ماذا نأخذ عند الذهاب للحج؟؟؟؟؟؟؟

:z_sorry:

السلام عليج الأخت دنة

حج مبرور وذنب مغفور بأذن المولى عز وجل

وأدعي لنا انشااء الله الله يوفقنا ونحج السنه الي بعدها

انا سألت الوالدة لأنها السنه الماضيه هي كانت ساايرة الحجة

فقالت انها كانت شاله معها: جلابيات قطنية ، ملابس داخليه بكثرة ،شيل صلاه شيل سود ، بطانية ولبسات لللمخاد ، نعال حمام ، سجادة صلاة ، كمامه للانف والفم ، عبايتن وحدة للمطار والثانية عمليه للحج ، شنطة صغيرة للسعافات الاوليه ، ادويه اذا كنتي بعيد الشر عنج مريضة مرض مزمن مثل امي كان عندها سكر ، حصير صغير، مقص اظافر ، ملابس العيد، صابون جسم وشامبو حجم صغير ، صابون ملابس ، منشفة ، فوط صحية للاحتياط ، اخيرا كتيبات الادعية وتعليم الحج .

انشااء الله ما أكون نسيت شيء ، والحمد الله اذا كنتي سايرة مع حمله ما بقصرون بوفرون لج الاكل والشرب والاغراض النوم والطبيب فلا شلين هم

بس حطي باالج داايما انج سايرة للعبادة وانه مكة بتكون زحمة بالمسلمين فلاتتضايقن من المكان اذا كان غير نظيف نوعا ما او الاكل ما كان درجة اولى لان الواحد رايح يتعبد.

واحرصي على انج تقضين كل وقتج بالعبادة وتسبيح وقراءة القران ونصح والامر بالمعروف والنهي عن النكر.
والله يتقبل منج صاالح الاعمال

جزااااااااااااااااك الله خير

والله في اشياء كثير كنت ناسية وما فكرت اخذها


إن شاء الله تحجين السنة الجاية
وانا قاعدة ادعيلج من الحين :smile:

حج مبرور مقدماً

وتردين بالسلامة يا اختيه

خذي وياج ملابسج وخذي وياج سجادة صلاة ومسبحه وقرآن وبعد خذي وياج دهن عود عشان تحطينه على خشمج شوي عشان الريحة تعرفين والزحمة تخنق، وخذي بعد حبوب بندول وخذي فراش وياج وخذي بعد شنطه صغيره لليد عشان تحطين فيها شويه اغراض.

مممممممممم شو بعد يا ربي


هذا اللي اعرفه...... وسامحيني عالقصور....


تحياتي لج

مشكورة وماتقصرين

ونصايج جذي:up::up::up:

والله يوفقكم