انا مفهيه جداااااااااااااااااااااااااااااا

انا شنو اسوي بنفسي طفشت من نفسي

ها 3 سنوات كله مفهيه وبالي مشغول واحس ما ادري عن الدنيا

والله حتى بالجامعه اروح وارجع وبالاختبارات ما اذاكر والله مدري اشفيني والمشكله صاير عندي تبلد مرررررررره

حياتي بس نوم واكل و هواش


:-(


طفشت من نفسي حتى بنات الجامعه لاحظوا علي اذا تكلمت معهم انسى وافهي

حتى قالوا لي انتي مفهيه ومهمله ولاتدري عن الدنيا وكسلانه


بجد احس اني ضايعه بهالدنيا



الاطفال يعرفوا يمسكوا الكتاب ويذاكروا وانا ما امسك حتى اكتاب

نفسي متوهقه بي ودايم احطم بنفسي من كثر ما اهلي يحطموني




قولوا لي ايش اسوي انا مبتلشه بنفسي حياتي غير منظمه واحس والله مو عايشه بالدنيا لاني حياتي اكل ونوم مثل الاطفال


حتى ملابس وغرفتي الي تنظفها شغالتنا ولا اساعد اهلي وكل شي ملخبط


احاول اتقرب من الله حتى قربي من الله تفهي


الناس صارت تستهين فيني وتتمسخر :'(




ياربي لحقوني انا مستقبلي يضيع وانا جالسه كما انا الناس تغيرت وانا لا


وغير اسلوبي صار همجي :-(:lol: مدري شي عن الدنيا والناس صارت تشوف نفسها علي

ربي يعيني ع نفسي بجد :-(:S:

لا اقرا ولا اتثقف ولا اطور من نفسي
وصرت اتمسخر ع الناس واتضحك واتطنز واتطلم من وراهم واحش واقول عن فلانه مدري اشفيها شكله معقده وشكللها كذا وكذا يعني مثل الحريم صار اسلوبي مو اسلوب وحده جامعيه



حتى لاحظت ناس كثيره لاحظت انو موب واثقه بنفسي يطالعون فيني نظرات تمسخر وتطنز وناس تتعمد انو تقلل بشاني

الناس عندهم اهداف بالحياه انا ايش اقول استغفر الله عايشه كذا واذا كنت جالسه يقولون ربعي لي ذاكري اقول الرزق ع الله شفتوا عاد الى وين وصلت فهاوتي


موب عارفه لنفسي ولااعرف من انا يمكن انا ما احب نفسي ويمكن بسبب اخطائي الماضيه وكيف اصلح نفسي


مالومهم اذا انا بايعه نفسي برخيص كيف الناس واحسهم يلاحظون ضعفي ويستغلوا هالشي ساعدزني ربي يساعدكم عطوني حل