هل للثوم فائدة ولالا؟

مرحبا فراولة..



أنا استخدمت الثوم لفترة .. وبالفعل تحسن شعري وايد خصوصاً اني استخدمته يوم كنت اعالج شعري من بهذلة الصبغة والتقصف .. بالإضافة إلى ان طوله زاد .. مع العلم ان شعري ما يطول بسرعة ويوقف عند حد معين ..


طريقة الاستخدام خذتها من أحد المنتديات .. كنت اسخن مجموعة زيوت مثل جوز الهند وزيت الزيتون والجرجير والخروع وحبة البركة والنخاع والسمسم .... الخ .. (يعني ما كنت استخدم زيوت معينة كل مرة) .. وعقب ادق راس ثوم كامل واخلطه مع مجموعة الزيوت.

وكمية الزيوت تكفي لاسخدام مرة واحدة .. يعني مثلاً ملعقة أو ملعقتين كبار من كل زيت .. وانتي تقدرين تحددين الكمية حسب طول شعرج.

وكنت احطه مرة في الأسبوع لمدة سبع أو ثمان ساعات ومرات أقل شوي حسب وقتي .. واستمريت على هالخلطة لمدة ست اسابيع حسب الوصفة اللي قريتها .. والنتيجة كانت فعلاً حلوة.


بالنسبة لتبييض الشعر . فما صار وياي هالكلام رغم اني قريته وايد .. لكن بصراحة ما اقدر اقول لج اذا كانت حالة الشعر ترجع مثل ما كانت اذا وقفنا استخدام الثوم او لا .. لاني بعد الثوم بديت استخدم الجرجير وهو بعد نافع شعري وايد من حيث التطويل بشكل خاص .. وهو اللي مستمرة عليه لحد الحين لأن ريحته ارحم شوي عن الثوم.






تحياتي

عزيزتي ميره

مشكوره على هذي المعلومات الحلوه ولي كنت انتضرها

راح اتكل على الله وابدى رحلتي مع الثوم + الزيوت و انشاء الله

ينفع شعري مثل ما نفع شعرج و... ادعيلي

اختج فروله:smile:

مرحبا عزيزتي..



عفية :up:


بس حبيت انبهج لشي .. وهو ريحة الثوم.


طبعاً أكيد انتي متوقعة كيف بتكون الريحة .. ولازم تكونين مستعدة لها ... يعني اغسلي شعرج عدل عدل عقب الخلطة .. عن نفسي كنت اغسله كذا مرة لين احس انه نظف .. لكن طبعاً الريحة كانت تتم شوي وهو مبلل ..... لكن عقب ما ينشف ما كنت احس بالريحة.

وزيادة في الاطمئنان لازم طبعاً تستخدمين اي معطر للشعر .. أنا كنت ارش ماي ورد على شعري وهو مبلل .... وممكن بعد تستخدمين المخمرية لان ريحتها وايد حلوة وتستمر في الشعر فترة أطول طبعاً



وبالتوفيق :)