**القريه العالميه** اي شي مميز خذتيه منها خبرينا عنه

:up::up::up:

انا خذت صابونة الكركم روعة .. وصابونة العسل من المغربية ...

هلا عزيزتي ام اميره اشكرج على المشاركه وبصراحه ذكرتيني بصبون الكركم والعسل اربيعتي مجربه صابون العسل ووايد تمدحه وصابون الكركم سامعه انه وايد اوكيه ان شاء الله اني باخذ منه وبجربه شكرا على مشاركتج :clap:

انا للحين ما سرت القرية العالمية ان شاء الله
اذا سرتلها هالاسبوع بخبركم شو الاشياء الغاوية هناك :shy:

ملاك الورد نترياج اتخبرينا بالجديد وشكرا على مشاركتج :smile:

سلام
ذكرتيني في الدلكه السودانيه ! انا اجربتها زماااااااااااان من وحده سودانية و هي ممتازة للتخلص من الجلد الميت

انا رحت القرية اول يوم و ما شفت السودان :eek2:

أنا ما سرت لين الحين ..... :D2 :D2

sultam01

الغالية كيف تستخدم هذي الدلكة .. مثل المغربية يعني .. وينفع اوديها وياي للحمام المغربي واستخدمها ؟!!

رجعت لكم ,,,,,:smile:

انا رحتلها امس وفي أشياء ايديده ..وأحلى قرية شفتها
هي الصينيه والتايلنديه حلوييييين ويايبين اشياء حلوووة
المغربية ما شفت عندهم شيء للجسم لكن السوداني
ما مريت عليه ما كفانا الوقت .. بس اللبنانيه فيها اشياء للجمال
واعتقد يايبين خبير اعشاب لبناني .. يعني تستاهل تروحولها
لان فعلا هالسنه يايبين اشياء حلووة وايد خاصة اكسسوارات
البيت ...:up:

أنا راح أسافر الى دبي الأربعاء الجاي و أكيد بروح القرية العالمية شجعتوني
ويش الأجنحة اللي تنصحوني أزورها ؟

أختكم راوية

بخصوص الدلكه السودانيه هيه عباره عن عجينه مثل الطين مكوناتها طبيعيه شوفان وذره وما اتذكر بضبط المكونات المهم انه على شكل عجينه تحطينه عليه اشوي ماس ساخن واي نوع من الازيوت اللي عندج وتحطينها على جسمج كامل لين تجف وبعدين تبدين تدلكين جسمج والجلد الميت يطيح مع التدليك وعقب تبين اي نوع من الزيوت وتستمرين في تدليك الجسم كامل وعقب خلاص تشطفين

انا بصراحه وايد ناسبتني اتخلي لون الجسم متساوي وناعم مادري ومع التدليك بشرتج تطلع روعه بس اهم شي عقب انج تغسلين جسمج بصبون ريحته اتكون قويه وحلوه اشوي عسب الدلكه السودانيه فيه اشوي ريحه مثل ريحة السودانيات مادريى يحطون فيه جنهم عطر المهم مع الصابون واللوشن بتخوز الريحه

تحياتي

أنا ما سرت لين الحين

انا سرت امس بس ماسرت ولا قرية من اللي كلكم قلتوا عنهاالصراحة ما

رمت اتحمل البرد :down: سرنا 6 قريات وبغيت اموت من البرد و خفت على ولدي

مع إني ملبستنه عدل من البرد بس انشاء الله إذا سرت الاسبوع الياي

بدور عدل و بخبركم إذا لقيت شي مميز :smile:

من يومين رحت القريه العالميه ودخلت القريه السوريه وخذت اجبان لذيذه جدا جدا ومربي التوت فظيع...

القريه البحرينيه يمدحون الاشار والمخلالات..والقريه الكويتيه يمدحون فيه الاكسسوارات..

تحياتي

و الله انا لين الحين ما سرت القرية

و هالاسبوع بعد ما اقدر اسير علشان الحين عطلة العيد والناس ما شاء الله من كافة انحاء الامارات جاية القرية

و ما فينا على الزحمة

بس بعد اجازة العيد انشاء الله باسير

و الله الي اعرفة من السنوات اللي طافت في قريات متميزة دائما مثل:

الهندية : عندهم لوحات جميلة جدا..... و انا جد اشتريت من عندهم وحده و حاطيتها في الصالة و الله انها تحفة و تظل لج مثل الذكرى الحلوة من المهرجان

اليمنية: عندهم الحناء روعة + العقيق اليماني + الاكسسوارات و القلايد + البهارات اليمنية + الطين اليمني و الله انه روعة للبشرة

السورية: المفارش الحلوة + الحلويات

الايرانية : بعد عندهم حلويات

الكويتية: الوعيان + القهوة


و السنة يقولون في القرية البحرينية + الايطالية

و انشاء الله يوم باسير باخبكم شو شفت

انا سرت كم مره بس كل ماأسير مايكون عندي وقت اني اشوف الي ابغيه بس خطفت على القريه الكويتيه وعيبني شي عندهم وهو الجلابيات الي فيها شغل ...تعرفوون الجلابيات الي تلبسها الهام الفضاله في المسلسلات ...هذيلا الجلابيات الي اقصدهن ... :up:

الصراحة دقيتوا على الوتر الحساس،،، عاد خلوني انا والقرية العالمية،،، عفانا الله من ادشها جنه وحدة مب شايفة خير من كثر ما اتخبل على السوالف اللي عندهم،،، حتى اني اتريا المهرجان واحسب الشهور بس عسب القرية العالمية،،، بس مجرد ما تمشين فيها تحسين بمتعه كبيرة في التسوق،،، الصراحة بالنسبة لي كذا قرية اللي تشدني،،، طبعا كل سنه تتميز بعض القري واحيانا تبرز قرى ما كان لها صيت من قبل،،، ومن اهم القرى هيه:

القرية الصينية: في انواع المفارش (منها الجميل والرخيص ) الى جانب ادوات الزينه من مفارش سرير وسلال وتلبيسة الكلينكس ومستلزمات منزلية مصنوعه بطريقة يدويه من الدانتيل الناعم وكلها من نفس الطقم،،، بالفعل شكلها يجنن،،،،

القرية التايلندية: ايضا في المصنوعات اليدوية والمستلزمات العطرية الخاصة بالحمامات وانتو بكرامة،،، وادوات الزينه الغريبة،،، واهم شي المانجو الاخضر الحامض بالملح اللي يكاد انه يشترى من كثر الزحمه اللي عليه،،،

القرية المصرية: تتميز بأنواع الجلاليب الرجالية والنسائية والاطفال وقمصان النوم الناعمه،، الى جانب ادوات الزينه من الخشب المحفور بإسماء الله الحسنى او القرآن،،، تجنن للمنزل او السيارة،،، بالاضافة الى الصناعات الجلدية من ابواك الى جانب الميداليات وهذه يتمركز على شرائها الفئة المتوسطة من الشباب والمراهقين "الفريخات" كأقتناء شخصي او تبادل للهدايا،،،

القرية السورية: تتميز بجلاليبها المتميزة والغريبة والجذابة في نفس الوقت،،، الى جانب المفروشات وهي غالية بعض الشي،،، وما ننسى الايس كريم السوري احلى شي فيها،،،،

القرية الكويتيه: طبعا متميزة بالمقتنيات الخاصة بالمطبخ من جدور وفضيات وهذا واضح من الازدحام الشديد اللي نلاحظه كل سنه على هذا الركن،،، وطبعا الملابس النسائية والجلابيات،،، عندهم مجموعة ممتازة الى جانب اسعارهم المناسبة جدا،،،، هاي المرة شفت عندهم محل لقمصان النوم يجنن،،،،

القرية الباكستانية: عندهم منتوجات نسيجيه تجنن الى جانب الشيل المطرزة الملونه،،،

القرية الايرانية: طبعا الازدحام يكون في الركن الخاص بالمنتوجات الغذائية من حلويات وبهارات ايرانية الى جانب البراويز والرسومات الخاصة بالطبيعه الاكثر من رائعه لتزيين جدران المنزل،،،

هذا اللي اذكره حاليا،،، على العموم المهرجان ما بقى عليه الا اسبوع،،، يعني اللى ما لحق يلحق من الحينه،،،

:confused::confused::confused:

محد طايع ايودييييييييييييييني

:D2:D2:D2 أنا سرت ... بس سرت أتلعب..... :D2:D2

عقب يوم دورت أهلي لقيتهم في القريه السوريه ياكلون دنقو كان لذيييييييييييييييييييييييييييييييييييييييذ .. Yamme YaMmMe ...

سوري يعني ماعندي شي اقوله بس هذا الي صار