&تجمع امهات نوفمبر 2014 اقلطووا حيااككم

كيفكم حبيباااتي أحسن شي عملتوه انكم فتحتولنا تجمع نحكي فيه عن مشاكلنا ويبدو انه مشكلة الرضاعة متربعة على عرش المشاكل للأسف بالنسبة الي مشكلتي مع ابني بدت لمن روحنا المستشفى انا قعدت تقريبا يومين نص هناك وكان في رعاية واهتمام عوضني حزني عن انه امي ما قدرت تيجي عندي لظروف واني بالغربة لحالي وأول مرة أكون أم ومابعرف اتعامل مع الاطفال فكانوا الممرضات يساعدوني بكل شيء وعلموني كيف ارضع البيبي وضليت ارضعه والحمد لله كل اشي كان تمام بس لما روحنا البيت ليلتها ابني صار يعيط بشكل جنوني وكل ما ارضعه يضل يعيط يعيط يمكن ضل عشر ساعات ينام شوية ويعيط ويرضع ويعيط بطريقة مؤلمة وانا صرت اعيط معه وحالتي صارت حالة ومافهمت شو ماله كلمت ماما قالتلي ابنك ممكن يكون جوعان ومش شبعان من حليبك اللي اصلا ما كان لسا نازل كان يدوب قطرات وانا قعدت اعصر بايدي لقيت انه فعلا مافي اشي كتير نازل ووقتها اضطرينا نشتريله حليب ولو تشوفوا منظره يا بنات وهو يرضع الحليب استهدى ونام وكان فعلا وقتها جوعان وللاسف من هداك الوقت لحد الان انا بعاني معه لانه بيفضل الرضاعة لانها بتعطيه الحليب بسهولة اكتر وعندي لحد الان الحليب قليل للاسف اشتريت جهاز لشفط الحليب وبعمل شفط ودايما مابيتعدى 20 لـ 30 ميلي من كلا الجهتين يعني غير مشبع على الاطلاق بس بحاول احطه على صدري ولو مرة باليوم وطبعا بيكون بالخناق والعياط وانا بصير اعيط معه وقلبي بينحرق انه هو رافض صدري ونفسي يرجع يعتود يرضع طبيعي بس الحمد لله على كل حال يعني حاولت ورح اضل احااااول ان شاء الله ..
وبما اني لحالي زوجي الله يخليه ويحميه يارب بيساعدني والله ماقصر معي ابدا لاني بتعب كتير بالليل واحيانا بنام وهو على ايدي من كتر التعب فبلاقيه اخده مني وخلاني انام وارتاح .. انا طبعا محروق قلبي اني بقضي فترة ولادتي بالغربة وبعيدة عن لمة الاهل والعيلة منها الواحد بيتونس ومنها كمان بيتعلم من خبرة امه وحماته بس الحمد لله هيني عم بكتسب خبرة وببني تجربة خاصة فيني وعلى الله التوفيق