بيتزا شجرة العام الجديد من وصفات شيماء سيف

بسم الله لا قوة الا بالله

بيتزا شجرة الكريسماس ( ملحوظه هاااامة ) علشان ناس علقت على موضوع شجرة الكريسماس انا مش بحتفل بالكريسماس ولا عاملة البيتزا مخصوص علشان الاحتفال ده مجرد فكرة جاتلى قلت اجربها وتانى حاجة انا بستنى السنه الجديده زى اى حد .... وبدعى ربنا تكون خير لكل بلادنا وعلى كل شعوبنا اشكركم

يارب تكون سنه سعيده على سائر البلاد والعباد ويبعد عن بلادنا جميعااا كل من يريد بها سوء ان شاء الله

لا احلل نقل وصفاتى الا بذكر المصدر

فكرة جديده وان شاء الله تعجبكم وتكون مختلفة زى بيتزا البروكلى والبطاطس اللى قدمتهم قبل كده





مقادير العجين


3 كوب دقيق – 1 ملعقة كبيرة خميرة فورية – 2/1 ملعقة صغيرة B.B – ملعقة كبيرة سكر – 4/1 كوب زبادى – 4/1 كوب زيت – الماء حسب العجن – 1 ملعقة صغيرة ملح


نمزج النواشف مع بعض ثم نضيف الزيت والزبادى ونخلط كويس لحد ما الدقيق يتشرب الزيت والزبادى ثم نضع الماء بالتدريج حتى تكون عجينة لينة تلزق بالايد شوية ومع العجن ستكون عجينة سهلة التشكيل ولا تلتصق بالايد ثم تغطى وتترك لتخمر لمده ساعة

استخدمت نص مقدار الدقيق ( دقيق قمح كامل ) الخطوة دى اختيارى

مقادير الصوص

بصلة - 3 فصوص ثوم - طماطم مفرومه - 1 معلقة صلصة - زيت زيتون - ملح - فلفل اسود - زعتر

مقادير الحشو

جبنه موزريلا - زيتون اسود شرايح - بصل مكعبات - فلفل الوان مكعبات

الطريقة

1- نفرم البصلة والثوم وندبلهم فى زيت الزيتون ونضيف الطماطم والصلصة والملح والفلفل الاسود والزعتر وشوية مايه لحد ما يغلظ قوامها




2- بعد ما يخمر العجين نفرده ونشكله زى شجرة الكريسماس

3- نضع الصوص




4- نضع الجبنه




5- نضع الخضار





6- تدخل فرن ساخن مسبقا على درجة حرارة عاليه لما تدخل فى السوا وتكون لونها ذهبى من تحت نطلعها ونحط جبنه موزريلا وندخلها الفرن دقايق ولما تخرج نرش زعتر وتقدم




الكميه بتاعت العجين حتعملك كذا واحده

لا احلل نقل وصفاتى الا بذكر المصدر

ياريت اللى ينقل الفكرة يقول المصدر انا بتعب اوى لحد ما افكر فى حاجة جديده اقدمها والاقى ناس واخدين الفكرة على الجاهز تحياتى لكم