التجمع الاول للحوامل اللاتي سيلدن شهر يناير 2015

صباح الخير لاحلى كروشات نايمات ^^
جوفان انا مخلصه من زمان بس جالسه انتظر
متى هالمفعوص يطلع
وحكايه الوزن رحت لدكتورة ثانيه ويادوب تحط السونار على بطني وترفعه
وقاللتلي 2 كيلو معقوله نط في اسبوعين والله حسيت ان السونار مامعه
سالفه كل دكتوره لها كلام وحده تفرحك والثانيه تزعلك طفشت منهم ومن مستشفياتهم

والله يا كروشات طفش خصوصا اني مسافره عند امي
وانا الحمدلله باقيلي اسبوعين واقفل الثامن
صرت افكر بالولاده كثيير احيانا اتحمس واحيانا اخاف
مهره الولاده تساهيل من رب العالمين والله يوم كنت بكريه اني ماخفت
ولاهم يحزنون لكن يوم جربة صرت اخاف الله يعيننا يارب جمعيا
وهي كلها لحضات تمضي مثل الحلم غمض فتح والنونو جنبك يصيح

اخبااركن كروشات ،، الله يقومنا بالسلامة جمييع .. فعلا الثقل صاير مزعج ولكن انا عكسكم خايفة اولد ههههههه خايفة من الولادة ومن تعاملي مع بنتي والنونو الجديد ومع الدوام فاحس نفسي مخربطة مع اني ابغى ارتاح لان النفس كل ماله يروح اكثر ومارتاح بالنومة الله يصبرنه ،،،

ااغراض لحد الان ما ابتديت فيها هههههه قلت بدايات التاسع باذن الله ماراح استعجل وخصوصا ان مو لاقيه لي وقت للتسوق ،،، وزن الونو انا بعد تقولي صغيرون واعطتني جدول كله بروتينات لزيادة وزنه ! بس بمريووم كان نفس الشي وماشاء الله ما خلصت الثامن الا وزنها تمام من غير تعديل بالوجبات فلا تخافوا هالشي طبيعي ،،،

اي والله ياتفاحه هو النوم الي مانرتاح فيه الام ضلوع وظهر
وان نمت على ضهري احس بكتمه وبطني يتحجر
واحسني اشتقت لنومه على بطني ياهي بتكون لزيزه بعد الولاده
الله يقومنا جميعا بالسلامه وتكون هالايام مجرد ذكريات

فتاة ،، مابغي احبطك بس لا نووووم بعد الولادة اللهم الكم يوم البداية هههههههه للاسف ... حتى نومة البطن بتنحرمين منها ... مشكلة تحسين الجوو تبع نوووم وهدووء بس الالام وعدم الراحة مايخليك تتمتعي بالنومة تماام .. عملتو هدايا او توزيعات الولادة ؟ انا لحد الان ما اشتغلت بشي وافكر بشي حلو وبسيط بي مافي وقت اتوقع بخلي احد اخواتي تتولى المهمه ..

كروشات اخبار التحاليل والالتهابات عملتووها ؟ اعتقد مسحة عتق الرحم راح تكون بالاسبوع 34 ... ماشاء الله مابقى شي ونبتدي بالتاسع ..

تفاحه
اتمنى يجي هادي مثل اخوه
يادوب اقوم ارضعه وارجع انام
بس هذا الله اعلم كيف نظامه
وفعلا انا افكر الحين كيف بتكون حياتي مع
طفلين ×_×

ايه انا الحين بالاسبوع 34 باقيلي يومين واكمله
وبسالكم يابنات هي لما تنزل سدادة الرحم كم تجلس الوحده من يوم او اسبوع وتولد
لانها نزلة عليه من يومين وانا ادعي ربي انه اكمل الثامن على خير

فتاة تقومي بالسلامة حبيبتي ماشاء الله ربي يتمم لك وتبشرينه بالولادة السهلة الميسرة يااارب ولاتنسينه من الدعاء ،، اهم شي تاكدي بشكل يوميمن كمية الماي حول الجنين ودام احوره تمام بيجيك الطلق بوقته واتوقع ببدايات التاسع ان شاء الله .. البعض يظل لاسبوع بالكثير وبعدها اذا ماجاها الطلق ابتدوا بالطلق الصناعي وان شاء الله ماتذوقينه ..

ماتنزل عليه مويه الحمدلله هو لما تنزل لازم تنزل مويه
انا لما قمت شفتها تتزحلق بالمرحاض وهي دم مائل لبني مع افرازات
مخاطيه مدري والله ايش هذا بس خطر ببالي السداده وصرت خايف مرره
بس الحمدلله مافيه الام
جالسه ادعي ربي اني اكمل الثامن
ايش تعرفو عنها السداده انا قريت عنها وفي الا تقول تولدي بعد يوم يومين وفي الا تقول
اسبوع وانا خايفه مرره
اممم وانا ماشفتها قبل كذا هذه اول مره اشوفها

اخباركم كروشات واخبار النونو
جوفان ايه ممكن يكون افراز الحمدلله اليوم دخلت اسبوع
35 وبعدها بيبدا العد التنازلي يارب يجعلها ساعه سهله وميسره
لكل الحوامل
انا خلاص بديت احس بالثقل الحقيقي والملل وصعوبة في النوم
والمشي والجلوس ادعولي اولد اول التاسع

انا اراسل من الجوال ماقدر اسوي توقيع
ولسى مادخلت التاسع لازم اكمل 35 اسبوع و4 ايام
يعني يوم 2/10 ادخل التاسع يااااربي فرجك وربي خلاص
تعبت تعبت تعبت ومضايقه من كروشتي بعض احيان احسها بتنفجر
والتجهيز انا مخلصه من زمااان وربي يوفق الجميع

انا اراسل من الجوال ماقدر اسوي توقيع
ولسى مادخلت التاسع لازم اكمل 35 اسبوع و4 ايام
يعني يوم 2/10 ادخل التاسع يااااربي فرجك وربي خلاص
تعبت تعبت تعبت ومضايقه من كروشتي بعض احيان احسها بتنفيذ
والتجهيز انا مخلصه من زمااان وربي يوفق الجميع

السلام عليكم

شلونكم كروشات وشخباركم؟؟؟


الطيف ما عليج شر حبيبتي

فتاة اي ترا عادي تنزل وبعد كم يوم او حتى اسبوع تولدين
اهم شي تدخلين التاسع وربي يسهل عليج يارب

تفاحة انا مثلج بالضبط ما عندي وقت أبدا للتجهيزات أداوم بالجامعة وموعد ولادتي بيكون فترة الامتحانات احس روحي وايد مضغوطة بس كملت الأشياء الاساسية

جوفان تقريبا كملت التجهيزات ان شاء الله بس ادخل التاسع اجهز شنطة المستشفى تحسباً للولادة بأي لحظة وربي يسهل علينا وعليكم يارب

الله يقومكم جميع بالسلامة يارب ،، فتاة خلاص هانت وربي يسهلها عليك ويهونها يارب بس لاتنسينا من الدعاء محتاجين ،،،
جوفان كملتي تجهيزاتك ؟ ،،، زيي انا حتى ثياب النونو ما شريت شي تخيلي ولا حتى توزيعاتي عملتها! مادري متى راح يمديني احس بتعب فضيع والصداع النصفي مو مفارقني زايد هالجو المزعج ،، بتكوني خلصتي امتحانات لو للحين؟ يتراوى لي تحتاجين وقت شوية للجرح الله يعينك ان شاء الله تكملين امتحاناتك بالاول

لااابعدني
لاتجهيزات النونو ولاتجهيزاتي ماااخلصت
على الحماس الي كنت فيه بس ادخل المحل اتعب
وادور اقرب كرسي اريح عليه

هلا فتاة ياعمري صغير بس انا قعدت علي برنامج وقالوا ان يزيد من الثامن نصف وزنه الي راح يعني الزياده تبدي من الحين ان شالله يكبر ويتعدل وزنه وجوفان شلونج طيبه اليوم خلصت كل شي قبل كم يوم جاتني طلوق لمده ثلاث ايام وكانوا بيدخلوني علشان شاكين بولادة مبكره وقعدت ادعي ان الله يتممه ويسهل علي والحمدلله عطتني الدكتوره ابره سكنت الطلق والرحم مفتوح سانتي ويييع الفحص الداخلي بي اضطريت لما شافوا الطلق بنات ااطلق جاني من الزولال تاكدوا مافيكم لازم فحص انا مستغربه شلون جاني الحين انا بس اتمني من الله ادش التاسع علي خير عشان ارتاح وانا ما ادش من التعب لانوم عدل ولا راحه وكل شوي تخطيط عسي ربي يساعدني ونولد بالسلامه