تجمع حوامل المتوقع ولادتهم بشهر 6 -2015 .. حيااااكم

يارب رضاك

اللهم امييييين يارب
الله يخلي لج كل غواليج واحبابج ياعسل
عادي احنا حريم ورجال بس مو على وجبات
يعني مثلا عادي قاعده اختي وزوجها وامي وابوي
وندخل عقب انا وزوجي ونقعد جميع
بس على سفرة غداء او عشاء نفضل العزل :)
اليوم ماجه زوجي ولا ازواج خواتي بس شلت لزوجي غدى انا
بس لو جو كان بيقعدون ف المجلس واحنا قعدنا بالحوش
الحوش يعني الكامبوند اول ماتدخلين البيت ف الهواء الطلق ههههه

حبيبتي عشووووقة تسلمي اللهم اميييين
اها حلو هيك يعني في خلطة بس بحدود
حلوو ماشالله علي الاقل الحريم تلبس اللي تحب وتتمكيج ماتتقيد بالرجال
وبنفس الوقت مافي تشدد وعصبية
.. الله يسعدكم
اي اعرف الحوش طبعا صارلي 13 سنة بالسعودية ههههه
خبرة

عشووقة
عليكم بالعافية ..
وقت ممتع ان شاء الله ..
والله يلم شملكم ولا يفرقكم يارب ..
ادري اتي متاخرة بس شسوي اللوعة والترجيع مدوخيني. .

انتو شخباركم .. وشخبار تطوراتكم؟

يارب رضاك

ايي نقعد جميع بس بحدود مثل ماقلتي
هههههه ايي زين انا خفت ماعرفتي قصدي ومادري اذا له مصطلح غير هههه


همووسه

الله يعافيج
اللهم اميييين يارب
لا ويي عادي هههه ،، الله يعييينج

البارحه صادني صداع
وما ارتحت شوي الا بعد الترجيع :(

عشووقة
نفس حالي الصداع مو مفارقني من البارحة ..
و زاد بعد الترجيع ..
والله يستر باجر موعدي ف المركز جان ما يتحججون ..

الله يعينكم علي قصة الترجيع عاد المفروض ان هالمرحلة خلصت
ربي يقويكم همسات وعشوووقة

يارب رضاك
المفروض .. بس المفروض مرفوض
الله كريم .. إنه بولدي من دخلت الرابع اختفت النساة ..
هالمرة غير للحين تخف يوم وترجع ..
الله يعديها ع خير

هموسه

عذاب والله هالترجيع
بس الحمدلله انا اهون منج
انتي كل يوم تقريبا لوعه وترجيع! :(
الله يعينج


يازب رضاك

انا الحمدلله وييين عن قبل
قبل تذكرون له كله اقولكم عندي صداع
بس من نهاية الرابع افتكييييت من شي اسمه صداع
هالمزه صادني وبعد ما كان قووي
بس صادتني لوعه وقعدت ارجع
الله يعين بس

عشووقة
اي والله عذاب ..
الله يكون ف عونا ..
أي والله كل يوم مو راضيين يفكوني تمللت استغفر الله ..

اليوم رحت موعدي ف المركز وكان البيبي اوك ..
بس وزني للحين ما تغير .. ودمي نزل ..
الله يستر .. و عطتني حبوب مخلوط فيه فيتامينات وفوليك اسيد وكاليسيوم وهالسوالف ..
الحين انتظر موعد عقب باجر ونجوف الدكتورة شنو تقول بعد ..

هموسه

الحمدلله على كل حال
حاولي تاكلين اشياء تزيد الدم
واكلي زييين عشان البيبي
ماشاءالله حبي انتي بالرابع و وزنج مو متغير
اتوقع الدكتوره لازم بتتضايق!
لانه جذي تحاتي الجنين وتحاتي نموه وحجمه

انا موعدي الاول في المركز الصحي بكره ان شاءالله
دعواتكم كروشااااات

عشووقة
اي أكل مو مقصرة ..
بس لأن ما يتم شيء بجسمي ..
ف ما يستفيد من الاكل اللي اكله الله كريم ..
توني من شوي متعشية وما تم العشى حتى نص ساعة ..
الحمدلله ع كل حال ..
أي عطوني فرصة للشهر الياي بعد بما أن للحين ما وقف الترجيع ..
بجوف بعد الدكتورة عقب باجر شتقول ..
لأن ميزانهم غير يمكن يطلع زايد ..
لأن ذاك الشهر يوم رحت المركز قالو ما تغير ..
والقيادة قالت الدكتورة زاد نص كيلو بس ..
ومادري من الصح ..

همسات الله يعينك يارب ويقويكي
الحمد لله ان البيبي اوك ماقالولك شو جنسه ؟
بخصوص الوزن والله انا اكل كويس نوووعا ما والحمد لله مااعاني من الترجيع وباقيلي كم يوم ادخل الخامس والي الان وزني ماتغير
قصة هالوزن دائما خازلني بحمل وبدوون

ام علي الله يقويك ويطمنك وتطمنينا

باقي الصبايا وينكم
سوفت الله يعينكم علي المنخفض الجوي ربي يحمل معكم

همسات عشق;16725260:
عشووقة
اي والله عذاب ..
الله يكون ف عونا ..
أي والله كل يوم مو راضيين يفكوني تمللت استغفر الله ..

اليوم رحت موعدي ف المركز وكان البيبي اوك ..
بس وزني للحين ما تغير .. ودمي نزل ..
الله يستر .. و عطتني حبوب مخلوط فيه فيتامينات وفوليك اسيد وكاليسيوم وهالسوالف ..
الحين انتظر موعد عقب باجر ونجوف الدكتورة شنو تقول بعد ..

أنا كنت في حملي الاول للشهر الرابع ما تغير وزني
بس الحمد لله من الشهر الخامس بدأ يزيد
هالمرة رحمني حبوب الترجيع والله كنت للحين وزني يقل ما يزيد
لازم تاكلين عدل حتى لو رجعتين مو مشكله أهم شي تاكلين
تقصدين حبوب الفيتامين اللي تجي كبيرة خاصه في الحوامل؟

يارب رضاك
الحمدلله .. لا ما قالو لأن كنت رايحة المركز..
إن شاء الله باجر موعدي بالعيادة مع الدكتورة ان شاء الله اعرف جنسه..
أي والله مشكلة هالوزن بس الله كريم ..

سدرة
اي قالت لي المفروض الشهر الياي يزيد ..
أي أكل مو مقصرة خصوصا الفواكة والخضراوات. .
أي هي حبة كبيرة وردية فاتحة اسمه pregavyte في أحد منكم جربه؟ هل زين أو لا ؟؟

شرايكم فيني وجايه اتمخطر لكم وانا رشيقه هههه

جوفاني

ههههههههههه ذبحتيني من الضحك
حلاتج والله،، عقباااالنا يارب
الحمدلله على سلامتج وسلامة الكتكوته
تتربى ف عزكم ياارب
والفال لنااااا ان شاءالله


كروشااااات..

قبل شوي رجعت من المركز الصحي،
سألوني اسئله اذا عندنا امراض وراثيه او اعاقات وووووو الحمدلله كل شي سليم
سحبوا مني الدم والحمدلله دمي 11.3
اقل من الطبيعي بشوي
ونتايج تحليل الدم بنعرفها ف الزياره القادمه
واعطيتهم بعد عينة بول تكرمون،،
عطوني حبوب الحديد كل يوم حبه ع معده فاضيه اخذه مع عصير برتقال طازج...

موعدي القادم للالتراساوند بالمركز بيكون تاريخ 19-1-2015 يوم الاثنين،، والموعد الثاني لمعرفة نتائج تحليل الدم والبول اعزكم الله وباقي هالاشياء بتاريخ 22-1-2015 يوم الخميس ان شاءالله بإذن الله ...

جوفان
الحمدلله ع السلامة ..
وتتربى ف عزكم الوردة ..

عشووقة
الحمدلله ان كل شيء تمام. .
اوه زين عطوج موعد قريب الالتراساوند قبلي سبقتيني هههه..
إنه موعدي الالتراساوند الشهر الياي أن شاء الله ..
الله يطمنج أن شاء الله يارب ..
واكلي أشياء ترفع الدم لا ينزل أكثر ويغربلونج. .
والله يسهل ..

يسعد اوقاتكم ياحلوين
ومسا الثلوج والامطار ههههه اكيد مو بجدة بس اغلب الدول العربية
الله يجعلها سنة حلوة وبيضة عالجمييع

همسات الله ييسر لك يارب وتطمني علي البيبي وعلي نفسك وتكوني زايدة كم كيلو ^_*

عشوووقة كيفك ياقمر وينك منشغلة هالكم يوم ماعدتي تبيني مثل اول
ان شالله خير يارب

جوفان الف مبروك والحمد لله علي سلامتك ياااارب

همووسه

ايي الحمدلله
ههههه اووه سبقتج صج
يمكن لانه اكثر منج بالاسابيع؟
مادري والله ههههه
انتي تبع اي مركز هموسه؟؟؟
ايييي امي زفتني تقول لي اكلي عدل عشان يزيد وماينزل
مايصلح لج حامل ودمج نازل! :(
اكلي زين احسه بس يمكن ما انتبه للاكلات اللي تزيد الدم
اكل وبس هههههه


يارب رضاك

اهليين ياعسل
الحمدلله بخير،، انتي شخبارج وشخبار الاولاد؟؟ :)
والله مافي شي بس احيانا التهي شوي
متى موعدج قلتي حبي؟؟

انا عندي احساس ان ثلاثة ارباع او نص امهات يونيو
بيجيبون اولاد هههههههه

يارب رضاك
رحت اليوم الموعد ..
وكل شيء اوك الحمدلله ..
بس الوزن للحين ثابت مو راضي يزيد ..

عشووقة
اي يمكن ..
أي غربال لين نزل الدم ..
اكلي تمر وطماط و جبدة. .
أي يمكن لأن فرق الأسابيع نفس ما قلتي ..
إنه تبع جدحفص وانتي ؟؟