أخــــــــــواتي اني احتــــــاجكم..

بسم الله الرحمن الرحيم

لاخت العزيزة سوماااا رعا ها الله

انا توني اليوم في الرياض مول وشفت عند الشركة العربية للعود عطور مرة حلوة

1_عطر شاكيرا

2_عطر روعة
3_كشخة
4_نوف
5_مدام ديلو كيا

كلها عطور حلوة وفيه غيرها لا يحضرني اسمها لان وعندهم صندوق اسمه الجنادريه اشتري الصندوق وضعي فيه ما اردتي من العطور صراحة شكلها بتكون هدية روعة جدا
وفيه كذلك فكرة اخرى وهي قمصان نوم من لانجري مره ممتازة تغلف في صندوق انيق وتهدى
او مفرش سرير فيه اشيا تجنن وسعارها مو غالية مره انا شفت واحد حلو مره ب2500 ريال فقط
هذا اللي في بالي واتمنى من الاخوات المساعدة في الراي
مع تحياتي لك ولصديقتك با التوفيق

وعليكم السلام ورحمة الله وبركاته

:think:
والله الصرااحة انا ماعندي افكاار

بس بقولج شنو سوت خالتي حق رفيجتها ليلة عرسها
يمكن تعجبج الفكرة :up:

خالتي جابت صندووق مبيت (( خشبي تلقين عند الشايع او فيه محلات متخصصه له ))

ونثرت عليه وررد مجفف ومعطر شكله حلو :shy:

وحطت بوسطه الهديه (( ساعه ماركة وفيها فصوص الماس :cool2: ))

واهدتها اياها
:up:



والله يوفقهااا وتتهن بعرسها ويدووم الصداقه بينكم

:cool2:

انا اتزوجت قبل خمسة شهور و حقولك إيش أكثر الهدايا إللي عجبتني :
أعز صديقاتي جابتلي اكسسوارات حلوة للبيت : أباجورة طويلة و مزهرية كبيرة و رفوف على شكل ركن من الخشب المزخرف و أنا حاطتها بالصالون لأنا الصراحة ذوق
طبعاً جاني كثير تعليقات ذهب معظمها ما عجبني لكن في كم قطعة عجبتني و ألبسها دايما .
ما أنصحك تجيبي قمصان نوم عشان العروسة تشتريكل إللي في نفسها منها و كمان حيجيها هدايا
أؤيد فكرة الساعة و أنصحك تجيبي ساعة عملية لكن أنيقة و ماكة لأنك لو حتجيبي ساعة كشخة للسهرة حتتكلفي كثيير و في النهاية هي أكيد حيكون عندها وحدة سهرة فإنتي جيبيلها وحده تلبسها كل يوم وتتذكرك ، أنا اشتريت ساعة فيندي مرره حلوه و ماهي رخيصة ترى و كمان ساعان نينا ريشي ترى مرره ناعة
مممممم ايش كمان ما أنصحك تشتري ذهب عشان كل الناس يجيبو ذهب ، ولا تتأخري في الهدية حاولي تعجلي بيها يعني قبل الفرح بثلاث أسابيع آخر شي عشان بعد كده حتكون مشغولة و منكده . واشالله أكون أفدتك :up:

انتي بالسعوديه صح

اذن بقولك وش شريت لصديقتي

شريت لها اكسسوارات من بيتي روووووعه وراقيه وقيمتها فيها وغلفتها بـ بيبر موون ومالقيت Boxبحجمها فسوولي ياها بــطريقة open boxطلعت روعه وكا لون البوكس برتقالي والإكسسوارات بنيه واخترت ورد مجفف برتقالي وبيج وبني وطلعت تجننننن

انا بالبدايه احترت شاشتريلها لأنها تقريبن شرت كل شي من قمصان نوم وذهب و و و و والحمدلله اني عارفه ايش شرت

وفكرة الساعه حلوووه بس اعرفها من النوع اللي تهاوشني دايم على ساعاتي الغاليه فخفت اجيبلها:cool2:

:smile:

اشكركم اخواتي على المرور وطرح تجاربكم..

واتمنى كمان القى آراء زياده..

وصعب اني اقدملها مجموعه عطور لان راح تجيها كثير عطور..

ابي هديه غريبه بعض الشي..

واقمصه نوم ما اعتقد لان راح تشتري أكيد.. ومو حلوه اقدم اقمصه..

واشكركم حبيباتي واتمنى القى المزيد..

لاتحرمونا من كل جديد تعرفونه في فن الهديا..

اختكم..

سووووما..

انت شوفي شو الاشياء اللي تحبها ..وخاصة انكم صديقات حميمات ..أو ممكن تستدرجينها في الكلام وتعرفين شو الشي اللي هي تتمناه..وراح تكون مفاجأة حلوة لما تشوفج يبتيلها اياها هديه..


والله يسعدها ويسعدك بعد..

سلام عليكم ..
اختي انا اقترح عليج اقتراح .. وانتي تكلمينها عن شقتها او بيتها اليديد .. جوفي شنو ناقصها ولحين ما يابته بسبب المصاريف والوايده على العرس والنقل ..
والشي اللي ناقصها وما عندها ثمنه وانتي تقدرين تييبينه يبيه لها بتكون مستانسه وايد وبتحس بصداقتج لها ..
مثل ما عمتي جافت ان ولد عمي كان ناقصه بعض الاثاث للبيت وشرته له كهدية وخلته في بيته واهوه بشهر العسل اول ما رد جافه واستانس واييييييييييييد اهوه وعروسه ..
اتمنى اكون افدتج
وفي امان الله

وين البنوتات اتمنى القى اراء اكثر..


واحب اشكر كل اللي ردوووو وتسلموووووو..

ليش ماتروحي لبودي شوب وتنقي عدة كريم_ جل شاور_عطر طبيعي من الزهور او الفواكه _ وارواج كم لون حلو يعني نوعي اشياء فيها وتحطها بسلة حلوة ومغلفة .. وومكن اذا تبغي تزودي وشايفة ان العديةقليلة ضيفي لها قلادة من ذهب ابيض بعلبة صغيرة وتحطيها بينهم.
هذي حاجة بسيطة ..

تحيه وبعد..

بصراحه انا اخت زوجي توها متزوجه وشريت لها ساعه مو غاليه مره من برونو باناني مررره حلوووه يمكن 2500 او 3 الاف نسيت
وحطيتها بصندوق وغلفتها
الساعه مره حلوه تحصلينها في الممكله عند محل اسمه زمرده
وفيه بالفيصليه بالمحل الي على جهه دكني بعده بكم محل اشياء حلوه ورخيصه انا شريت منه بروش حلو 4 الاف

واذا كنتي بتشرين اي الماس لا تشترين الماس ابيض اشتري ملون واحلى شي اللون البني لاني انا توني متزوجه ولا لبست ولا شي من السلاسل الي جابوها لي

تحياتي

بنت كيوت

مرحبا حبوبة

شوفي الذهب أكثر شي يجي في العين ويتم ذكرى بعد أو ساعه حلوة

واذا تبين شي جديد احجزي لها ليلتين في فندق فخم وفاجئيها بتستانس هي وريلها واذا قدرتي بعد ممكن تحجزين لها تذكرتين سفر للعمرة مثلا

هذا اللي في بالي

اشكركم جميعا على الرد.

واحب اقول لاختي المجروحه..

فكرتك حلوه اني احجزلها يومين بفندق..

بس اني احجزلها تذاكر للعمره..هي بيتها يبعد عن الحرم ربع ساعه..

واشكركم جميعا واللي عندها وشافت هدايا انا في الانتظار..

معليش سوووما ممكن أشاركك بالموضوع
وأنا اعتقد الحين صديقتك تزوجت
أنا كمان صديقتي بتتزوج
وودي اسوي لها مفاجأه في يوم زواجها
يعني شي مايخطر على بالها ابدا
يعني مثلا وحده سوت الكوشه لصديقتها
ياليت تعطوني افكار من هالنوع
لان زواجها قرب وودي اجيب لها اشياء يهمني انها تكون غريبه
هديه+مفاجأه
ياليت تساعدوني

انا اقو ل تختارلها طقم ناااااعم من الذهب الابيض .. وباقة ورد على ذوقك..
...؟

تقدري تاخدي اليها حوض سمك كبير
او طقم ذهب او ساعة
او شوفي شي ناقصها من اثاث البيت واخديه لها مثلا ميكرويف او اي جهاز مااخذته
وتقدري تفصلي ليها مفرش السرير

وحده قريبه لي بتتزوج وانا بعد محتاره شاهديها ...
فيه هديه شفتها اليوم .. هي حقيقه حاجه غريبة.. وابغى رايكم
عبارة عن شاشة عرض ، زي اطار صورة بالضبط .. بس كبير شوي ..
وظيفته انك تختاري الصور اللي تعجبك.. وتحطيها في ميموري كارد وتدخليها فيه
وهالشاشه تعرضلك الصور باستمرار ...
الفكره حلوه لعرووس .. عشان تشوف صور زواجها قدامها علطول...
بس احس انها مو فخمة كفاية..
سعر الجهاز يتفاوت على حسب حجمة..
من 620 ، 680 ..900... والوسط منه حلو

هاه .. شرايكم

ممكن تاخديها خاتم الماس او طقم ذهب ابيض

ومعاه صحبة ورد تكون راقية ومش هتنساها

حبيبتي ممكن تسوين لها زفه بأسمهاااا اختاري شاعر معرووووف


ممكن تقدمين لها طقم ذهب تقريبا انا عرسوا اربيعاتي اربع وكلهم عطيتهم طقم وبصراحه استانسوا واايد حتى انا استانس يوم اشوفهم عليهم ودايماا يذكروني فيه ماشاءالله اربيعتي معرسه من 3 سنين ومره لبسته تقول تذكرين هذا اقوله لا بس واايد حلوووو تقول انتي يايبتنه لووولز وانا ناسيه بصراحه



واايد عيبتني فكرة كلهـ قمرهم ـم

ممكن تشترين لها شرشف واكسسورات الغرفه والساعه ووووو كل شي بلون وتنسقينه


هي صح لو سويتي سي دي لها سوي لها توزيعات مع خاتم بسيط ذكرى منج