اطفال انابيب في البحرين

ش

شوشو بحرين

عروس جديدة

19-10-2014 | 10:32 AM

مرحبا جميعا حبيباتي اخباركم

بغيت استفسر من كل وحده عملت اطفال انابييب في البحرين

ولو ما عليها امر تشرح لنا بالتفصيل من بداية علاجها لاطفال الانابيب

وطريقة السحب والترجعيع

وبخصوص ابر العضل ؟؟

وباكون شاكره لكم جميعا :-^

L

Lady_bird18

عروس متألقة

22-10-2014 | 03:44 PM

مرحبا اختي... كان خاطري أفيدج بس لين الحين ما سويتها...
اذا ربنا ماكتب لي هالسنه بالحمل... افكر اسويها السنه اليايه ان شاءالله
أنا جيكت الاسعار في كذا مستشفى... التخصصي والعسكري والجوهره... على الاغلب بسويها في العسكري.. عندهم خبره.. وصراحه سعرهم زين
انا جربت التلقيح مرتين في التخصصي وربنا ما كتب...
كل اللي اعرفه انه في يوم معين من الدورة بيبدون يعطونج ابر تنشط المبايض... وعدد الابر يعتمد على استجابتج ...
وفي يوم معين بيخدرونج وبيبدون يحصدون البويضات... وطبعا ريلج بيكون عاطي عينه... وقبل ما تبدين علاج اصلا لازم ريلج يعطي عينة عشان تكون عندهم فكرة
عن العدد والحركة ووووو.... المهم وعقب ما يعطي العينة ويسحبون البويضات يلقحونهم بطريقتهم... وعقب كمن يوم يرجعون الاجنة بدون تخدير... شي بسيط يعني
عدد الاجنه المرجعه يعتمد على الكواليتي مالهم... انا دكتورتي قالت يفضل 2 يرجعون مب ازيد... وعقب اسبوعين تطلع نتيجه التحليل سواء حامل او لا...
هذا كل اللي اعرفه فديتج...

انتي كمن سنه صارلج وما حملتي... وجربتي علاجات ثانية والا؟

ش

شوشو بحرين

عروس جديدة

25-10-2014 | 11:15 AM

يعطيج العافيه اختي وماقصرتي على الرد

انه صار لي 4 سنوات بس لحد الحين مترددة وافكر اسويها او لا

L

Lady_bird18

عروس متألقة

25-10-2014 | 02:36 PM

هلا اختي... الله يرزقج ويرزقني وكل اللي في خاطرها يارب...
أنا قريب بعد بكمل ال4 سنين مثلج... أنا جربت 6 شهور كلوميد... وعقب 6 شهور دوا اسمه فيمارا...
وسويت عقب تلقيح مرتين.. بس فشلو.. سويتهم في التخصصي... وتقريبا تكلفة التلقيح الواحد ب500 دينار ويا الادوية (انا وزوجي سليمين)
بس ما نجح... أصلا نسبة نجاحه بسيطة 15 أو 20 %... بس في ناس ضبط وياها من أول مرة...
الانابيب فرصة نجاحه ممكن توصل 40%... بس عيبه انه اغلي ووايد فيه ابر تنشيط...
في العسكري.. ان ذبح روحه يوصل 1500 دينار... وفي التخصصي 2300 دينار...
اذا ما جربتي التلقيح من قبل جربيه.. لأنه الغالب الدكاتره يبدون بالادوية... ان ما فادو.. التلقيح... وعقب الانابيب
أنا حاليا ماخذه بريك من العلاجات لين السنه اليايه (فترة نقاهه)... واذا ربنا ماكتب لي هالسنه احمل طبيعي.. ناويه
أسوي الانابيب عالسنه اليايه...لأنه الموضوع يباله نفسيه.. والواحد يكون مستعد...

انتي فكري وابحثي واستخيري... والله يكتبلنا جميعا اللي فيه الخير يارب

غ

غلاآ البحرين

عروس رائعة

02-11-2014 | 09:51 AM

السلام عليكم اختي شوشو

انا مرت اخوي سوت انابيب بالعسكري و الحمد الله ربي رزقها ببنوته
و الدكتورة اسمها هدى اذا ماخاب ظني
بس الي اعرفه انه كل أسبوع كانت تأخذ ابر تثبيت و ولدت في الشهر السابع لكن الحمد الله البيبي سليمة و ولدتها طبيعي و يومين و رخصوها
بس بالنسبه حق السعر يختلف اذا كان ريلج عسكري او لا
تقريبا قولي 1500 مثل ماقالت اختي الي قبل

و الله يرزقج و يرزقني وياج بذريه صالحه ياااااااارب

ش

شوشو بحرين

عروس جديدة

05-11-2014 | 10:09 AM

يعطيج العافيه اختي غلا على الرد

الله يرزقني ويرزق كل من يتنمى بالذرية الصالحة