بناااات لا تبخلون عليه

هلا فيك حبيبتي والف مبرووك الحمل

اما بالنسبه للاسمرار انا نفس الشي الحين بالثامن والاسمرار موجود ولا تعبين نفسك لانو بيروح بعد الولاده انشاء الله وما اظن انو يزيد


اما بالنسبه لسفرك فاستشيري الدكتور المشرف عليك لانو اعلم بحالتك وهو اللي حيقرر

والله يسهل عليك

تحياتي

هلا فيج أختي البررريئة

الإسمرار حالة طبيعية جدا للحامل
يعني ممكن تصير لأغلبية الحوامل و بعضهم ما تصير فيهم
و هي بسبب إرتفاع نسبة هرمونات الحمل

بالنسبة للسفر
أأمن الشهور هي الشهور الوسطى(الرابع - الخامس - السادس)
و بإمكانك تسافرين في أول الشهر السابع
و ممكن تكون هناك خطورة إذا سافرتي في الشهر الثامن

هلااا وغلاا خواتي وتسلمون على الرد :smile::smile:

بس مافي اي طريقه اتخفف الاسمرار شرات التشققات اتخف بزيت
الزيتون وانا مداومه عليه حتى لو وصفه طبيعيه


وانا اليوم سرت واستشرت الدكتورة وقالت افضل الشهورالوسطانيه وفي خطوره اذا الثامن وسالتها اذا سافرت بعد الولاده ب 40 يوم قالت عادي بس انتوا شو رايكم انا متخوفه بعد الولاده :eek2::eek2::eek2:

هلا أختي البررريئة

الغالية ممكن تدخلين ركن العناية بالبشرة و فيه الكثير من الوصفات الطبيعية اللي تبيض الجسم و إذا داومتي عليها بإذن الله يخف و يزول السواد

السفر بعد الولادة بإذن الله سهل و عادي
يعني حتى بعد الولادة بإسبوعين ممكن تسافرين


:up:



:smile:

تسلمين اخت فوانيس ماشاء الله عليج ما اتقصرين الغاليه

(f) (f)

الإسمرار حالة طبيعية جدا للحامل
يعني ممكن تصير لأغلبية الحوامل و بعضهم ما تصير فيهم
و هي بسبب إرتفاع نسبة هرمونات الحمل
اما السفر افضل بعدالولادة بكم يوم وانشاءالله تولدين بالسلامة

الاسمرار مثل ماقالوا الاخوات عادي ويروح بعد الولاده انشالله..اما السفر فالافضل طبعا يكون في الاشهر الوسطيه (الرابع-الخامس-السادس) واذا كان السابع وفوق لازم تكون الرحله في حدود الخمس ساعات..انا كنت حامل في السابع لما رجعت وكانت مده الرحله 7 ساعات..صج ان المضيفات لعوزوني لان كان لازم اقولهم بس بعد وناسه لانهم دلعوني..كانوا خايفين اني اولد في الطياره..ترى اذا ولدتي في الطياره يعطونج تذكره مجانيه للبيبي:)) شوفي حبيبتي اذا بتسافرين في السابع وفوق لازم اتقولين حق دكتورتج تكتبلج رساله انج سليمه وبصحه ومافي اي خطر من سفرج..اكيد دكتورتج بتقولج اتصلي في شركه الطيران اللي بتسافرون عليها واساليهم عن اجراءاتهم ..عاد في بعض الشركات يطلبون انج تاخذين فحص السلامه من دكتورهم الخاص...عاد انا اكتفيت برساله دكتورتي ويوم ركبت الطياره ماكتشفوا اني حامل اصلا ولما اكتشفوا ودروا اني في السابع كانوا بيموتون من الخوف..بس عادي لاني اعرف بعد وحده سافرت مره وهي في الثامن ومره في التاسع والرحلات كلها كانت مدتها 7 ساعات..عاد انتي اذا اكتبتلج دكتورتج الرساله توكلي على الله ..بس يتهيألي ان 10 ساعات مده الرحله وااايد؟!!!) ويتهيألي اني قلت قصة حياتي؟!! انا قلت لج شي عن تجربه والشي اللي مو عن تجربه يعني بس من خلال قراءاتي..الوحده يصير تسافر بعد اسبوعين من الولاده بس اكيد مافيها حييل فالاحسن والافضل يكون السفر بعد شهر او شهرين:)) ودمتــــــــــــــــــــــــــــــــــــــــــــــــــــــــتتم سالمين:)) والله يقومج بالسلامه انشالله في المستشفى عاد مو في الطياره!!

دلوعة زوجها تسلمين على والرد والله يستر فضيحه جدام ريلي جني محترقه لوووول

تسلمين (sh) ما قصرتي ونبهتيني على سالفة الاذن من الدكتورة اول مره اعرفها جزاج الله خيررر