أنا مصدومه من اللي شفته

الريم ه 09-12-2003 30 رد 3,476 مشاهدة
ا
السلام عليكم ورحمة الله وبركاته

أول شي أحب اسلم عليكم
السلام عليكم ورحمه الله وبركاته
وثاني شي انا يشرفني اني اكون معكم وانا من زمان مشاركه بالمنتدى بس طبعا متفرجه:o لكن اليوم في شي خلاني اشارك وأتمنى يكون هذا هو المكان المناسب للمشاركه لاني من الحره اللي فيني حاسه مافيني عقل افكر
اعذروني على هالمقدمه الطويله بس عشان تشاركوني مشاعري(u)
أنا صراحه صار لي فتره بالغربه وتوني يايه اجازه والله وكيلكم لا رقادي مثل البشر ولا يومي مثل البشر كله مقلوب :pain:...... المهم عشان اسلي وقتي والاهل كلهم نايمين قلت خل اقلب بهالقنوات ابرد فوادي ما شفت مسلسلات رمضان وطبعا فيني فقر ما شايفه خير افر من قناه لقناه وما اثبت على شي ..... وفي وحده من هالتفرفيرات طحت على قناة روتانا وابا اقلب الا شفت شريط فيه مثل التهاني يمشي تحت قلت شالسالفه يمكن العيد الوطني مال دوله خل اشوف وش كاتبين ترا انا احب هالسوالف..... وش شفت عاد..... صدمة عمري:eek2: ..... مسجات من فلان لحبيبته فلانه وشات ما بين علان وعلانه ..... شات تلفزيوني رقم واحد... والله اني تخبلت وقمت اضحك قلت شوف قلة العقل والله ما عندهم شغل... لين هنا مع اني مصدومه من هالتطور اللي وصلوله قنواتنا بس بعدني كنت بخير ما وصلت الازمه القلبيه:D2
شوي واشوف عباره الله يكرم ويحشم كل مسلم انه يقراها من وحده.... والله قمت اعرك عيوني قلت الله ياخذ العدسات خلاص بسوي ليزر شو ها:pain:.... شوي الا العباره تنعاد وعليها رد اوصخ.... والله يا ناس اني انصدمت قلت الحين بيقطعوا هالشريط ..... وانا اتريا واتريا وهم خبر خير عادي.... صار السالفه فيها ترقيم وكلام اوصخ من الوصخ وسب من واحد لبنات شعب ثاني ومواعد عيني عينك
يا جماعه سامحوني على اسلوبي بس لاي درجه ممكن توصل قنواتنا..... صح انها قناة اغاني وما المفروض اتوقع منها وعي وارشاد بس بعد هذي قناه صادره من دوله مسلمه اذا ما بنتكلم عن الاغاني وحرمتهن بنتكلم عن الاخلاق
وش اللي جابرهم يسووا هالشي.... زياده فلوس؟ ما اشوف من وراه فلوس ولو من وراه شو يعني من قلة فلوسهم..... هم ما مقصرين ومخربين الدنيا باغانيهم بس لازم يعني يفتحوا لشبابنا باب فساد ثاني....
وين حكوماتنا الخليجيه عن هالقناه شعوب تنهان بكلام اوصخ من الوصخ
وينهم ما يشوفوا ويطالعوا
والشي الثاني شبابنا نفسهم.... ليش يا بناتنا وأولادنا مضحكين الامه عليكم.... كل الكلام الوصخ كان صادر من خليجيين.... ليش تييبوا لروحكم الكلام ولاهلكم وناسكم..... طبعا سامحوني انا ما اعمم انا وحده منكم بس قلبي يعورني.. وين مؤسساتنا الاعلاميه والرقابيه وين الصحافه من هالشي اللي يصير.... ما اظنهم اذا مسكوا هالشي راح يذبحوهم

مره ثانيه سامحوني افكاري ما مرتبه.... بس من اللي شفته والله
وما ادري اذا هالموضوع انطرح من قبل واعذروني واتريا تعليقاتكم

اختكم الريم
ا
:D2

لا تستغربي

من شي

في هالزمن كل شي صار علني

الناس اول كانت تستحي

وتسوي فضايحها بدون لا أحد يدري

ما يدري إلا رب العباد اما العباد

فيا غافل لك الله

الحين العالم سارت ما تستحي لا من العباد ولا من رب العباد

بس على فكره اي رقم ما يجي على التشات

يجي استفهام

وتوقعي كل شي الحين يعني خلاص كل شي صار إيزي


تحياتي

الســـــــــاهـــــــر
ع
لا حول ولا قوة الا بالله

الله يستر من الجاي
ا
أخوي الساهر معك حق بس احنا عندنا مؤسسات والتلفزيون عليه حقوق علامهم لما التلفزيون الفرنسي سوى سواته هذيك الايام قلبوا عليه وسووله مقاطعه

وبالنسبه للارقام ترا انا بعد استغربت اول شي وهي تقووله بحط لك كل رقم في مسج وبعدين عرفت انه الارقام ما تطلع بس تعرف شو كانت الحيله؟ بتكتب له رقم بالحروف في كل مسج :D2 طلعت اشطر مني ومنك

اختي عنادي ما اقول الا الله يستر من الياي..... اغلاطهم وندري وايد بس اذا العيب دق باب مؤسسات هالشكل ومحد تكلم شو باقي بعد... عز الله خربت

ومشكورين
ف
قناة سخيفه مثل تفكير صاحبها :down:
ا
بسم الله الرحمن الرحيم


اولا اشكرك يا اخت الريم على غيرتك على الامة وشبابها


ثانيا لا حياة لمن تنادي هذولا ناس مات كل شئ فيهم وانا اقصد من يديرون هذه القناة الماجنة ولا تخافين على الشباب ان شاءالله ذنبهم في ذمة اصحاب هذه القنوات الفاجرة وربي بيعذبهم بذنوب من يتبعهم من الناس كلهم ويجب علينا انكار المنكر حتى لو جاء من اولادنا ولا نبالي
اتمنى من الله لشبابنا الهداية من الله وكذلك شيابنا لانهم البلا على المسلمين

والله حسيبنا ونعم الوكيل

اختك في الله افلاجيه
م
اختى الغالي
جزاكى الله خير
انا كنت هكتب فى الموضوع دة
هما وصلو للدرجه دى
حسبى الله ونعم الوكيل
وتقبلى تحياتى
ا
مشكورين على ردودكم اللي بردت خاطري ترا للحين قلبي شاب نار بسبتهم :D2
تصدقوا بالله كنت خايفه حد يطلع ويقولي عادي هذا التطور:down:
يعني بعد اللي شفته كل شي يستوي
وعلى قولة الاخت افلاجيه ذنب هالشباب في رقاب اللي ماسكين القناه بس يا ناس انا اللي غامني ومحيرني مش اللي ماسكين القناه ترا هذيلا لا حرج عليهم لانهم بايعينها من اول..... أنا مثل ما قلتلكم أول مستغربه من هالمؤسسات اللي عندنا سواء اعلاميه او رقابيه او تربويه وينهم حد ينطق حد يقول حد يتكلم...... يا زين هل البحرين لما احتجوا على وجود نانسي عجرم يا ريت مثل هالشي يصير على هالقناه خصوصا انها تمس شعوبنا مباشره

وتسلمولي
ش
[QUOTE]كاتب الرسالة الأصلية : الســــاهـــر
[B]:D2

لا تستغربي

من شي

في هالزمن كل شي صار علني

الناس اول كانت تستحي

وتسوي فضايحها بدون لا أحد يدري

ما يدري إلا رب العباد اما العباد

فيا غافل لك الله

الحين العالم سارت ما تستحي لا من العباد ولا من رب العباد

بس على فكره اي رقم ما يجي على التشات

يجي استفهام

وتوقعي كل شي الحين يعني خلاص كل شي صار إيزي
ع
السلام عليكم ورحمة الله وبركاته
اختي الريم ه
بسم الله على قلبك
ياختي والله اشياء كثيره في ها الدنيا
تعجب والواحد يستغرب اشلون تصير في زمانا
هذا وهم ماهامهم الا التطور اى تطور وينا ويين ها العالم
لا ونبي بعد هذا كل الدول والشعوب تحترمنا كا مسلمين وعرب
لا اذا تبين تتعبين نفسيا زود شوفي المسخره على حق وحقيق
قل ايش على الهوا سوا
شوفي بعينك وبعدين قولى لى رايك في ها القناة السخييييييييفة
وفكرتها الا معقوله.
وهل يعقل ان الا ستخفاف وصل الى ها المستوى الا اخلاقي !!!!!

تحياتي
s
:down::down::down: we hal ashaya' ga3ed itzeed akthar we akthar..ra7 it9eer fee kil makan we tentisher akthar..le'anhum ra7 ye6ab8oun hal sokhafa'
ا
هلابج اختي عروسه.......... آآآآآآآخ بس من عالهوا سوا.... هذا عاد شفت دعايته وانا بامريكا وكانوا معي ربيعاتي من كم دوله من دول الخليج والله انا يلسنا مذهولين.... عاد احنا شايفين نسخه البرنامج الامريكي وما كنا مستوعبين كيف بيسووه العرب وتبي الصدق للحين ما مستوعبه.... الله يخرب عليهم ان شاءالله.... ويرجعهم مليون سنه ورا اذا هذا هو تطورهم

أنا بس لي نقطه حبيت انها توضح.... احنا بالخليج لنا خصوصيه معينه تخلينا ما يقدر اي شخص من دوله يمس دوله ثانيه لاننا نتعامل كدوله وحده طيب اذا ما هامهم الانحدار الاخلاقي اللي وصلتله المحطه عالاقل يهمهم السب اللي تنسب فيه شعوبهم..... يعني يحس واحد من هالمسؤولين على دمه ويرفع سماعه تلفونه ويهدد ويقول احنا ما نرضى بالسماح لاشخاص معينين بالمساس بشعبنا الكريم :smile: ولا فالحين بس في اتفاقيات السلام

صدقوني يا جماعه ترا القضيه فيها محاور اكثر وعميقه اكثر مما صورتها انا يمكن تسرعي وتأثر خلاني ما اغطيهم فودي اسمع منكم.....

ومشكورين اخواني الباقين على ردودكم
م
الاخت الريم 5

كلامك مظبوط جدا وانا كان لي نفس الملاحظه بالنسبة للمسجات التي تكتب على الشريط الاسفل في قناة روتانا وغيرها

ولكن لاتنسي سيدتي ان صاحب قناة روتانا[CENTER]........وجميعنا نعرفه وهو اولى شخص ان يمنع هذه الخرابيط
ا
السلام عليكم ورحمة الله وبركاته

صدق انه هالشى يحزن
مشكوره اختى لطرح الموضوع

مع الاسف صدق
صار كل شى عادى
الله يستر علينا

علىفكره ما بس هالقنوات الى ذكرتوها الى فيها هالشى فى قنوات غير وااايد

انا بعد احيانا اقلب فى هالقنوات و اقول ياربى وين عقول البنات و الشباب
يعنى ما فى شى اهم من هالاشياء يفكورا فيها

و وقتهم لهدرجه رخيص و ما عارفين شو يسوا فيه

و ناسين انه فوق كل شى الله يشوفهم و بيحاسبهم على كل شى

واختم كلامى
و اقول

اللهم اهدى شباب المسلمين (البنات و الاولاد)
و اهدى القائمين على هذى القنوات
واهدى الجميع يارب
ت
v
ت
للاسف عزيزتي الريم الحال صار من سئ الى اسوأ والشباب العربي من انحدار الى انحدار .. وصار تفكيرهم سطحي بشكل عجيب ..

انا الووووووووووووووووم الاهل بصفة اولىىىىىىىىىى

والوووووووووووووم الاعلااااااااااااااااااااام بصفة ثانية

عن هبوط مستوى الاخلاق في الشباب والانحدار في القيم والمبادئ وعدم التمسك بالدين الاسلامي ...

اشكرك اختي حتى ترى انا فيني قهر من اللي صااير ...

الله يعييييييين

تحياااااااااتي

تووووووووووووتة


سوري ما اتنسخ ردي قبل
ت
:cool2::cool2:

:cool2::cool2:

تطور ونكوص =امه ضحكت من جهلها الامم...


بس للصراااحه

اذا شفت ثنين يكلمون بعض بشاااات ال ...T.V

اتاابعهم للاخر

في فضووول

وادري ماااذابحني الا فضولي


:D2:D2:D2
H
[SIZE=4]كلامك مزبوط اختي انا لاحظت سخافة العبارات المكتوبة كمان



لاحول ولا قوة الا بالله[/SIZE]
س
من يوم ماتهاون الناس في الأشياء البسيطة من أنكار المنكر والسكوت عن الحق وتولانا حنا ...................في تلفزيوناتنا المحلية والسماح لهم بالدلع والتعري والتغنج على شاشاتنا حتى في الشهر الكريم وحنا ساكتين ..................ولاننكر ومسؤلينا فرحانين بها التقدم والتحضر وأغلب هاالمذيعات طايح حظها في ديرتها وعندنا تنرز ويقوم حظها ...
وبعدين تلومون القنوات الي ماهما الا الربح التجاري وجذب الشباب والتنافس في عرض الاسفاف والأنحطاط في قنواتها..........اللة يحفظنا ويهدى شباب المسلمين .

ونصيحتي لكم عودوا عيالكم على أنكار المنكر ولو كان بسيط .

تقبلوا مشاركتي في ها الموضوع الهادف


:up:
s
:down:
X