ارجوكم تعطوني حل اول مره اطلبكم لا تبخلون علي بخبرتكم

السلام عليكم ورحمة الله وبركاته
مادري كيف ابتد او شلون ابتدي ولا الموضو يفرح ولا يبكي :confused::confused::confused:
المهم راح ادخل على طول واحكي كل شي وانتو عطوني رايكم هي يمكن تقولون انها مش مشكله وان حلها واضح بس مادر المهم

طبعا انا كنت مخطوبه من قبل وانفصلت من سنتين تغريبا هذا الكلام ومن عقبها ما تقدم لي حد الا يمكن واحد او ثنين اللي تكلمو عني بس مافي شي رسمي وينتهي الموضوع مثل ما بدى المهم امي ما كانت تكلم بس هذي الايام الاخيره كانت دايم تقول ليه محد يتقدم لبنتي وليش وليش معني الحمد الله سمعتي ممتازه وشكلي الحمد الله جميله بشهادة الكل الحمد الله يعني الصراحه ما علي قصور مثل ما يقولون وانا حز في نفسي هالشي معني ما كنت افكر فيه المهم امس كانت ضايقه بي الدنيا من التفكير فقمت قسمت سورة البقره على ست ركعات كل ركعه قريت منها شوي ودعيت من كل قلبي وانا ساجده وبعد الصلاه ان الله يرزقني بالرجل الصالح اللي يعوضني ويسعدني وكان اكثر دعائي بعد (ياحي ياغيوم برحمتك استغيث اصلح لي شأني كله ولا تكلني الى نفسي طرفة عين)كنت اكرر هذا الدعاء وايد والصراحه ارتحت راحه غير طبيعيه عقب ما خلصت ونمت نومه مريحه حتاى اني صحيت نشيطه ومزاجي رايق المهم بعد المغرب رن التلفون وشلته امي اوكي وتدرون من كانت وحده تعرفنا من زماااااااااان وتبي تخطب لولدها وعلى طول تذكرتني المهم امي كانت طايره من الفرح وانا ما كنت متوقعه جات امي وقالت لي عنه وانه يعرفونه وابوي يعرفه بس تدرون اشصار عقب انقبض قلبي وياني شعور غريب ودي ابكي لي بكره مدري ليش وعقب قلت لمي اني مابيه وبكيت :confused:من قلب امي ستغربت وانا نفسي مستغربه ليش معني قبلها بليله انا طلبت من ربي بس مادري شصادني مابيه مابيه وامي وابوي مقتنعيني فيه وامي قالت لهله يجون لنا وانا مدري شسوي احس ان جو هله ببكي قدامهم :confused::confused: قالت لي امي ذكري الله واقري القرآن بتهدين رحت وقريت ومافي فايده لي الحين نفس الشعور احس اني بموت مابي اتزوج انا اكتب لكم الحين وانا ابكيييي ماعرف اقول لمن صدري ضايق ضايق حيل وامي مب مقتنعه بكلامي وقالت لهم يجون مادري شسوي يبنات لحقو علي قولو لي شسوي شلون اقنع امي اني مابي اتزوجه وانا مابيه ساعدوني تكفون لحد يبخل علي برايه انا في امس الحاجه لكلامكن وخبرتكن الحين :confused::confused::confused::confused::confused:
انتظر ردودكم
:o