بنات دبي...ممكن ؟؟ - منتديات عروس

b

bj3a

عروس ماسية

18-02-2004 | 01:00 AM

سوري

بس حبيت اعرف كيف يسوون حمام مغربي ...؟؟

b

bj3a

عروس ماسية

18-02-2004 | 11:06 AM

ما شاء الله يا مكثر الردود ...

لهاي الدرجة طلبي صعب ..؟؟

لكن ما اقول الا يزاكم الله الف خير .. الظاهر ييت مكان غلط ...

مشكورين ...

:cry:

n

nwarei

عروس جديدة

18-02-2004 | 11:50 AM

هلا اختي
انا بصراحة اسويه في البيت ، اشتري الصابون من الصالون وساعات يبيعوونه في المعارض مع الليفة مالته
واول شي اخلي الحمام يدخن موووول يعني تفتحيين الماي الحار لين يغبر الحمام وبعدين تيلسين فيييه تقريبن عشردقايق وبعديين تيلسين تتقركين باليفة وايد وبقوة شوي وبعدين تتغسلين بماي فاتر ...انا جيه اسوي إن شاء الله قدرت اساعدج

b

bj3a

عروس ماسية

18-02-2004 | 11:48 PM

مشكورة اختي عالرد ..

بس انا ابا اعرف فالصالون كيف يسوونه ..؟؟

n

nwarei

عروس جديدة

19-02-2004 | 02:04 PM

هلا والله
في الصالون يدخلونج في حجرة ويخلون الحجرة مظلمة من كثر البخار يعني لين تعرقيين وايد وبعدين تي وحدة مغربية تعججلج جسمج بالصابون المغربي بس صدقيني نصيحة لاتسوين في الصالون لانه انتي مب ضامنة مايكونون حاطين كاميرات وبعدين اسمحيلي بها الكلمة لازم ماتكونين لابسة شي فلييش اتحطين عمرج بهالموقف وانتي في غنى عنه مادام الصابون والليفة موجودين في كل مكان....تحياتي

ش

شواقي

عروس مشرقة

19-02-2004 | 03:10 PM

حبيبتي انا احس ان الصالون احسن عن البيت في الصالون يفكرون جسم ويطلعون بلاوي بس في البيت مابيتنضف جسمج نفس الصالون وبنسبه للكاميرات مو كل الصوالين اتحطي كل صالون مايبي يخسر اسم المحل وبعدين مو شرط تتفصخين كامل انا يوم اروح البس شورت وكات عادي (wink)

b

bj3a

عروس ماسية

20-02-2004 | 04:23 PM

اوكي ..

من وين اشتري الليفة والصابونه ..؟؟

والليفة هي نفسها الي تنباع في الجمعيات مع دوف وغيره..؟

بليييز.. بسرعة

ل

لمسات

عروس مبدعة

21-02-2004 | 04:22 PM

الغاليه بجعه

نحن آسفين عزيزتي على التأخير في الرد بس أنا توني أشوف موضوعج

المهم الغاليه انتي شو هو بالضبط الي ماتعرفينه عن الحمام المغربي ..؟؟

هو سهل بس انتي لازم تشترين الليفة المغربية مع الصابون مالهم وهذي أكيد ماهي بالليفه الي مع دوف ولوكس وغيره .. لأن هذي وايد ناعمه وماتوفي بالغرض

الليفة المغربية بتلاقينها في المحلات الي تبيع المواد الطبيعية ومواد التنظيف للجسم .. أنا مادري انتي من وين ؟؟ لو كنتي من الإمارات بدلج على بعض الأماكن الي تبيع هالشغلات ..

أما الطريقة فلو سويتي بحث في ركن العناية بالجسم والبشره .. بتلاقين مواضيع بالهبل عن الحمام المغربي ..

وانا اخترت لج موضوع الإخت فدائية الرياض بارك الله فيها كفت ووفت ..

اتمنى ينال على رضاج أي مساعده نحن في الخدمة ..

هذا هو الرابط
حمام مغربي على طريقة فدائية

:smile:

تحياتي لج الغاليه

b

bj3a

عروس ماسية

22-02-2004 | 08:19 PM

مشكورة اختي لمسات والله كفيتي ووفيتي ...

اليوم بسير اخذ الليفه والصابونه وبسوي الحمام المغربي بروحي فالبيت .. مثل ما قالت الاخت nwarei الواحد ما يضمن ..

:z_bye: انا رايحة اخذ الليفة باي

ع

عروس دبي

مشرفة سابقة

22-02-2004 | 09:03 PM

عند نزيه في دبي بتلقين الصابونة +الليفة وجهاز البخار

b

bj3a

عروس ماسية

23-02-2004 | 11:12 AM

مشكورة اختي عروس دبي ...

خذته من سوق العطارييين الي في دبي .. عند واحد ايراني .. الله يستر اذا زين ولالا

المهم خذته وبيربه

ا1ا ما نفع بسير اخذ من عند نزيه بس قوليلي وين مكانه ..؟؟:o