا الرجل الاتصال تعلمه

واصبحت كل ماجاها رقم غريب تحول المكالمة على اخوها


قالت له بحزن : مادري ليه هالفترة بالذات صايرة تجيني ازعاجات

وتقول له بصغية التلميح : شئ عجيب سبحان الله احيانا يكثر الازعاج

لما انت تكون على النت
او تكلم بعض المرات بالجوال

وتقول مازحة : ياخوفي انت تكلم عشان كذا يبلاني الله بذنبك !!

ماكانت البنت تقول اي شئ بصيغة التصريح

ولا تشكك في صورة اخوها العاقل قدامه ودايم تمدح فيه


وفي الغيب هي تدعو له وراح تكثف ارسال النصائح والمواعظ على ايميله
بحيث لايعرف المصدر


فقط الشئ اللي تخاف انه يهدم كل اللي سوته

هي رجوع البنت هذي ومطاردتها له وكيفية التخلص منها

والله يسهل