مجموعة عطوري و بخوري و تولاتي الجميلة اللي هابة فيهم حاليا

هلا هلا بالبنوتات و العرايس القمرات
منورين عالم التعطر الجميل العميق ، ترا العطور مو بس ريحة نبخها ، ترا اهو مزاج و بصمة للشخصية .
لما تروحين تتسوقي للعطور و روحي و انتي باحسن حالاتك المزاجية عشان تختاري عطرك بكل قناعة و يطول معك و تستمتعي بيه .
تسمعين اللي يقولون هذا العطر اخذته و توقهت بيه ، هذا يصير للي تاخذ العطر و اهي مستعجلة او ببداية حمل او عندها زكام ، لذا يتغير تقبلها للريحة لما ترجع للحالة الطبيعية .
حلو بعد تغيري و توعي بالعطور ، مثلا سنة تاخذي عطور فاكهانية و هذا حلو للصيف و لاستخدام النهار و مرة تاخذي عطور بالياسمين و الازهار و هاي حلوة للشتاء و للعرايس و مع البخور بعد .
اذا حابة تتعرفي على ذوقي و عطوري موخرا شرفيني في هالمواضيع:


http://forums.3roos.com/3roos717822/


http://forums.3roos.com/3roos592835/




قبل نشوف ايش معي ، نتذكر بسرعة شوي نصايح عن كيف نتجهز بالعطور :


مبدئيا يا عروستنا انصحك ما تاخذي عطور كثير ، لانه كل فترة و فترة بتظلعي تتسوقي او تطلع عطور يديدة و تحبينها و كمان لان العطور لو طولت بتخرب

فالمناسب انه دبش العروس من العطور يكون عبارة عن :

- عطرين فخمين للمناسبات الكبيرة + عطرين للطلعات و الزيارات + عطر للجسم و هذا ممكن تاخذي الاطقم اللي من فكتوريا سيكريت و باث اند بودي وركس و بودي شووب ، و هذولا عبارة عن الشاور جل + مرطب للجسم + يخاخ معطر الجسم و هالطقم ما انصح تاخذي اكثر من اثنين .

- و البخور : تاخذي عود نوعية زين + بخور .
و هذولا بتلاقيهم عند "أجمل" او "الرصاصي" او "القرشي"

- و تاخذي تولتين عطر زيتي : مثل المسك او عطر تحبيه .
تلاقينهم بعد عند اجمل و زهور الريف مثلا


هذا اللي اتبعه في تنظيم عطوري من كنت عروس الى اليوم ، حتى اعطي كل عطر حقه



الحين تعالو اعرفكم عن الحاجات الحلوة اللي هابة فيها هالفترة










عطر كيم كارديشان : مميز حده و فواح ، مكس بين الفواكه و الازهار و الباتشولي ، لما يخلص برد اخده او اخد من عطور كيم كارديشلن الثانية.










اسكادا الجميل ، اسكادا مجموعاتهم متنوعة تلاقين اللي على شوغري و اللي ازهار و اللي على فواكه ، عطر منعش و فريش .











عطر هرمز ريحته برتقال فريش يجنن ، عطور هرمز بعد حابة اجرب منهم عطور ثانية










و هالعطر الجميييييييييييل الفواح الراقي الرائع اللي يذكرنا بعطور ديور و شانيل و ينفع مع العطور بقوة من غريس











بخوري المفضل المسني من النبيل مع العود مالته و كمان بخور راقية من الرصاصي










و هذولا الزيوت العطرية ، مخلط الرحاب و تولات جادور و مسك روز من اجمل ، و مخمرية تعطير الشعر و مناطق النبض ، مخمرياتي انا اسويهم بخلطاتي ، و اللي تحب افكار لخلطات تعطير و مخمريات تحط طلبها بالردود و برد عليها بكل سرور اكيد















و الكوليكشن البرئ المنعش اللي بعد الشاور : مجموعة اللافندر من جونسون لوشن و بودر و معاهم ديودرنت ريكسونا .








و هذه الحاجات الجميلة اللي حبيت مشاركتكم بيها .


نورتو بمروركم عرايسنا العضوات و الزايرات


و اللي عندها شس مميز او عطر مفضل نوريني بالمشاركة