محتااااااااجة خبرتكم وبسررررعة

بسة 02-02-2004 32 رد 6,193 مشاهدة
ب
السلام عليكم ورحمة الله وبركاته

شخباركم يا بنات؟

عندي سؤال ومحتاجة من كل وحدة عندها خبرة ولا تجربة ترد علي وتفيدني عسى ربي يجزاكم خير...!

أنا في وجهي في شعر زيادة.. ماهو مرة يعني كثير لكنه ملحوظ ..

عادة أشيل منطقة الشنب بالخيط عادي وباقي وجهي أستعمل له المشقر وصار لي فترة على هذا الشي يمكن سنتين تقريبا... لكن المشكلة هالحين إن الشعر يبان حتى لو هو متشقر..! يعني يبين إنه شعر بس أشقر وهالشي مسبب لي إحرااااااااااااج.. :o
فهالحين أبي أجرب شي ثاني.. أبي أجرب إني أشيل الشعر اللي في وجهي بالخيط وأفتك... فأبي من كل وحدة (وما عليكم أمر) تشيل بالخيط ولا بالشمع ولا بأي بطيخ تقول لي عنه وعن تجربتها وهل تأثرت من هالشي ولا لأ ولا كان عادي لأني خلاااااااااااص طفرت وأبي ردكم بأسرع وقت وأدري إنكم ما بتقصرون كعادتكم ماشالله عليكم الله لا يحرمني منكم.. :shy:

حبيباتي لا تتأخرون علي بالرد لأن ما بقى وقت وبسافر بعد يومين وأبي أشيل قبل ما أسافر.. :o

تسلموووووووووون لي يا رب..! :up:
g
مرحبا اختي

انا عني استخدم بروان طبعا الراس الناعم المخصص للبشرة الحساسة لان الشمع والحلاوة والفتلة كلها طلعتلي حبوب وبشرتي ماتتحمل

بالنسبة للمشقر حبيبي يكثر الشعر والله وانا عانيت منه في البداية انصحك تتركينه وتستخدمين فتله او شمع اذا تناسب وجهك او الة براون لنزع الشعر لانها جدا ممتازة

اتمنى اكون افدتك

Ghadi
م
السلام عليكم ورحمة الله وبركاته

شوفي حياتي اختي سوت خيط وقالوا البنات انه الخيط ماهو كويس وانا ماادري هل هذا صحيح والا لا

اعرف بنات يستخدمون الحلوة

فعلا موضوعك حلو ويستحق

ياليت يفيدونك ويفيدوني معاك

الاخوات هنا مايقصروا

خير وبركة
ب
تسلمون لي حبيباتي على ردودكم.. وانشالله باقي العضوات يكملون معانا في هالموضوع ويفيدونا...

أختي ghadi انتي تقصدين الماكينة العادية اللي نشيل فيها للجسم نفسها نشيل فيها للوجه؟؟؟؟؟؟؟؟؟ ينفع يعني؟؟؟ :eek2:

وتسلمووووووووون :shy:
ج
السلام عليكم ورحمة الله وبركاته

انا ما احف وجهي بس اللي سمعته ان الشمع يجيب حساسيه لبنات ....اما الخيط يرهل الوجه مع الوقت

ghadi شلون تحفين وجهج بآلة !! عادي؟ والله انج جريئه :D2انا صوتها يخوفني :s2 ما سببت لج مشاكل؟
ح
الشمع والحلاوه ترهل البشررررره
وتكثر الشعر

ومافي احسن من الخيط...
صحيح ألمها يذبح... بس وس نسوي؟؟
واستخدمي بعدها على طووووول كريم
فيوسدين معقم طبي اللي عليه خط احمر
عشان ماتطلع الحبووووب:cool2:
V
أنا شخصيا أستخدم الخيط لأنه الحلاوة مابتأثرش معايا خالص و الكريمات بتزود الشعر و تخليه فظييييع :down:
هو الخيط بيسبب لى حبوب بس ممكن تغسلى وجهك بعدها بماء مذاب فيه ملح للتطهير و بعدين تدهنى بليمونة و هتلاقى الحبوب خفت و مع الوقت هيخف الألم و الحبوب :smile:
s
:up:مافي احسن من الخيط...
صحيح ألمها يذبح... بس شنسوى
f
بصراحه الخيط احسن شي لاني جربت كل شي الحلاوه والشمع يخلن الشعر تحت الجلد افففففففففف لووووووووعة جبد والليزر صح يطلع بعد شهرين بس بعدين كل شعره وياها حبه هذا اللي صار معااااااااااي والخيط ولله الحمد مساؤه اقل :cool2:
أ
انا جربت اشيل بالخيط و طلع معي حبوب و لكن المرة الثالثة او الرابعة ما طلع ويياي ...يمكن تعود عليها جسمي او لان الفلبينية كانت طريقة شيلها ممتازة و نظفت مره و بعدين حطت عليه خلطه تقول انه حليب اخليه على وجهي نص ساعة

ولكن احذر من المشقر يزيييد الشعر مرررررة و انا مجربة و على العموم

اذا حابه تجربين خلطة الترمس لتخفيف الشعر ...شيلي بالخيط او الشمع و بعدين استخدمي الترمس 3 اسابيع وان شاء الله يخف و لاعاد تحتاجين لا خيط و دياوله :smile:
إ


السلام ..

اختي الترمس يكثر من الشعععععر مررره مثل ماقالو الاخواات

احسن شي شيليه بالسكر (الحلاوه ) وبعدين حطي فووقه زيت الزيتوون على طووول ... :up:


بس طريقه الترمس جديده .. ممكن الاخوات يكتبووها ..


الف شكــــــــــر
تحياتي :)
g


هههههههههههه:D2

اختي جويل الله يهداك بس شنو احف وجهي وجرية من صدجك انتي:rolleyes: حبيبتي انا اقصد الرأس الناعم انا عندي بروان معاها راسين واحد للجسم وواحد للوجه اوكي فهمتي علي الحين:up:

والكلام لكك اختي بسة الرأس الثاني للبشرة الحساسة مثل الوجه وايد حلو والله انا عني لان الحبل طلعلي حبوب هذي الوحيد اللي ناسبت وجهي اتمنى لك التوفيق غاليتي:up:

Ghadi
م
صراحه انا جربت الخيط ويعور وكله يطلع حبوب ومو حلو بالمره وجربت الشيره تنظف بس انها ماتشيله كله يعني ماتشيله عدل ولانه قالولي انها ترهل عشاني جذي استعملت الاله واهي اله براون عجيبه صراحه صدقوني ومايطلع بسرعه بعد وتشيل حتى الشعر الصغير وماتعور مثل الخيط ولا يطلع حبوب حتى اختي استعملتها مع انها دايم ترح الصالون وتشيل بخيط او شمع بس لما استعملتها جان تقول هذي والله زينه واستانست عليها لانه ماطلع لها حبوب
ا
:down:

ما انصحج بالخيط ولا بالحلاوة هالاشياء كلها تزيد الشعر وتخرب البشرة

ماشي مثل الليزر صدقيني بتفتكين من الشعر للأبد....

أنا كنت اشيل بالخيط في الصالون كل اسبوعين تقريبا وكل مرة كان الشعر يزيد ويغلظ
بس ألحين الحمدلله افتكيت من الشعر من سويت ليزر وانا مرتاحة نفسيا
صح الليزر شوي غالي بس صدقيني مب كثر الفلوس اللي تهدرينها كل اسبوعين ع الصالونات لا ويرد يطلع مره ثانية لكن الليزر يريحج طول العمر من هالمشكلة....

خسري على عمرج شوي وسوي ليزر وصدقيني ما بتندمين وبعد كل جلسة يقل السعر...

الحمدلله انا الحين ما ادفع أكثر من 200 درهم كل جلسة لا وكل ثلاث شهور مره بس الحمدلله............
ك
بصراحه انا انصحج بالليزر لانه يقلل نمو الشعر :up:
م
انا أشيل بالشمع ... وهو حلو وماشي معي ... طبعاً لازم يكون الوجه نظييييف وبعدين تشيلي وبعد ما تخلصي هاتي المسحه الطبيه إلي بستعملوها قبل الإبره وامسحي فيها وما راح يطلع حبوب أو افركي المكان بماء وملح وبعدين بتلج وآخر شي بفازلين ...
ا
مرحبا..والله ما عندي خبرة في هالموظوع و انا بعد اعاني من هالمشكلة بس اخاف اشل الشعر اللي في ويهي لانه بشرتي حساسة و اخاف تطلعلي حبوب..و السموحة
مع السلامة:shy:
و
هااااااااي


انا اشل بالخيط والحمد لله مرتااحه علييه لأن بعد ماااشل على طوول الهنديه تحطلي


مااي ورد .. حبيبتي السمرا معليي تقوولين اسم الدكتور اللي سواالج الليزر .. :cool2:

ببالي اسوي لويهي وجسمي بعد .. :shy::shy:

وو ابا اسأل .. فووق عمر جم ممكن ان الوحده تسوي ولا عاادي بأي عمر ؟؟ وشكرا يااابعد عمري :smile:



سلالالالالالالالالالالالالالام
م
أختي .. لاتستخدمين الشيرة على وجهك بالمره أذا كان الشعر نموه عادي عليج بالخيط وبعده حطي عليه ماء ورد باااارد
اما اذا كان الشعر واااايد الأحسن والأفضل روحي عيادة حق دكتور راعي ذمة وشيلي الشعر بالليزر صدقيني راح ترتاحين أن شاء الله ياعزيزتي:smile::smile:
ه
مشكورة:up:
X