شعري وكارثته

السلام عليكم
بقولكم قصة شعري:
زمان كان كل شيء فيه طبيعي ولا يعاني من شيء عدا انه كان مموج بشكل بسيط من بدايته،وينتكش بسرعه،المهم مره كان عندي زواج بنت خالتي وهذا باخر شهر7،احترت كيف اسوي وطبعا بدون تقدير للعواقب رحت الصالون وعملولي فرد اورجانكس،طبعا مرت فترة وهالشعر يامحلاه بس ..........
بدا مفعول الفرد يزول وبدت تظهر المشاكل:
1)تساقط بشكل مهوووووول حتى صار خفيييييف،وبدا الصلع في الجبهة،وحتى ملمس الشعرة تغير صار محروق.
2)صار اخشن من السابق يعني تجعد بشكل اكبر،تقصف بصورة غير معقولة،اطرافه تتكسر وتتشقق صار قاسي مافيه ليونه وينتكش بسرعه ويتعبني بتشابكه خشن وشديد الجفاف.
3)بطل يطول وينمو.
وبديت مرحلة جديدة من العناية
اكلي اخليه صحي وما اكل اشياء فيها دهون وسكريات كثيرة
اشرب لترين الى ثلاثة ليترات من الماء
اشرب حليب مع ملعقة عسل قبل النوم يوميا
امشي تقريبا نص ساعة يوميا
مااستخدم استشوار ولاغيره
اغسله مرتين فقط بالاسبوع،وادلك الفروة مساء بزيوت لوزحلو خروع زيتون وجوزهند واحط معاه نواة تمر محمصة ومطحونة
اعمل حمام زيت مرة بالاسبوع ومرة خلطة من النت
تحسن الحمد لله بس لايزال يعاني من نفس الاثار.
الحين عندي زواج باخر شعر فبراير وبغيت بسوي برنامج جديد علشان
1)يتوقف التساقط وتنبت الفراغات ويتحسن ملمس الشعر ويكثف.
2)ابغيه يصير ناعم يعني اتخلص من التجاعيد القصوف الجفاف الخشونة التشابك والاطراف اللي تتكسر وتتشقق والقسوة والنكشة فيه.
اي وحده منكم تكون عندها برنامج نصيحة مستحضر خلطة اي شيء تساعدني بيها حتى احل مشاكل شعري،وطبعا ماتكلمت عن الطول لانه قصير وتعبان فماراح يطول الابعد مايتعالج ويتحسن.
الله يمتعكم جميعا بالعافية .