تجمع حوامل المتوقع ولادتهم بشهر 6 -2015 .. حيااااكم

عشوووقة

اي كلش يذبح الترجيع احس حتى الياهل بيطلع من بطني ..
الله يعينا بس و يعدي هالفترة ع خير ..

هههه اكيد ب يوحشج لأن صج بعيد الله ييسر ويسهل يارب ..

عن الفراش والتجهيزات للحين ما فكرت بشيء النساة مو مخليتني افكر بشيء وانتي شقررتي ؟؟

همووسة

اييي والله من قلب الله يعين

انا جفت بالانستغرام محل تيني تو فراشاتهم فضيعه ومرتبه
واسعارهم مو رخيصه ولاغاليه بس يعني افضل من غيرهم
عذي اكاونتهم جوفيه tinytoe
وفي بالي مبدئيا اذا ولد الثيم كله ريال مدريد ههههه
واذا بنت مادري للحين ماقررت بس بخاطري شي فيه ورده
بعني قبعة الياهل فيها جذي روزه مركبه ههههه
يمكن اغير رايي بعد مادري

والاسامي قررتوا ولا للحين؟

عشوووقة
اي اعرفه هذا الانستغرام بس للحين ما جفت الاغراض عدل ..
بس أخف شوي بتفحص كل شيء ههههه ..

والإسامي تقريبا اخترنا ..
وانتو اخترتو اسامي لو للحين ؟؟

همسات عشق;16720006:
سوفت دول

أهلا فيج وشرفتينا بالتجمع ..
والله يسهل عليج وتقومين بالسلامة أن شاء الله ..

عشوووقة

إن شاء الله الله يسمع منج ..
اليوم كلش تعبت من الترجيع من امس وأنه مو ماكلة شيء ..
من أكل سيدة ارجع .. واليوم رحت المستشفى وحطو علي غرشتين سيلان ..

حبيبتي اهلا فيك الله يسعدك ويقومنا جميعا بالسلامة يارب <3

جربي اشربي لبن رايب جدا ممتاز للترجيع انا بشربه وبرتاح شوي ، او جيبي بقسماط مالح
وكوليه بريح جدا والله ، الله يخفف عنك عزيزتي :-(

عاشقة أنفاسه;16720119:
سوفت دوول

ههههه لاتحاتين حبيبتي كل شي يهون عشان البيبي
وان شاءالله حتى لو زدنا جم كيلو فترة الحمل اهم شي
يكون البيبي بصحه وعافيه واحنا بعد نكون في مرحلة السليم مش مرحلة الخطر
لاسمح الله،، حاولي ماتكثرين جوكليت وسكريات
احرصي على تناول الفواكه والخضروات والبروتينات
يعني ابحثي دايما عن الاشياء المفيده لج وللبيبي :)
وان شاءالله بعد الولاده حاولي بعد كم شهر تسجلين بنادي رياضي
وابدي خففي أكل عشان يرجع وزنج تمام التمام....


هموووسه

وييي الله يساعدج الترجيع صج يذذذبح
وكأنه الروح بتطلع :'(
انا الله وكيلج اختي الصداع والله مايفارقني
تبرمج لي يبدي معاي من المغرب على الساعه 7 جذي
واحيانا من شدة الالم حتى نوم ماقدر انام
واايد متأذيه من الصداع
كل مره اقول اذا رجع علي الالم بروح المستشفى
ع الاقل يعطوني ابرة او سيلان ع الاقل اهون من الحبوب
لانه بصراحه اخاف من الحبوب والبندول فترة الحمل :(

الله يعييين
متى بس نعدي هالمرحله ههههه

تصدقين همووس واحشني النونوو ههههه كأنه من دهر ماجفته
بس صج اول مره يصير عندي مرعد هالكثر بعيد
الله يصبرني بس هههههههه ويجيبه بالسلامه ويطمني عليه يارب

الا صج قررتي وين تفصلين الفراش وباقي هالسوالف؟
وشنو الثيم ف بالج لو بنيه واذا صبي؟؟؟

الحمد لله والله كده بعمل ويارب ماازيد كثير لانه بصير دراكولا بعدين :oh:
وان شاء الله بعد الولادة انحف باذن الله ..:-(

وربنا يفرحك بالنونو وتشوفيه وتفرحي فيه يارب :plz:

هموسه

ههههه ايي تفحصي عقب
انا والله مو مقصره ف التفرفر بالانستغرام هههههه
اخذت فكره عن محلات المفارش والاسعار والديزاينات كله من الانستغرام
حتى سوالف الضيافه والتوزيعات نفس الشي اخذت فكره
وقررت تقريبا كل شي وين بحجز او بوصي وين

الاسامي اذا ولد ان شاءالله مخططين على اسم علي
واذا بنت للحين مادري هههه انا بخاطري جود وزوجي يبي فدك ههههه
وانتوا شنو الاسامي اللي قررتوا عليها؟


سوفت دوول

لااا تحاتين هههههه مابتصيرين دراكولا ان شاءالله
اللهم امييييييين يارب
ويتمم لج على خير ياررب

ان شاء الله يارب الله يسمع منك عشوقه ، عندي موعد الاسبوع الجاي ان شاء الله
ومتحمسة جدا تطمني الدكتورة ان شاء الله ويارب ييسر ..

عشوووقة
اي زين تسوين خططي من الحين علشان ما تتعبين عقب ..
وين قررتي تسوين للضيافة؟؟

احنا اذا صبي يمكن حسين ..
وإذا بنت نفسكم للحين ما استقرينا ع اسم هههه زينب أو زهراء ..

سوفت دوول

ان شاءالله بتطمنج عليه يارب
انتي بعد طمنينا بعد الموعد شيصير وياج


همووسه

ايي من جذي قلت له لازم اخطط واعرف الميزانيه احسن
الضيافه قررت من ليمون آند شوقر ف الانستقرام بعد
صينية موالح وصينية سويت ترافل وطبعا القهوة والشاي على الوالدة هههه
والتوزيعات اكاونت dandy_design
اسعارها زينه.. باخذ نوتيلا لتوزيعات اليهال والكبار يمكن علبه فيها
حرز الحصن الحصين و غرشة صغيره شبه ويمكن اضيف جوكلت وياهم مو اكيد...

حلااااات الاسامي هموووووس *-*
زوجي البارحه فتحت معاه موضوع اسامي البنات ههههه
قلت له مني اسمين ومنك اسميين ونسوي قرعه
توافق؟؟ قال اوكي بس اليوم يمكن اسوي القرعه
المهم هو يبي فدك او زهراء او فاطِمة
وأنا ساره أو نور او فاطِمة
الغيت جود خلاص هههههه
المهم فبحط ف القرعه فدك و فاطمه وسارة نور
وبنجوف شنو يطلع هههههههه
اسم الصبي اختياره بس احب اسم علي فوافقت دايركت
بس اقوله اسم البنيه لازم من صوبي ههههه

عشوووقة
اي زين احسن انه بعد قلت كل مرة بأخذ شوي أغراض
للضيافة وجي علشان ما ننضغط كل شيء مرة وحدة
انه مفكرة اشتري استكانات طقم كامل مع الفناجين وهالسوالف
و دلال و صواني للأكل مال الضيافة بس للحين ما فكرت شنو بسوي للضيافة بس بسوي من بسكوتو اتوقع أحب شغلهم. .

هههه أي خوش فكرة حق الاسامي علشان محد يزعل ..
والله يقومنا بالسلامة أن شاء الله ..

هموووس

اييي صح احسن شوي شوي نجهز عشان مانضغط روحنا عقب
انا الله يسلمج كنت مفكره ف دلال ايكيا البيضان وبسوي عليهم تصميم استيكر
بنفس ثيم الفراش وهالسوالف وفيهم الاسم وباخذ استكانات وفناجيين
بس عقب امي مسكينه طلعت ماخذه طقم دلال فخميين ماشاءالله وشكلهم حلوو
فقلت يا الله مابكسر بخاطرها تقول ماخذتهم لولادتج مسكينه ههههه
انا فكرت في بسكوتو بعد ان يكون بديل للسويت اللي باخذه من ليمون اند شوقر،، يعني يمكن اخذ منهم بس صينية الموالح والسويت من بسكوتو
صج شغلهم لذيذ بسكوتو بس ماعرف اسعارهم ماعندي فكره عنهم
اذا عندج فكره عن اسعارهم خبريني حبي :)

اليوم السبت دخلت الاسبوع 14 الحمدلله رب العالمين
الله يتمم لنا على خير ياااااارب

عشوووقة
اي زين اخذي الدلال اللي خذتهم امج علشان ما تكسرين خاطرها وتفتكين من تعب شيء ع الاقل هههه ..

بسكوتو حلو وأسعارها بعد حلوة يعني مو غالي ولا رخيص ..
يوم ولادتي بولدي تعاملت وياهم خذيت توزيعات اليهال من اهناك اللي هو كب كيك اللي ف الأعواد ع شكل دب خذيت 40 حبة ب 20 وخذيت عقيلي الكيلو ب 10 دينار وكان وايد لذيذ وعجب الكل .. هو يكون مقطع العقيلي كأن كب كيك بس شكل مستطيل مو دوائر تقريبا 100 قطعة أو ازيد شوي بس لذيذ ويسوى و وديت لهم الصواني من عندي .. بس الحين مادري عن الأسعار اذا نفسها أو تغيرت هع

الحمدلله رب العالمين الله يتمم ع خير ..
إنه باجر يصير لي 10 ويكز ..

السلام عليكم ورحمة الله
كيفكم كروشات ماشالله اخباركم حلوة ويارب يتتم لي ولكم على خير وسلامة
انا من يوم عرفت اني حامل الى يوم الخميس اللي راح حتى رحت الدكتورة
الحمد لله اموري تمام والبيبي كويس ولله الحمد على حساب الايكو اولد ب 7 ستة وعلى حساب الدكتورة اولد 12 ستة هههههه فالله اعلم
ان شالله 7 ديسمبر ادخل الرابع باذن الله
حاليا اخد حمض الفوليك وفيتامين ب
وعالشهر الرابع قالتلي لازم نبدأ بالحديد والكالسيوم ان شالله

يارب رضاك والجنه

اهليييين ياكروشه
وييينج؟؟ دخلتي بداية التجمع وبعدها قطعتينا
منوووره حبيبتي
والحمدلله انج تطمنتي على صحتج وصحة الجنين
والله يقومكم بالسلامه يارب انتي والبيبي

هلا حبيبتي وحشتوني والله ... اختفيت عنكم لان ماكنت اعتمد واروح الدكتورة يعني اول زيارة كانت الخميس وها انا عدت من جديد هههههه
بس كنت اتابعكم واطمن عليكم ربي يطم قلبكم على البيبيات وتشوفوهم بحضنكم بخير وسلامة
صحيح بنات انا ال الان صدري يوجعني وما اقدر اضغط عليه انتو مثلي ؟؟
وايش اخبار الوزن معكم

يارب رضاك والجنة

اهلين فيج بالتجمع نورتينا. .
الله يتمم لج ع خير وتقومين بالسلامة أن شاء الله ..
والله يطمنا ويطمنج ع البيبي ..
وبالنسبة للصدر انه بعد يعورني وما اقدر المسه وقالت لي الدكتورة عادي والشيء يتم لبداية 4 وعقب خلاص ع حسب كلامها يعني ..
وبالنسبة للوزن بما أن للحين معاي الوحام والتعب ف وزني كله نازل الله يستر الأشهر الياية هههههه جان ما انفجر

عشوووقة

وينج مختفية ؟؟
عسى المانع خير ان شاء الله ..
وحشتيني تعودت كل يوم اعرف اخبارج و أسولف وياج

همسات عشق اهلين فيكي حبيبتي تسلميلي اللهم امين ربي يسمع منك
اها حتى انتي مثلي بقصة الصدر الله يعينا ويقوينا وبخصوص الوزن شكله وحامك صعب
انا الحمد لله تجيني لوعة وغثيان بس خفيف الحمد لله مايوصل للمراجعة العفو
انا من يوم عرفت اني حامل الى الان وزني ماعم يتغير الصباح 59 او 60 اذا كنت ماااكلة كويس الزيادة تجي بعد الرابع ههههههه
اما عن بشرة وجههي فكتير وجهي تعبان ومتحسس
ادهنه بيبي لوشن ماحب اخبص بالكريمات مين صارله مثلي

يارب رضاك

اي وايد صعب و حامي الله يعدي هالاشهر ع خير ..
بالنسبة للوجه انه عادي ما تغير وجهي بس كله اصفر و شاحب. .

يارب رضاك والجنه

اهلييين والله
الله يطمنج على البيبي ويطمننا على بيبياتنا يارب
انا الالم الحمدلله واايد احسن ماشاءالله
بس الحلمه متشققه تكسر خاطري :'(
رغم ان احاول احط عليى صدري وبطني كااامل كريم موستيلا للحلمه والبطن عن التمدد، احيانا احس يخف التشقق واحيانا يزيييد
ولاحظت ان ظهرت على الحلمات نقاط صغيره بيضه
اعتقد انها تبع الحليب، يتهيء الصدر وجذي ...
الله يعيييين


هموووووسه

فديييت اللي فقدووني والله
الله يسلمج انا قلت لج من حملت كله صداع له
البارحه زاد عليي وصج تعبببببت
اخذت بندول حبه وحده العادي مال المستشفى
ونفس الشي رغم ان من حملت اول مره اخذ بندول
المهم يأست،، كلمت زوجي يوديني المستشفى
وبعد ما امدحوا لي خواتي ومرت اخوي عن طوارىء السلمانيه للحوامل
تشجعت ارووح لهم،، ورحت الساعه 12 ف الليل
وطلعنا الساعه 4 الا الفجر تخيلي وزوجي اقعده للدوام 7 ونص مسكيين
المهم حطوا علي سيلان ومضاد وحبوب للوعه والمعده وبندول
قعدت استفرغ مرتين، اول شس لما حطوا علي السيلان وعقب لما ركبنا السياره بنمشي البيت .. بس صج البارحه تعببببت وانا استفرغ شفت الموت
الله يعيننا يارررب

انتي شخبارج وحشتييني :)


بخصوص الوزن حاليا ثابت احيانا يزيد كيلو او حده كيلوين
والله يستر شكله هذا الهدوء اللي يسبق العاصفه هههههههههههههه
والله شرايكم كروشاات؟؟؟
ووجهي صاير مو صافي مثل قبل يبين تعبان وفيه شوي حب
معنى مايطلع لي حبوب انا :(
وما استخدم له شي لانه اخاف اقول هي فتره وتعدي


هذرت وااييد
يالله نلتقي بعديين :)

همسات اكيد وجهك حيكون هيك من الوحام الله يعينك يالله فترة وتعدي ان شالله
عندك بنوتة صح ؟؟ ولا ولد وكم العمر ماشاالله

عاشقة اللهم امييين ربي يسمع منك
اي عادي بخصوص الحلمة انا هيك ادهنيها بزيت زيتون او فازلين والله احسهم احسن من الكريمات التانية وخاصة لتشقق الحلمة
وبخصوص الخطوط والتمدد يقولوا زبدة الشيا جدااا رائعة انا قرئت عنها ان شالله اجيبها قريب

وسلامة قلبك ماعليكي شر ان شالله الله يكون بعونك قصة المستشفيات قصة
وبخصوص الوجه من التعب اعتقد الله يعينا بس والوزن حسب جسمك انا بحملي السابق ما ازيد كثير يادوب خمسة او اربع كيلو بس ههههههه ولما اولد انحف بشكل مخيف الله يستر