وأول شي بنبدأ بمدخل البيت::
سويت استاند من جذع الخشب وعليه فلين مغلف بورق بني وزينته بأغصان خشب واوراق شجر وورد (بحاول اجيب لكم صورتها وكتبت عليه..
غبت والشوق جابك.. عمر الغالي هلا بك..
حبيبي
(وتكتبين اللي تبين أنا طلبت منه انه ما يدخل علي الين يقرأ الرساله الموجوده بالصندوق علشان ما يخر المفاجأة)
وحضرت صندوق وزينته من الداخل بقطعة قماش وحطيت داخلها شورت ووزره عليها سمك نفس حقت هاواي ورساله كتبت فيها الأوامر اللي بطلبها منه وخيرته بين الشورت والوزره )
وحطيت الصندوق بجنب الاستاند ومعهم شمعدان كبير..
وسويت من كاسات الجبنه الصغيره كاسات للشمع لصقت عليها اوراق شجر من اللي تجي رفيعه عرفتوها اللي اذا سحبتيها بالمقص تصير اطرافها ملفوفه ومن نصفها الأسفل غلفتها بخيش وزينتها بورق شجر صغير مع ورد.. وحطيتها بالممر اللي يودي للغرفه اللي فيها المفاجأه ونثرت بالممر ورد وورق شجر
بعد كذا نجي للغرفه..
أنا سويتها بغرفة الجلسه جدرانها لونها ازرق.. وشلت اللي اقدر عليه من الكنب والباقي غطيته بشرشف سرير بني على بيج ودخلت بوسطها مخدات علشان تبان كأنها صخره متعرجه ووطلعت التلفزيون من الغرفه..
وعندي وحده من الكنبات اللي جايه قطعه وحده مع الظهر كأنها مرتبه تسحبينها تصير سرير.. شي قريب من هذي
حطيت هالمرتبه بالأرض..(ممكن استعمال مرتبه أو أي شي مريح بالجلسه ) او اذا عندك مثل هذي من ايكيا
وعلقت فوقها ناموسيه وخيطتها بالمرتبه من الأطراف علشان ما تتحرك وتضايقني ومن الفتحه من قدام ربطها وحطيت عليها ورده من الجهتين وتصير مثل الستاره المربوطه.. ونثرت عليها ورد..
ومن زاويتين الغرفه من جهة المرتبه حطيت زرعتين مثل النخل اخذتها من عند امي..
ونثرت على المرتبه ورد
ارض الغرفه كان ودي احط رمل باني احط كيس نايلون من تحت وفوقه الرمل بس شلت هم التنظيف بعد كذا.. فسويتها بالخيش غريته بالمسدس وسويتها تموجات مثل تموجات الرمل بالشاطئ ..
والطرف المقابل من عند الجدار حطيت شرشف سرير ازرق بلون البحر على شكل تموجات( اللي ما عندها ينفع ابيض او بيج لأننا بنحط انوار زرقاء تعكس اللون..
نثرت على الارض صدف واوراق شجر وورد بسيط ونثرت بعد على الصخور..
وجبت لمبات حطيتها بالأفياش وحده زرقاء في المدخل وزرقاء ثانيه من عند البحر و2 أخضر من زاويتين الزرع من ورا الجلسه..
العشاء طلبت اكل جاوي وجبت صحنين على شكل ورق شجر لقيته عند ابو 10 ب 9 ريال.. والعصير جبت ثمرة جوز هند مفرغه للزينه ووديتها لمحل زينها لي بالورد واوراق الشجر ومن الداخل بفلين بنفس مقاس الكأس وسويت عصير بينا كلادا.
نجي الحين للبسك انت انا لبست وزره بهاذي الطريقه عليها رسمات ورد
وسويت اسوره وعقد وخلخال من الورد
وحطيت وردتين بشعري على جنب وسويت مكياج واتعطرت..
والبيت عطرته بزيت اسمه ocean ريحة بحر منعشه وشغلت موسيقى بصوت موج البحر وعصافير
وجهزت سبت فيه ادوات المساج من زيت واجهزه يدويه ومخده للعين
والحمام زينته بالاصداف والورد وأوراق الشجر وجهزت رغوه للحمام وعطرته بنفس ريحة البحر وجهزت المناشف..
وقبل ما يجي شغلت الشموع واللمبات الملونه وبدأنا لياتنا..
أتمنى انها تكون عجبتكم..
