أرجوكم ساعدوني وإذا عندكم أفكار اسويها بس ف هالثلاث أيام ....؟؟؟!!

[SIZE=2]الســــــــ عليكم ـــــــــلام والرحمه ..

هذي أول مشاركه لي في هالمنتدى وأتمنى إن الكل مايطنشني ..

عرس أختي يوم الخميس .. يعني ماباقي شي ..

والمشكله إن أهل المعرس يعني خوااته حسبي الله منهم .. مطنشينا يوم

الخطبه !! حجزو الفندق بدون ماياخذون راي إختي الشبكه هم اللي

اختاروها .. المهم صارت الخطبه وكل شي مر بسرعه بدون ماتصير مشاكل

بيننا لأن نحن يعني خواات العروس حالنا حال الأغربه ماكنا نروح عند أختي

حتى إنني ماسلمت عليها يوم الخطوبه .. الله يسامحهم ..

بعد الخطوبه قررنا نحن وهم إننا نتفق يوم العرس ع كل شي ..

تعرفون شو سوو ..؟؟

بعد سووها فيننا .. حجزو الفندق وسو الكوشه واختارو البطاقات .. و و و

وبعد كل اللي سووه وخلصو منه خبرونا إن العرس بيكون بعد شهر .. تخيلو

شهر .. ونحن لا فساتين امفصلين ولا شاريين لأختي مستلزمات العرس ..

قلنا ماعليه اللي صار صار مانروم نرمسهم لأن يمكن تصير مشاكل ..

المعرس يصير ولد خالي والله لو ماخذه إختي غريب جان قدرها ..

هيه تباه وتتحمله وتتحمل خواته ..

أنا ملسونه ع قولتهم .. ومايطيقوني بعيشت الله والله بودهم لو يقطعوني

ياحليلي والله طول هالشهر انا اللي أراكض من سوق لسوق اخترتلها

الفستان شريتلها الزهبه وياريت يبان ..

ادري إني طولت عليكم .. يمكن اللي قرت الموضوع نصه وطلعت ..

ويمكن اللي قرته كله وطنشت ..

بس صدق والله أباكم تساعدوني .. العرس مثل ماقلتلكم ماباقي له غير

3 أيام .. أنا سويتلها هدايا والحمدلله خلصت من هالشي ..

ورحت المحمصه وسويتلها الحلويات و و و يعني خلصت من هالشي ..

بس المشكله إنني مب عارف شو اسوي في العرس فكرت في إني

اشتري شموع وأخلي خواتي وبنات عمي وبنات خالي يشيلونها يوم تدخل

العروس .. بس أبا آخذ رايكم ف هالشي ..

شورايكم اسويها .؟؟؟!! وإذا عندكم أفكار اسويها بس ف هالثلاث أيام

ارجوكم لا تبخلون علي .. والله أنا بحاجه إلكم ساعدوني ولا تطنشوني .؟؟


وتسلم كل اللي ترد علي .. واللي قرت وطنشت ..خخخخخخ[/SIZE]