مقلوبة الكفته من وصفات شيماء سيف

بسم الله الرحمن الرحيم

طريقتى فى عمل مقلوبة الكفته اولى مواضيعى فى المنتدى ارجوا ان تنال وصفاتى اعجابكم

لا احلل نقل وصفاتى الا بذكر المصدر





المقادير

نص كيلو لحمة مفرومه
بصلة وسط مفرومه ناعم ومعصورة من المايه
2 معلقة كبيرة بقدونس مفروم
ملح فلفل اسود بهارات لحمة
2 معلقة كبيرة شوفان اختيارى





2 كوب ارز بسمتى
جزرة كبيرة مبشورة
ورق لورا .. حبهان .. كركم .. ملح .. فلفل اسود

بصل شرايح 2
بطاطس شرايح 2
طماطم شرايح 2
فلفل رومى شرايح 2

الطريقة

1- تجهيز الكفته
نخلط كل المكونات مع بعض وتشكل دواير وندخلها الفرن تستوى او فى طاسه على النار بمعلقة زيت واحده

2- تجهيز الارز
فى حلة على النار نضع معلقة زيت مع معلقة صغيرة زبده
ننزل بالجزر والتوابل ونقلب اول ما يظهر ريحتهم ننزل بالارز ونقلب ثم الماية السخنه ونغطى عليه ونوطى لحد مايستوى

3- تجهيز الخضار
يقلى كل الخضار فى الزيت ويطلع على ورق مطبخ

فى برام او طاجن يدخل الفرن
نرص طبقات الخضار والكفته ثم الارز ويغطى بالفويل ويدخل فرن متوسط الحرارة من ربع ساعة الى تلت ساعة ثم يقلب ويقدم والف هنا وشفا


لا احلل نقل وصفاتى الا بذكر المصدر