عروس وزواجي بينهار

السلام عليكم
انا عروس متزوجة من شعرين ومن اول زواجي وانا حاسة بالظلم والقهر وصعبانة علي نفسي
زوجي بيتاثر بمشاكل اصحابه والي مرته بتخونه ع النت حرم علي انا النت قال لي الاحتياط واجب
والي مرته شاكك انها ولدت مع غيره مرة لما حكالي قصتهم حلم اني بخونه وقاطعني وصار ينام في الصاله وما يطلع في وجهي ويتحاهلني
النت ممنوع بشبك بس لو رحت زيارة عند اهلي او اهله -- ولما بنكون عند اهله مش كتير يعني لانهم بيكونو معايا ومش من الادب اني افضل ماسكة الموبايل قدامهم وحتى لو كل واحد فيهم راح مكان هو يجي يقعد معاي واحنا عند اهله يفتح نت ولو انا فتحت كل دقيقة ينط لي ويقلي بتعملي ايه
كان دايما عندي واتساب بحكي فيه معاه ومع اخته وصديقتين الي كل وحدة من بلد مختلف ومؤخرا بقيت بكلم فيه ابي واختي اشتركو عشان يطمنو علي ويونسوني مرات بما اني بفضل من الصبح لعشرة بالليل لحالي -- ما بيشحن لي رصيد بيقلي لو اهلك بدهم ياكي يحكو معاك هما قلت له لو انا صار معي شي ضروري وبدي احكي معك قلي انا اتصل بيك كل شوي مع العلم انه مااااااااا بيتصل بعدين قلي خلاص ماراح اشحن لك واتس وشحنت انا لحالي مرتين لما كنت في بيت اهلي ومرة كنت في بيتي قلت لاختي تشحن لي باني ما بطلع من البيت وهلا لما قلت له الرصيد خلص طنش لانه اصلا قلي الغي الواتس وحتى الموبايل بده ياخده مني مع انه مو هو الي اشترالي ياه .. بعدين لما عرفت من الدكتورة اني ما بقدر خلف اهلي زعلو وخافو علي كتير فابي بيتصل فيني الصبح بعد ما زوجي يروح الشغل وامي بتتصل العصر او المغرب المهم قبل ما يجي ومرة كنت ناسية الموبايل صامت وما شفت اتصالاتها وهي قلقلت واتصلت كتير بعدين لما شفتهم ما عندي رصيد حاكيها استنيته لما اجا وطلبت منه احكي معها قلي قوليلها تقلل اتصالات وهو مو اول مرة يقلي هيك مع انها ما بتتصل يوميا انا بحب اهلي كتير واتزوجت في بلدي بس مشان ضل قريبة منهم خصوصا في وضعي هاد
كل هاد ممكن اتغاضى عنه ولا كانه موجود
هو زوجي بيجيب اصحابه وانا في البيت وبيسهرو هما ملتزمين بس انا ما باخد راحتي هيك مرة او مرتين في الاسبوع وضل اطبخ ل 17 شخص او اكتر وبيضلو للساعة وحدة بالليل وباقي الاسبوع بيطلع معاهم ومرات يروحو برة المدينة ومرة واحنا لسة عرسان في رابع يوم النا اجا صاحبه بات معنا في البيت وشو هو بده في نفس الوقت حقه الشرعي ويضحك ويلعب وصاحبه برا
وكل مرة يقاطعني في الحكي عندك يومين او ثلاث اسبوعيا ولا حتى يطلع في وجهي ولما يحب ياخد حقه الشرعي يصالحني يقضي حاجته بسرعة ويطلع ولا كاني بحس زي مكون اله يعني ما بستمتع ولا بياخد خاطري ويصالحني قبل دايما هيك ودايما دموعي ع خدي بس مو قدامه ابدا
انا الحمد لله حلوة واحلى منه بكتير وهو ممكن ما تطلعي بوشه لانه ابدا مو حلو وانا ما بحسسه
بهالشي بالعكس دايما اتغزل فيه واتزين له والبس احلى لبس وممكن اخد من اهلي واشتري اغلى واحلى شي وهو ما بيعجبه العجب ودايما ينتقد فيني شغلات مثلا انا وجهي نظر مافي حبوب وقد الدورة طلعت لي حبة فصار يتمسخر ويتريق دااايما حتى لما راحت ضل اثر شوي كل مرة يعلق مع انها ما بتبين غير بعد التدقييييق كتير وشغلات كتير بيعلق عليها مع انها عادية او ممكن تكون عند ناس تانية اسوء
اول زواجنا صار عندي انتفاخ ونزيف مكان الحرث ورحت عند الدكتورة وقالت لي ما يقرب عليك وعطتني دوا باخده اربع ايام هو ما قدر يصبر اربع ايام زعل وصار ينام في الصالة لما سألته ليش قلي انا حاسس اني مو متزوج وانتي مو زي النسوان وووو مع العلم انه انا يلي لازم اتذمر لانه سبب لي في هالحال بطريقته الهمجية صرت ما بنام ولا بقدر اجلس ولا امشي من الالم ودم وحرقان ونفخة كتير تركته ورحت وما علقت ع كلامه هو كان يسمع اصحابه بيحكو انه الجماع بيكون خمس ست مرات في اليوم غير الليل فطبق هالشي لحد ما هدني ومرضني ومش عاجبه وكل ما سمع شي من اصحابه بده يطبقه مع العلم انهم ملتزمين ما بعرف كيف بيحكو في هيك مواضيع واكتر لولا الحياء كنت قلتها حتى واحد فيهم متزوج 3 ومرة جامع زوجته في المسجد وشغلات كتير ما بتنقال وزوجي حتى وقت العادة الشهرية بيتذمر مع اني بكون متشيكة وريحتي حلوة
المهم بعدين في اكله كل ما اكلتها بمرض بالقولون فصار لي سنين ما باكلها وهو واهله عارفين هالشي فمرة عزموني عليها وقلت له اعتذر قلي لا روحي وكليها ورحت قلت الله بيحفظني واكلتها ومرضت بالقولون وصرت ما بنام من المه في بطني وظهري ورحت عند الدكتورة عطتني دواء وقالت لي عندك مشكل اكبر من القولون قالت ممكن ما اجيب ولاد عندي مشكل كبير ولازمه علاج طويل
انا ما فكرت في حالي وقديش بحب الاطفال ونفسي اكون ام اول شي فكرت في زوجي بس الكل حكولي لا تقوليله الحقيقة بس انا قلت له الحقيقة لانه هاد الواجب شرعا واساني شوي لاني كنت منهارة وعم ابكي وراح قلب وجهه وقاطعني ولما سألته قال ولا شي وبالصدفة حكى مع اخته وقال لها انا نفرتها وعفتها وبحسها مو بنت ومو طايق ارجع ع هالبيت انا خلاص الارض دارت بيا وقلت مستحيل اضل مع حد مو طايقني وفضل هيك ما بيطلع في وجهي ورحت حكيت معاه وهو بيحكي ما بيطلع فيني ومستلقي ورجل ع رجل وانا راسي في الارض من خيبة الامل قلت له ليش هيك قلي انتي ما بتحكي معي ولا بتتزينياي قلت له هالملام ممكن تحكيه لحد غريب بس انا وانت بنعرف البير وغطاه قلي خلاص اسكتي انتي اصلا مو بنت قلت له ولا شو قلي هيك بحس حالي مو متزوج بنت ولا انثى انا صرت بقرل في بالي لو انا مو انثى مين الانثى والله ما بقصر دايما كاني رايحة ملهى ليلي من زينة ومكياج وهاد طلبه ونفذته ولما بكون بحكي على قد حكيه بيقلي ما بتحكي ولما بحكي وافتح مواضيع بيسكتني
قلت له بعرف انه حكي الدكتورة اثر عليك بس لو بدك تتزوج ماراح امنعك قلي خلاص نا عندي امكانية ولما يصير امكانية ماراح استأذنك
وقلت له بدي شوف اهلي وارجع العادة كل 15 يوم بروح عندهم وصار لي شهر ما رحت قلي لا مافي طلعة وهو طلع وقعدت افكر شو اعمل اخته حكت معي وعملت حالها ما بتعرف شي فحكيت لها شو صار قالت لي اصبري وزعلت وقالت لي بحكي معاه
بعدين امي حكت معي وكان صوتي مخنوق على فكرة من اول زواجي وانا في المشاكل عمري ما قلت لها شي بس هالمرة حكيت لها انه اتغير معي واني بدي ارجع ع بيت لبي. ولميت اغراضي وحطيتهم قلت بخلي ابي ياخدهم واما زوجي يجي بنخرج باتفاق وهو اصلا رح ينبسط لانه رح يتخلص من عاقر ويجيب انثى تجدد حياته وتجيب له اولاد
ضل برا من الصبح لاثنين بالليل لما صارت الساعة 10 كل مرة ببعت له رسالة اطمن عليه وقمت قلت بحالول اخر محاولة قمت لبست وتزينت كاني عروس وقعدت استناه اجا قضى غرضه دار ظهره ونام وهيك صارت حياتي قلت بلا طلاق بس شنطي لهلا ملمومين نصهم تقريبا
اه ومفتاح البيت عند اهله وما علقت لما بطلع ممكن تجي امه او اخوه واغراضي الشخصية ممكن يشوفوها
وفي اخ اله بيتعمد يشوفني من غير نقاب لما بنكون عند اهله دايما يجي يدخل الغرفة يلي انا فيها كل مرة بطريقة مع انهم بيسكروها هو يخليهم لما يلتهو ويخل علي يشوف وطلع انا بمون لابسة طرحة طويلة وبسرعة برميها ع وجهي هو اكبرهم ومتزوج ومخلف
هلا امه راجعة من السفر ولسة رح تعرف اني ما بقدر خلف مع انها كانت دايما تقول له لا تجيب منها عيال هلا استنى سنتين آه الحمد لله على كل حال ،،، مع انها قدام الناس تستغل الفرصة كل الاهل مجموعين وبيكون في اغراب وتقول انا بعمل كذا وكذا عشان مرة ابني تخلف لانها مو عاملة موانع وما خلفت يا عيني متأخرة ،، ولما ولدك وحدة من العيلة صارت تقول لي ااااخ عقبالييك بطراقة ابدا مو حلوة وتضحك ولما مرت من جنبي بنت ربيبها حامل ضلت حماتي تشوف فيني اذا بطلع ع البنت الحامل وكل هاد وهي ما بدها خلف ولا بتعرف انه عندي مشكلة ،، بكرا لما تعرف الله العالم شو بتعمل فيني قدام العالم ،،،في شغلات كتير بس اختصرت على فكرة حتى لما بينام في الصالة بلبس واتزين واروح اصالحه اما يطنش اما يسمعني كلام زي السم وينام وممكن انام في الصاله معاه يذلني اكتر ويطنش اكتر،،، على فكرك انا عندي امل كتير كبير انه ممكن احمل مع انه هلا ماعاد بدي اجيب اولاد لحتى احس بالاستقرار ،، متأكدة انه ربي ماراح يخيبني وراح يرضيني ويجزيني على صبري وزوجي عمال يحطم فيني يقلي مافي امل يكبر والدكتورة بتعرف واكيد عندها خبرة وهالكلام مو من فراغ بس بعدين صار يقلي ممكن الله قادر ع كل شي بس يرجع ويقول مافي احتمال تتعالجي وماراح طلقك لما اتزوج ،، على فكرة لما بتغزل فيه بيقعد يضحك علي ،، حتى مرة قلي انتي بتحكي متل الرجال بما معناه انه الغزل امتياز الرجال والمرأة لا ،، بس لما ما بحكي بيقلي انتي مو زي النسوان
هو من النوع الي لما يحس بالنقص يحب يحسسني انا بالنقص مع اني ما بحسسه بهالشي وما بحب احرجه في رجولته وهو بياخد منشطات وادوية وبعمل حالي مش فاهمة كل ما تجيه فرصة يقلي يا بشعة ولا شوفي نفسك في المراية امبارح ضحكت وقلت والله دايما بشوف حالي في المراية وبعرف كيف انا قلي لا هي مراية بتبين الواحد حلو مع الاضاءة وهيك لو شفتي حالك في مراية عادية واضاءة مش كويسة بتكون هي الحقيقة وبعدين المراية والواقع شي قلت له شو الواقع قلي انك مو حلوة فسكتت خفت ارد عليه يصير شي مو منيح هلا لو اي وحدة ممكن تحكيلي هالشي مع زوجها بقول ممكن شايفة حالها عليه او شي بس والله وبالله مافي هيك شي ابدا وبحس انه زواجي صار وقته معدود اصلا هاد شي بالنسبة اله بيتوقف ع حكي الدكتورة
مرات نادرة جدا بيحاول يحكي معي منيح بس بحس انه مو من قلبه خصوصا لما سمعت شو حكى عني لاخته وانه ما بيطيقني