بسم الله الرحمن الرحيم
السلام عليكم,يسعد الله اوقاتكم بكل خير :f: > مقدمة برنامج !! :094: ..
كيفكم يـ بنات قبل العرايس والسيدات > ايـوا عشاني منهم :Oh:
طبعا ما أعرف اقدم للأسف ولا ليـا بـالطويله ..
ممم كتير مننا نجهل منطقه بجسمنا والسبب ؟ زمان واحنا صغار اهالينا دايما يقولو لا تلمسين دا المكان ومن دا الكلام
لما سارت سسسسوداء للأسف سوداء يـ أمي :-(
ولما كبرنا شويـا وبدينا نتصفح بـالنت ودخلنا أقسامنا الحبيبةة "العناية" عرفنـا قد ايش كنا جاهلين!
بس دحين جا وقت العناية ووقت الاهتمام لا نضيع وقت اكتر من اللي ضيعناه يكففففففففي اللي راح ..
كل آنسة وسيدة تبدأ تهتم بنفسها من اليوم,لا تقولي بكرا
كلنـا نبا نكون بيرفكت صح ؟ طيب يالا تعالو نشوف عنايتي البسيطة بنفسي :009:<3
1.
التنشيف بعد الحمام "الله يكرمكم" لازم المنطقة تكون جافه .
2.
اليمين : غسول كير فري للمنطقه "حطي فـبالك الغسول مره وحده بـاليوم"
عشان ريحة المنطقة + معلومة تهمك (كثرت استخدام الغسول يقتل الخلايا النافعة) .
استخدامي للغسول "مره وحده بـاليوم , 4 مرات بـالاسبوع "
اليوم اللي استخدم فيه الغسول يكون قبل النوم
نقطة مهمة : وقت التنظيف من قدام لـ ورا مو العكس .
اليسار : الفوط اليومية "نظافة نظافةة اتعب وأنا اقول نظافة كمان م يتوسخ الكلوت والريحة كمان المنطقة ريحتها تسير بيبي !"
انا استخدمت كير فري وارتحت معاها,لكن المره دي جربت نوع للأسف م افتكر الاسم
رميت العلبة :01: .
3.
3 كريمات م استغنى عنها قبل النوم "يوميا"
بيبانثين "مكروف :094:" للترطيب العميييييق دوكين فورت للتفتيح سودو اللي تعاني من التهابات أو حبوب تستخدم دا الكريم .
استخدامي لهم زي م قلت قبل النوم + التهوية يعني تنامي بدون كلوت .
4.
بعد الحمام اليومي أكتفي بـالترطيب بزيت جونسون والبودرة
نعومة + ريحة بيبي
واخر نقطة واللي بجد حسيت بتغير جذري معاه ..
زيت اللوز + الجوجوبا
بـالصورة مافي غير الجوجوبا لان اللوز خلّص .. اخدتو من تاجرة بـالانستقرام منتج امريكي
زيت اللوز يفتح يـ بنات بشكل سريع بس بطريقتي اللي هيـا ؟
طريقتي للزيت بعد كل حمام "الله يكرمكم" وبعد التنشيف احطو بين فخوذي وخط البكيني والمؤخره من ورا .. الله يشهد ع كلامي ان زيت اللوز روعه وشفت نتايج أفضل معاه .
الجوجوبا أهم نقطة فيه مالو ريحة ويمتصو البشرة بسرعة , كمان يرطب وأحافظ ع النتيجة اللي وصلتها والحمدلله :y: .
وبكدا أنتهيت من الموضوع أتمنى انكم تستفيدو زي م استفدت منكم كتير وكمان كنت اتابعكم من خلف الكواليس واليوم سجلت ودا أول موضوع بـالمنتدى :009: ..
اي سؤال انا موجودة :B: .