بعد شهر من الملكة .. شوفوا ايش سوى

السلام عليكم ورحمة الله وبركاته ،،،

أختي عذاب الشوق : قصة صديقتك دايماً تحصل لناس وااااااااايد :( بس أهم شي إنها تعرف شلون تتصرف معاه ، بما إنها أول مرة لازم تتعامل معاه بسلاسة وتتدلل عليه شوي وتتبجبج عليه شوي ومن هذي الحركات يعني عشان يحس إنها بنت حساسة ومرة ثانية قبل لا يتصرف هالتصرف يخلي في باله هالشي وما يكررها.

بس إذا هالطريقة ما فادت وياه وتكرر تصرفه هذا معاها اهني لازم تجوف له طريقة ثانية تخليه فيها يوقف عند حده بس مو شرط إنها تتزاعل وياه وتعصب عليه وتكبر السالفة لأنهم توهم في بداية حياتهم مع بعض ولازم من هالمشاكل وإن شاء الله بعدين إذا فهموا بعض ما يصير بينهم إلا الخير وأهم شي تكون السالفة بينها وبينه بس وما تخلي أحد يتدخل بينهم عشان ما تكبر السالفة .

وأضيف على كلامي لو إنها عصبت وياه احتمال هو بعد يعصب وتكبر السالفة لكن إذا تدلعت عليه وتغنجت هو نفسه أعتقد بيخجل من تصرفه وياها وماراح يكررها وهذا رأيي :o

والله يسمعنا الأخبار الطيبة ويصيرون مثل السمنة والعسل مع بعض


اختك ( حلم المستقبل )

انا ارى انه عديم الادب و انا لن ارتبط بشخص لكى اعيد تربيته و اذا كان فى قترة الخطوبة قال هذا فما الحال بعد الزواج و استفراده بها فى بيته؟؟؟ ان شاء الله هيضربها

لا حول ولا قوة الا بالله

الصراحة اسلوبه مو عدل ابدا :rolleyes:

المفروض تفهمه ان هالاسلوب غلط وعيب

بس بطريقة لطيفه عشان ما يعاند ويعصب عليها

وتحسسه ان هالاسلوب يجرحها

وانه غلط يستخدمه مع اي انسان كان.. سواء مع رجل ولا امرأه


وان ممكن في يوم تستجاب هالجمله اللي هو قالها بدون ما يعنيها

(u) بعدها ما ينفع الندم


الانسان لازم يتحكم بلسانه واعصابه

:up:

تحكيله و تفهمه انو اسلوبه غلط و تتفاهم معاه و تتفق انو ما يعيدها ابدا

والا تتركه على تصرفاته الغير لائقة

اذا كان هذا أوله ينعاف تاليه !!!

شوفي أخويتي الرجال ما يجي الا با لعين الحمرة أولا فهميه ان اللي سواه غلط وانك ما راح تسمحين له يكررها ولو كنت انا محلك أول ما أسمع الكلام اللي قاله أرقع التلفون بوجهه عشان يتأدب وترى حصل مرة لوحدة من صديقاتي نفس الموقف ولما سكتت عنه تطاول عليها وألحين بعد ثمان سنوات زواج يكرر نفس الألفاظ الجارحة اللي كانت تنقال بينه وبينها ألحين قدام الكل داخل البيت وبرع البيت ما في أي احترام ..

تلاحقي عمرك أختي قبل ما توقع الفاس بالراس ..

وآسفة على الاطالة ..

الصراحه اسلوبه كلش ما في ذوووق

اذا من الخطوووبه يسو جذي بعدين شنو بيسوي

قولي لها انها لازم توقفه عند حده و تقنعه باسلوب حلووو لان الصراخ ما ينفع و خصوصا ان الريايل ما يتعلمون على شي يعني اذا شافها ساكته راح يتمادا اكثر .

السلام عليكم

الله يعين صديقتك بصراحة قلة ادب وذوق على اعلى المستويات

وبما اني خبيرة في امور الزعل والدلع

بعلمك طريقتي دايم اذا قالي كلمة مااعجبتني حتى لو ماتزعل

اسكت ويقعد يتكلم ولما يلاقيني ساكته ينتبه ويبدا ينادي طنشييييييييه

وخليه يتاسف ويتعذر لين يتعب وانتي سااااااااااااااكته

وعاد ساعتها لك خيارين اما ترضين عليه بشرط معد يعيدها

او عندي طريقة ثانية تسكت طبعا من الصدمة وبعدين تقول شكرا على ذوقك وتقفل الخط طبعا بصوت دلوع ومكسور

والله اذا عنده احساس بيكسر الدنيا عشان يراضيها وهي تثقل وماترضى بسرعه ولما ترضى

تفهمه ان اسلوبه غلط وماحبت ترد عليه لان تربيتها ماتسمح لها

وبعدين تشوف اذا تعدل الحمدلله واذا لا بنشوف لها حل ثاني

ما شاء الله البنات ما قصروا و آراءهم تدل على رجاحـــة عقل رائــــعة....


أتمنى أختي تطمنينا شو راح يصير مع صديقتك....





.................................................


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

رايي من راي شمعه في مهب الريح


الرجال ما يمشون الا بالعين الحمرا




وخلي صديقتك تتشطر عليه و تادبه


الله يعينها


:rolleyes::rolleyes::rolleyes:

:eek2: :eek2: :eek2: :eek2: :eek2:
السلام عليكم ورحمة الله وبركاته
مو معقول من اولها يبدا كذا
هو مو صغير ولا مراهق علشان يتعلم اسلوب الكلام
اعتقد هذي وقاحه من عنده
وان كان معصب او متنرفز منها لازم يمسك لسانه ويتعلم اسلوب التعامل مع الخطيبه على ما اعتقد انها هي خطيبته يعني زوجة المستقبل ام اولااده مي باختها او واحد من اصدقائه لازم يتعلم كيف يتعامل معها
وهي توقفه عند حده
ويتعلم الادب من اولها وماتسكتله
مع تمنياتي للجميع بالتوفيق والذريه الصالحه

اختكم

كليوبترا

[CELL=filter: glow(color=purple,strength=1);][ALIGN=center]شوفوا أنا من رايي الحلم زين..
{الحلم مادخل في شئ الا زانه وما خرج من شئ الا شانه} حديث شريف..
لكن مو معناته تسكتله..
يعني ما تقوم الدنيا على راسه وراسها....ولا تسكت..
خير الأمور أوسطها..
وكلام شمعة في مهب الريح حلوووووو...
وهو مرة بعد مرة راح يحاسب على كلامه ويفكر مليووون مرة قبل لا يقدم على أي شئ .
وطمنينا على صديقتك.[/CELL]

:eek2::eek2::eek2:

شوها من بدايتها جييييييييييييييييييييييييييييييييييييه

برأيي أعتقد ان الاحترام أهم شي في العلاقة الزوجية..واذا مافي

احترام بين الزوجين فمافي داعي للعلاقة ككل!!!!!

والله الاخت الحبيبه وهيا صادقين ..

صراحة الزم ماعليك كرامتك

يقول المثل سب الحبيب مثل اكل الزبيب :D2:D2:D2

وربي ردودكم روووووووووعه .. ربي يوفقكم .. قولوا اَمين

عرضت على صديقتي الردود لكن ماعلقت البنت مو مقتنعه لانها نسيت الموضوع ومشتها عليه يعني مو فارقه معاها .. بس يمكن تتلحلح اذا سواها مره ثانيه .. لكن هذا غلط لانه راح يتعود ويصير الموضوع عنده عادي
.. وانا ماحبيت اذكرها بالموضوع عشان لاتكره الولد.. مااقول غير الله يوفقها


يلا باي مع مشاكل جديده .. لسه دوري جاي في الطريق:smile: ادعولي


تحياتي

غلط اخاف يتعود يغلط عليها بس انشالله مايعيدها

والله يوفقك حبيبتي ولاتفاولين على عمرك بالمشاكل:up: