تعــــــالي معي وشوفي كيف صرت حريفـــــــــه وضع مكياج <<<<<<

تسلمين أختي سلطانه على هذا الشرح الرائع
الله يعطيك العفيه:smile:

شكرا يالغاليه

انا اشتريت كحل متماسك للعين اللي ينحط عليه ماء وارسم العين فيه

من ماركة ميك اب فور ايفر اتمنى تكوني عرفتيه اللي علبته مثل الظل
هل ينفع اني احطه غلى كامل الجفن المتحرك كظل اسود وعند الخط الفاصل اضع لون احمر او فوشيا

مارايك هل عندك طريقه لاستخدامه؟؟

وهل تنصحيني بمثبت للمكياج بخاخ جديد من ماركة ميك اب فور ايفر سعره 58ريال

حبيبتي سلطانه الف شكر على الاجابه السريعه

وعندي سؤال يالغاليه .....

لما ابدأ بوضع الميك أب وبعد الأساس يعجبني منظره بلمعه اكثر من وضع البودره فيصبح جافا ... بلا لمعه

هل استطيع اكمال الميك اب دون بودره ؟؟

وسؤال مهم حول الضل الامع وهو الكلين السائب .. كيف اثبته على جفن العين ... اتوقع لو ثبته بماده كريميه بينحاس على بعضه ومره شفت بالستالايت ميك اب ليمنى شري كل الشدو كلين ... ممكن تعلميني اذا تعرفيني ؟؟؟

ولا عدمناك ..

ياعســـل ......!!!!!

اختي الغالية سلطـــــــــانه
اشكرك من كل اعماق قلبي على المجهودات
التي تبذليها من اجلنا .. فبارك الله فيك
ووفقك الى ما فيه الخير دائما ..

تحياتي
لبنى

احب ان اشكرك اختى على هذة المعلومات الرائعه التى لا تقدر بثمن

عندى كم سؤال

وش رايك بكريم الاضاءة من جفنشى وكيف طريقه استعماله بالتفصيل

وهل استطيع ان استعمل من نفس الماركه كريم الاساس والبودرة فى
المناسبات

بشرتى مختلطه الانف والدقن دهنى والخدود والجبين جافه

:cool2:

السلام عليكم ورحمة الله وبركاته
اختي سلطانة احب اشكرك على المجهود المبذول في هذا الموضوع الرائع واللي استفدت منه الكثير:clap: :clap:
وحبيت اسالك عن الكونسيلر
انا رحت اشتريت من ميك اب فور ايفر و حصلتة كريمي مع انك ذكرتي طريقة استخدامة انها تكون عن طريق (الطبطبة )وشلون يكون وهو كريمي
:shy::shy:

يعطيك العافيه يالغاليه

تسلمين على الموضوع الحلو

اتمنى لك التوفيق

مرحبــــــــا::


اختي زهرة الشرقية ::

البودرهـ كذا نوع فيه السائبه ** الحـــــرهـ Loose powder ** تستخدم

بعد الاساس

وهذي صورتهـــــــا

وفيه المضغوطه **compact Powder ** وهي الاكثر استخدام بينهم

وتوضع بعد الاساس ايضاا

وهذي صورهـ لها



والاخيرهـ وهي المائيه وتستخدم بإضافة الماء علي الاسفنجه ..

واستخدامها اكثر شي عملي ..

وصعب اني اقول لك افضل شي بين هذولي شنو لان كل وحدهـ

لها استخدام ...





اتمني افدتك

هلالالالالالالالالالا وغلالالالالالالالا


نسمةبارده ::

انتِ تقصدين الظــــــــل المائي .. ايه يصير تحطينه علي كامل الجفن

وايضا يصير تكحلين العين منه وتستغنين عن الكحل السائل ...


واذا انتِ بتضيفين لون عند الخط الفاصل جربي اللون البردوني او الفوشيا

وابتعدي عن الاحمر الا اذا بتدمجين اللون الاحمـــــــــر بلون بيج

تخففين من حدة اللون شويه وتكونين لون احمر طبيعي ..


اما المثبت اللي قلتي عنه بصراحه ماعندي فكرهـ واذا هو مثبت قوي

اشتريه

تحياتي لكِ

:clap::clap:

السلام عليكم ورحمة الله وبركاته شكراً لك اخي الكريم على هذا الموضوع عندي سؤال أبغي أعرف مانوع الماركات المكياج المستخدمة في المشاغل.؟
:eek2:

إرواء العليل ::

عشان يثبت الكريم لابد انك تحطين البودرهـ واذا تبين اللمعه تبين في

وجهك حطي بودرهـ سائبه تكون فيها لمعه وهنا تضمنين ثبات الكريم

واللمعه موجودهـ فيه ...


اما سؤالك عن الظل عندك كذا طريقه يا إرواء العليل وشوفي اللي تحبينها

وسويها ::

1
بعد ماتخلصين من وضع الشــــــدو وتحديد العين جيبي الفرشه وامليها

بالظل السائب وحطيها في منتصف الجفن المتحرك ولاتسحبين الفرشه

حاولي انك تضغطين عليها بحيث تكون اللمعه في منتصف الجفن فقط ...

مثــــــــــــال :::

نفترض حطيتي اسود يكون الظل السائب ذهبي ...

2
او انك تترسين الجفن المتحرك من الظل السائب ويكون اللون مثلا تركواز

وراح يكون عند الخط الفاصل لون مخالف مثلا حطيه بنفسجي ..


وهذا كله بعد ماتحددين عضمة الحاجب بلون مختلف ** ابيض **


المهم يا ارواء العليل ترتبين خطواتك عشان يظل الشدو تمام

ومن ناحية تثبيته بماده كريميه شوفي ممكن تحطين علي الجفن شوية

كريم اساس وتبدين خطواتك او انك تحطين gloos شفاف علي منطقة

العين وتبدين خطواتك تمام بس اهم شي تنظيم شغلك وان شالله

ماينحاس ... جربيها وخبريني ..


هذا من ماركة برجــــــــــــــواز وحطيت الصوره عشان تاخذون فكرهـ






تحياتي لكِ

السلام عليكم ورحمة الله وبركاته

ام هادي بالنسبه لكريمـ جفنشي ماعندي خلفيه عنه ...

ومافيها شي اذا شريتي البودرهـ من نفس ماركة الكريمـ او شريتها من

ماركه ثانيه اهم شي التقارب في درجة الاثنين ...

:smile::smile::smile:

شكراً على الافكار الحلوة

السلام عليكم ورحمة الله وبركاته

عزيزتي h2004


عمرك شفتي كونسيلر بودرهـ ؟؟!!!!!

الكونسيلر عموما كريمي واستخدامه مثل ماقلت عن طريق الطبطبه

بطرف الاصبع عشان يكون اللون ثابت في هالمنطقه ....

اتمني جاوبت علي سوالك



aug هلالالالالالالا


<=-= الحين هذي صارت اخ ؟؟؟؟؟؟؟؟؟؟؟؟؟؟

وبالنسبه لسوالك ماسويت مسح علي الصوالين عشان اعرف شنو الماركه


اللي بالظبط يستخدمونها بس عموما ماركاتهم موثوق فيها وعالميه



تحياتي للكل

:D2:D2:D2:D2:D2:up:

والله منجد استانست يوم شفت الموضوع

لاكن والله ياخت سلطانه شتاتينا لان الخطوات متباعده ياليت تسردينها ويا .........بعض

على العموم مشكورهوماقصرتي

:shy:

تسلمــــــــــــــــــــــــــــــــــــــــــين

يا الغاليه :clap::clap::clap::clap::clap:

يا بعدي والله

تسلمين يالغاليه

صلاتي على النبي

ردود اول بأول

تحياتي

سلطانه ياعمري يعطيج الف عافيه
انا مشكلتي بالاساس
ابي اساس يومي ويغطي شوي العيوب بس مو ثقيل وايد
ويكون طبيعي ما يتكتل
بشرتي مختلطه وفيها شوي آثار حبوب