خواتي الغاليات أنا في حيرة من أمري.. وأتمنى اني ألقى منكم بعض الحلول..
انا كنت مالكة (مكتوب كتابي) من شخص أهله طيبين ويحبوني وايد لكن هو الله يسامحه كان انسان صعب جداً في المعامله.. وانفصلنا ..وما نبغي نرجع لبعض..
مب حابة أذكر الموضوع .. وأرغب في نسيانه.. وادعي الله انه يعوضني بواحد أحسن عنه في كل النواحي..
المشكله ان أخواته يتصلون فيني من فترة لين فترة عشان يطمنون عني ويعرفون أخباري.. وأكون معاهم عادية في المكالمة وأسولف وأضحك.. لكن من تخلص المكالمة أحس بضيق وكآبه وأتذكر أيامي اللي مضت مع أخوهم..وأهلي يسئلوني : ليش متصلين؟ شو عندهم؟ يبغي يرجعلج؟ وانا ما أحب ان أهلي يسألوني هالاسئله
.....حتى إني حذفت كل أرقامهم من موبايلي عشان ما أفكر أتصل فيهم ولا أحن ولا أشتاق وأبغي أبعد ..وقررت اني أقولهم بطريقة حلوة اني ما أبغيهم يتصلون مرة ثانية.. بس ما أقدر أقول،تكون الكلمة على لساني بس استحي وأحس انهم وايد بيتضايقون..
بس فعلاً انا ما أباهم يكلموني.. أبغي أعيش حياتي من جديد بدون أحزاني..
هل ابقى على اتصال أم أبعد؟؟
s
10-12-2003 | 02:14 PM
ف
10-12-2003 | 02:40 PM
السلام عليكم ورحمة الله وبركاته
حبيبتي...
الحل إنج ما تردين على إتصالهم حتى لو إتصلوا ألف مره
و بهذي الطريقة..بيفهمون إنج ما تبغين تكلمينهم
و بالتالي ما حد بيسألج عنهم و بتتخلصين من المشاكل نهائيا
:up:
s
10-12-2003 | 03:05 PM
أشكرج اختي فوانيس عالرد..
انا فعلاً طبقت اللي قلتيه..وتفاجأت انهم اتصلوا فيني على تليفون البيت. وسألوني ليش ما أرد ..ما قدرت أقول اني ما أبغي أكلمهم بس قلتلهم اني كنت مسافرة.. وفعلا كنت مسافرة وقلت ياللا عذر.. هم حاسين اني أبغي أبعد.. وانا مب متضايقة من حبهم لي واصرارهم على الاطمئنان علي.. لكن الضيق اللي أحس فيه من ذكرياتي معاهم تخليني أبعد
لأن فعلاً الفترة اللي أكون فيها بعيدة ولما ما يتصلون أكون مرتاحة.
انا فعلاً طبقت اللي قلتيه..وتفاجأت انهم اتصلوا فيني على تليفون البيت. وسألوني ليش ما أرد ..ما قدرت أقول اني ما أبغي أكلمهم بس قلتلهم اني كنت مسافرة.. وفعلا كنت مسافرة وقلت ياللا عذر.. هم حاسين اني أبغي أبعد.. وانا مب متضايقة من حبهم لي واصرارهم على الاطمئنان علي.. لكن الضيق اللي أحس فيه من ذكرياتي معاهم تخليني أبعد
لأن فعلاً الفترة اللي أكون فيها بعيدة ولما ما يتصلون أكون مرتاحة.
s
10-12-2003 | 03:10 PM
وأحب أشكر أخوي :طيار قطر على رده على مشكلتي في الخاص.. وأقوله ان المشكله ان أهلي شايفين انه اللي صار شي كبير وان الطلاق طلاق.. سواء كان في فترة ملجة أو بعد زواج.. ويحسسوني على ان اللي صار فشل وليس تجربة..