ابي مساعدتكم 💔

السلام عليكم ورحمه الله وبركاته
اخباركم ان شاء الله طيبين :-^

انا ابي اقول لكم مشكلتي وابي منكم حل او مساعده او دعوة وماابي اقولها لآحد اعرفه او يقرب لي لاني انحرج من الكلام فيهاا :'(


ببدا في مشكلتي والله يعينكم علي
انا زواجي قريب بإذن الله مشكلتي هي في جسمي لآنني متينه وزني تقريبا من 80 - 85 وتعرفون مشاكل الجسم عند اغلب المتينات
عندي ترهلات في كل مكان وتشققات لاعبه لعب وكرش نازله على تحت من كبرها وعندي سواد في المنطقة الحساسة وبين الفخوذ فضيع وغيرها مشاكل كثير بس احس ان هذي هي اللي معقدتني اكثر
لا تقولون استخدمي كريمات او خلطات لان الوقت قصير وانا حاولت في كثير اشياء من زمان بس احسها ما نفعت معي :-(

خايفة وطبعا خواتي ما قلت لهم عن مشاكلي كلها بس قلت لهم اني متينه وعندي كرش وكل كلامهم عادي فيه متينات تزوجو م صار شي وعايشين حياتهم خليك واثقة اهم شي
انا عارفه ذا الكلام وراح اكون واثقة بإذن الله بس اكيد من حق الزوج ان زوجته تكون جميلة بكل شي وخايفة حاسه اني بتتطلق من اول ليلة لدرجه اني ما اسولف مع خواتي عن بعد الزواج واذا سولفو طنشتهم لانني احس انه راح يطلقني او يعايرني او يسبني او او كثير اشياء افكر فيها احس اني ما راح اكون سعيده


طولت عليكم بس جد مهمومه وابي مساعدتكم ما ابيكم تجاملوني او اكسر خاطركم ابي كلام واقعي حتى لو يجرح انا راضيه

ربي يسعدكم ومايترك لكم شي في قلوبكم الا حققه بقدرته :-^
والحمدلله على كل حال