كيفكم عروسات حبيت أشارككم بقصة ولادتي وفي البداية احمد لله عز وجل انه رزقني بمولودي الأول "باسم" وأسأل الله عز وجل أن يجعله من الصالحين ويرضى عنه في الدنيا والآخرة ..
بدأت معي القصة في نهاية الشهر السادس أول الشهر السابع حيث اني تعرضت لضغط نفسي سيء جداً وكانت نفسيتي تعبانة فوق الوصف وما كنت بحالة جيدة أبداً وهالشيء سببلي آلام وأوجاع غريبة في أسفل البطن اتطورت لدرجة اني صرت أبكي من الألم واتصلت على أمي ووصفتلها الألم وطبيعته وقالتلي اطلعي ع المستشفى بسرعة هدا وجع طلق ! وانا طبعاً انصدمت :oh:
طبعا انا في بلاد الغربة وما عندي حد غير زوجي الله يحفظه
رحنا انا وزوجي المستشفى ودخلوني غرفة الملاحظة وشافوا انه الطلق عندي كل 5 دقايق اجتني الميد وايف فحصتني لقت انه الرحم مغلق فقالتلي يمكن يكون بسبب الإمساك او انه البيبي غير وضعيته طالما الرحم مغلق مابنقدر نجزم انه هالشي هدا طلق المهم روحت البيت وأنا لسا بموت من الوجع وضليت 8 ساعات بالبيت لحد ما استويت ع الآخر وصرت مش قادرة امشي او اتحرك فأخدني زوجي كمان مرة ع المستشفى ووقتها لقو الرحم عندي فتح 1 سم !! وقرروا يتدخلوا ويعطوني شيء يوقف الطلق وانا هنا عصبت كتير وقلت لو انهم انتبهو من الاول ما كنت اضطريت اوصل لهالحالة ويستمر الطلق عندي ويفتح الرحم وادخل في المرحلة الحرجة نوموني بالمستشفى يومين واعطوني محلول بالوريد بيوقف الطلق واعطوني ابرتين مشان رئة البيبي وكنت تعبانة كتيييييييير لانه المحلول هدا بيعمل على استرخاء عضلات كل الجسم فما اقدر اقوم او اتحرك لكن الحمد لله ربنا حمى ابني ووقف الطلق وروحت بيتي بعد يومين وكنت خايفة ترجع معي اعراض الطلق تاني واولد بدري والكل كان متوقع اني ما أكمل شهري وأولد ولادة مبكرة
المهم مرت الايام والاشهر والحمد لله وصلت الشهر التااسع على خير وفي اثناء احدى المرات الفحص عند الدكتورة قالتلي الرحم عندي متوسع 2 سم وبدون ما اشعر فانا قلت يبدو انها قربت وبعدها باسبوع رحت كمان مرة لقيت الرحم متوسع 3 سم وبرضو بدون أي أعراض وهنا انا خفت يكون الطلق عندي بارد واتوسع بدون ما اشعر وبديت امارس كل انواع الطقوس اللي بيحكو انه الحامل مفروض تعملها مشان تولد ويحمى الطلق عندها مشي وطلع عالدرج ومشي ع الرمل وتمارين القرفصاء وقرفة وتمر والذي منه وكله هالحكي ما قدم ولا أخر عندي أبداً المهم .. الدكتورة أعطتني مهلة بعد التاسع بأكم من يوم لو مابدا الطلق عندي ممكن اطلب منهم يعملو تدخل صناعي وانا كنت مستعجلة كتير على الولادة من التعب والتقل وكان زوجي يحكيلي انه خلينا نصبر لحد ما كل شيء يصير طبيعي ..
قبل ولادتي بيومين كنت جالسة وفجأة بدأت الوساوس تداهمني لو كنت متوسعة اكتر من 3 سم وما معي خبر لانه انا توسعت غير الواحد سم القديم 2 وما حسيت فيهم وصرت اتخيل اشياء غريبة عجيبة المهم حكيت لزوجي خلينا نروح المستشفى بس اتطمن انه التوسع ما زاد وانا من جوات قلبي ادعي الاقيه زايد ويحطولي محلول صناعي ويبدا الطلق عندي واولد وارتاح
المهم رحنا المستشفى وحطوني على غرفة الملاحظة ما كان عندي طلق الا طلق خفيف واجت الدكتورة فحصتني وطلع الرحم عندي متوسع 4 سم ! ورغم هيك بعد حوالي 5 ساعات بالملاحظة روحتني وقالتلي لا ترجعي الا لو نزل منك دم كتير او صار الطلق منتظم كل 5 دقايق او نزلت مية البيبي
طبعا بعد ما عملتلي فحص داخلي مرتين وهالفحص حسيته حفز الاوجاع عندي وبدت تحمى كتير وانا مروحة من باب المستشفى كان يجيني طلق حامي ما كنت حاسة فيه لما إجيت روحنا البيت وقعدت أحسب الطلق كان ملخبط مرة كل 4 مرة كل 5 مرة كل 2 مرة كل 7 مرة كل 18 وهكذا ومع التعب نمت وانا مش حاسة ع حالي وصحيت تاني يوم لقيت حالي ولا كانه فيني اشي صاغ سليم ولا اوجاع ولا تعب ! وصار عندي احباط شديد :-( وحسيت حالي عمري مارح اولد
بعدها بيوم كنت حاسة حالي تعبانة شوية ومرهقة وزهقانة وما الي نفس اعمل اي شيء .. وحتى اني اتأخرت كتير بالطبخ وتجهيز البيت وكنت متمددة اغلب الوقت بالسرير ولما صارت الساعة 11 ونص تقريباً بالليل .. اجا ع بالي أقوم أطبخ وزوجي حكالي ما تغلبي حالك ممكن نجيب اي اشي ناكله من برا وخلص حكيتله لاء انا حابة اطبخ وفعلا بديت أطبخ مسقعة بتنجان :D وقعدت اطبخ فيها بكل نفس زي مابيقولو وفجأة وانا بطبخ المسقعة بديت احس بأوجاع قوية أسفل البطن تيجي وتروح وصرت كل ما يجيني وجع ابعت رسالة ع جوال زوجي مشان نحسب الوقت بين كل رسالة والتانية اكم .. وضليت مصرة أكمل الطبخة للآخر بانتظااار انه ينتظم معي الوجع ويصير كل 5 دقايق وبعد ما خلصت اطبخ اخدت دش دافي وقعدت اسشور شعري وارتب اموري تقولوا رايحة عرس الأخت :D وبعدها رتبت البيت وجهزت حالي لحد ما حسيت مش قادرة اتحمل الوجع بالمرررة الساعة صارت 3 ونص بالليل رحنا ع المستشفى ووقتها لما شافوني قالولي انتي حتجيبي البيبي اليوم مبين عليكي مش زي المرة اللي قبل :-?
ولما فحصوني كنت متوسعة 5 سم وع طول حولوني ع غرفة الولادة وانا كنت بالأول حكايتلهم انا بدي ولادة طبيعية بدون أدوية وعلاجات وتدخل مش عارفة كنت اللي فيها وشو هو طبيعة الألم والوجع اللي ممكن يجيني صرت أعيط وأصرخ وحكيت لزوجي ارجوك احكيلهم يحطولي أي مهدئ أو مسكن فحكالهم وحطولي دوا بيخلي الواحدة تدوخ وتنام وزوجي حكالي لاحقا لاني ما كنت صاحية ع حالي انه حالتي كانت بالمرة كنت اصرخ ع الممرضات واقولهم بكرهكم بس الحمد لله انهم مابيفهموا عربي هههههههه وضليت ع هالحالة تلات ساعات وبعدين اجو فجأة ع المستشفى الدكتورة وصاروا يحكوا مع زوجي انه دقات قلب البيبي بتنخفض مع كل طلقة حامية وهدا الاشي رح يخليهم يفكروا بإمكانية تدخل عملية قيصرية بأي وقت ورجعو قاسوا التوسع بعد كل هالتعب لقوووه 5 سم ووقتها وقفوا عندي الدوا مشان وضع البيبي مايتأثر أكتر بالمخدر وفي هادي اللحظة أنا بطلت استوعب الوجع بالمرررة وأصرخ وأقولهم بدي اروح البيت مابدي أولد ساعدووووووني مابدي أولد وأعيط وكل ماتيجي طلقة قوية احكي لزوجي بدي ابرة الضهر اعطوني ابرة الضهر بس تروح الطلقة اقوله لا خلص مابدي وضليت ع هالحالة ساعة لحد ما استويت وبالاخير حكيلت بدي الابرة خلص بدي الابرة مش قادرة اتحمل مع اني كنت رافضة فكرتها من أول الحمل !
وفعلا اجو اعطوني الابرة وكان مفعولها زي السحر ما حسيت الا بيحكو صار التوسع 10 سم وبدي ادفع وحتى اني كنت ادفع وانا مش حاسة باي شيء والحمد لله بعد تلات محاولات نزل البيبي سالم معافى بس اخدوه بسرعة ع الفحص مشان كانت دقات قلبه تتأثر كتير بالطلق لآخر لحظة والحمد لله كل شيء تمام وصحته سليمة وهيو نايم جمبي حبيب قلبي وروحي ملاكي الصغير الله يحميه ويحفظه يارب كانت لحظات صعبة وحلوة لا تصدق وانا لحد الان بتطلع في ابني ومابصدق انه هدا ابني الحمد لله يارب على نعمك والله يقدرنا انه نكون على قدر هالنعمة والمسئولية ..
جلست في المستشفى يومين بعد الولادة وتغلبت شوية في رضاعة ابني لكن الحمد لله انهم ما عملولي شق او جرح في المنطقة وكان الاشي كله طبيعي واعطوني غرز صغيرة من اثر التوسع وما حسيت فيها ابدا ابدا الحمد لله ..
هاي قصة ولادتي لأول مرة تجربة صعبة وممتعة لكن نصيحتي اللي متأخر عليها الطلق تبدا تقطع بتنجان وتقليه بيحمى على طول :094: :094:
بدأت معي القصة في نهاية الشهر السادس أول الشهر السابع حيث اني تعرضت لضغط نفسي سيء جداً وكانت نفسيتي تعبانة فوق الوصف وما كنت بحالة جيدة أبداً وهالشيء سببلي آلام وأوجاع غريبة في أسفل البطن اتطورت لدرجة اني صرت أبكي من الألم واتصلت على أمي ووصفتلها الألم وطبيعته وقالتلي اطلعي ع المستشفى بسرعة هدا وجع طلق ! وانا طبعاً انصدمت :oh:
طبعا انا في بلاد الغربة وما عندي حد غير زوجي الله يحفظه
رحنا انا وزوجي المستشفى ودخلوني غرفة الملاحظة وشافوا انه الطلق عندي كل 5 دقايق اجتني الميد وايف فحصتني لقت انه الرحم مغلق فقالتلي يمكن يكون بسبب الإمساك او انه البيبي غير وضعيته طالما الرحم مغلق مابنقدر نجزم انه هالشي هدا طلق المهم روحت البيت وأنا لسا بموت من الوجع وضليت 8 ساعات بالبيت لحد ما استويت ع الآخر وصرت مش قادرة امشي او اتحرك فأخدني زوجي كمان مرة ع المستشفى ووقتها لقو الرحم عندي فتح 1 سم !! وقرروا يتدخلوا ويعطوني شيء يوقف الطلق وانا هنا عصبت كتير وقلت لو انهم انتبهو من الاول ما كنت اضطريت اوصل لهالحالة ويستمر الطلق عندي ويفتح الرحم وادخل في المرحلة الحرجة نوموني بالمستشفى يومين واعطوني محلول بالوريد بيوقف الطلق واعطوني ابرتين مشان رئة البيبي وكنت تعبانة كتيييييييير لانه المحلول هدا بيعمل على استرخاء عضلات كل الجسم فما اقدر اقوم او اتحرك لكن الحمد لله ربنا حمى ابني ووقف الطلق وروحت بيتي بعد يومين وكنت خايفة ترجع معي اعراض الطلق تاني واولد بدري والكل كان متوقع اني ما أكمل شهري وأولد ولادة مبكرة
المهم مرت الايام والاشهر والحمد لله وصلت الشهر التااسع على خير وفي اثناء احدى المرات الفحص عند الدكتورة قالتلي الرحم عندي متوسع 2 سم وبدون ما اشعر فانا قلت يبدو انها قربت وبعدها باسبوع رحت كمان مرة لقيت الرحم متوسع 3 سم وبرضو بدون أي أعراض وهنا انا خفت يكون الطلق عندي بارد واتوسع بدون ما اشعر وبديت امارس كل انواع الطقوس اللي بيحكو انه الحامل مفروض تعملها مشان تولد ويحمى الطلق عندها مشي وطلع عالدرج ومشي ع الرمل وتمارين القرفصاء وقرفة وتمر والذي منه وكله هالحكي ما قدم ولا أخر عندي أبداً المهم .. الدكتورة أعطتني مهلة بعد التاسع بأكم من يوم لو مابدا الطلق عندي ممكن اطلب منهم يعملو تدخل صناعي وانا كنت مستعجلة كتير على الولادة من التعب والتقل وكان زوجي يحكيلي انه خلينا نصبر لحد ما كل شيء يصير طبيعي ..
قبل ولادتي بيومين كنت جالسة وفجأة بدأت الوساوس تداهمني لو كنت متوسعة اكتر من 3 سم وما معي خبر لانه انا توسعت غير الواحد سم القديم 2 وما حسيت فيهم وصرت اتخيل اشياء غريبة عجيبة المهم حكيت لزوجي خلينا نروح المستشفى بس اتطمن انه التوسع ما زاد وانا من جوات قلبي ادعي الاقيه زايد ويحطولي محلول صناعي ويبدا الطلق عندي واولد وارتاح
المهم رحنا المستشفى وحطوني على غرفة الملاحظة ما كان عندي طلق الا طلق خفيف واجت الدكتورة فحصتني وطلع الرحم عندي متوسع 4 سم ! ورغم هيك بعد حوالي 5 ساعات بالملاحظة روحتني وقالتلي لا ترجعي الا لو نزل منك دم كتير او صار الطلق منتظم كل 5 دقايق او نزلت مية البيبي
طبعا بعد ما عملتلي فحص داخلي مرتين وهالفحص حسيته حفز الاوجاع عندي وبدت تحمى كتير وانا مروحة من باب المستشفى كان يجيني طلق حامي ما كنت حاسة فيه لما إجيت روحنا البيت وقعدت أحسب الطلق كان ملخبط مرة كل 4 مرة كل 5 مرة كل 2 مرة كل 7 مرة كل 18 وهكذا ومع التعب نمت وانا مش حاسة ع حالي وصحيت تاني يوم لقيت حالي ولا كانه فيني اشي صاغ سليم ولا اوجاع ولا تعب ! وصار عندي احباط شديد :-( وحسيت حالي عمري مارح اولد
بعدها بيوم كنت حاسة حالي تعبانة شوية ومرهقة وزهقانة وما الي نفس اعمل اي شيء .. وحتى اني اتأخرت كتير بالطبخ وتجهيز البيت وكنت متمددة اغلب الوقت بالسرير ولما صارت الساعة 11 ونص تقريباً بالليل .. اجا ع بالي أقوم أطبخ وزوجي حكالي ما تغلبي حالك ممكن نجيب اي اشي ناكله من برا وخلص حكيتله لاء انا حابة اطبخ وفعلا بديت أطبخ مسقعة بتنجان :D وقعدت اطبخ فيها بكل نفس زي مابيقولو وفجأة وانا بطبخ المسقعة بديت احس بأوجاع قوية أسفل البطن تيجي وتروح وصرت كل ما يجيني وجع ابعت رسالة ع جوال زوجي مشان نحسب الوقت بين كل رسالة والتانية اكم .. وضليت مصرة أكمل الطبخة للآخر بانتظااار انه ينتظم معي الوجع ويصير كل 5 دقايق وبعد ما خلصت اطبخ اخدت دش دافي وقعدت اسشور شعري وارتب اموري تقولوا رايحة عرس الأخت :D وبعدها رتبت البيت وجهزت حالي لحد ما حسيت مش قادرة اتحمل الوجع بالمرررة الساعة صارت 3 ونص بالليل رحنا ع المستشفى ووقتها لما شافوني قالولي انتي حتجيبي البيبي اليوم مبين عليكي مش زي المرة اللي قبل :-?
ولما فحصوني كنت متوسعة 5 سم وع طول حولوني ع غرفة الولادة وانا كنت بالأول حكايتلهم انا بدي ولادة طبيعية بدون أدوية وعلاجات وتدخل مش عارفة كنت اللي فيها وشو هو طبيعة الألم والوجع اللي ممكن يجيني صرت أعيط وأصرخ وحكيت لزوجي ارجوك احكيلهم يحطولي أي مهدئ أو مسكن فحكالهم وحطولي دوا بيخلي الواحدة تدوخ وتنام وزوجي حكالي لاحقا لاني ما كنت صاحية ع حالي انه حالتي كانت بالمرة كنت اصرخ ع الممرضات واقولهم بكرهكم بس الحمد لله انهم مابيفهموا عربي هههههههه وضليت ع هالحالة تلات ساعات وبعدين اجو فجأة ع المستشفى الدكتورة وصاروا يحكوا مع زوجي انه دقات قلب البيبي بتنخفض مع كل طلقة حامية وهدا الاشي رح يخليهم يفكروا بإمكانية تدخل عملية قيصرية بأي وقت ورجعو قاسوا التوسع بعد كل هالتعب لقوووه 5 سم ووقتها وقفوا عندي الدوا مشان وضع البيبي مايتأثر أكتر بالمخدر وفي هادي اللحظة أنا بطلت استوعب الوجع بالمرررة وأصرخ وأقولهم بدي اروح البيت مابدي أولد ساعدووووووني مابدي أولد وأعيط وكل ماتيجي طلقة قوية احكي لزوجي بدي ابرة الضهر اعطوني ابرة الضهر بس تروح الطلقة اقوله لا خلص مابدي وضليت ع هالحالة ساعة لحد ما استويت وبالاخير حكيلت بدي الابرة خلص بدي الابرة مش قادرة اتحمل مع اني كنت رافضة فكرتها من أول الحمل !
وفعلا اجو اعطوني الابرة وكان مفعولها زي السحر ما حسيت الا بيحكو صار التوسع 10 سم وبدي ادفع وحتى اني كنت ادفع وانا مش حاسة باي شيء والحمد لله بعد تلات محاولات نزل البيبي سالم معافى بس اخدوه بسرعة ع الفحص مشان كانت دقات قلبه تتأثر كتير بالطلق لآخر لحظة والحمد لله كل شيء تمام وصحته سليمة وهيو نايم جمبي حبيب قلبي وروحي ملاكي الصغير الله يحميه ويحفظه يارب كانت لحظات صعبة وحلوة لا تصدق وانا لحد الان بتطلع في ابني ومابصدق انه هدا ابني الحمد لله يارب على نعمك والله يقدرنا انه نكون على قدر هالنعمة والمسئولية ..
جلست في المستشفى يومين بعد الولادة وتغلبت شوية في رضاعة ابني لكن الحمد لله انهم ما عملولي شق او جرح في المنطقة وكان الاشي كله طبيعي واعطوني غرز صغيرة من اثر التوسع وما حسيت فيها ابدا ابدا الحمد لله ..
هاي قصة ولادتي لأول مرة تجربة صعبة وممتعة لكن نصيحتي اللي متأخر عليها الطلق تبدا تقطع بتنجان وتقليه بيحمى على طول :094: :094: