التجمع الاول للحوامل اللاتي سيلدن شهر يناير 2015

عيدكم مبارك يا ماميهات ... ان شاء الله ربي يقومني ويقومكم بالسلامة .. شو اخبار المرحلة الثانية من الحمل

علينا وعليك يااارب وان شاء الله جميع ..
انا الحمدلله احس ببعض الضربات ،، لكن شي واحد منغص علي هو استمرار الوحام وخرب علي فرحة العيد بسبب اني تجرأت واكلت من مطعم ! ..
وانتي اخبارك ؟؟ خفت االنساة ؟ .. انا احس اني ابغي اخذ راحتي بهالحملة قبل ما اوصل لمرحلة مابعد الولادة والتعب مع البيبي وبنتي هههههه بس احس الوقت يمشي بسرعه

هلا حبايبي انا بخير الحمدلله هذا انا انطر البيبي عشان احس بالحرمه ما احس الا بتكوره بس

ايه والله الوقت يمشي بسرعة رهيبة .. الحمد لله والشكر لله وحده ... انا للحين مستمرة معايا الدوخة بس بشكل طفيف مو مثل اول وتقريبا بشكل تدريجي صرت امارس حياتي بشكل طبيعي والوضع طبعا كان صعب بوجود بنتي الله يهديها ويصلحها والله المعين ... متى تنوون تزورون الطبيب عشان تعرفون جنس البيبي؟ شو رايك اي اسبوع اروح اسوي السونار ؟

الطيف الحالي ترى عادي تحسين بالتكور لما دشين السادس بتحسين اكتر بالضربات .... انا شفت انك بالكويت وانا بعد عن اي دكتورة متبعة ؟

الطيف ،، حبيبتي ان شاء الله اسبوع او اكثر وماتحسي الا بذيك الضربة اللي تفرح خاطرك ... انا اليوم حسيت بضربات حركت حتى معدتي استغربت ههههه بس اتضح ان التخ منزعج ان المثانة مليانة وانتي بكرامة ولما رحت الحمام هدأ ..

الطيف ،، انا قلت لما ادخل الخامس يعني على الاسبوع 18 او 19 ما احس مهتمه اعرف الجنس ههههه مسكين النونو لكن بصراحة خاطري ببنت بعد لان بعد بنتي حبيت البنات اكثررر واما اهلي مصرييين انه ووولد .. وقلت بتابع بالعام مع الخاص عشان الفحوصات مجانية واما الولادة فبختار خاص باذن الله ولحد الان قاعده ابحث ..

عيدكم مبارك يا بنات


انا توني اخلص الاسبوع العاشر
وللحين الوحم معاي وهالكني ...




انتو شخباركم

احلى الماسة الله يعييينك ويثبته لك ويتمم عليك بصحة وسلامة ،، فعلا اللي مايصيبها الوحم اعتبرها محظوظة ... انا مع اني قربت ع الخامس ولكن لحد الان ماخلصت هالحالة ،،، يالله كم شهر ونرتاح ان شاء الله

من فتحت الموضوع ما شفت تفاعل وتوني داخلة من شوي فرحت لما شفت ردودكم

اهلًا وسهلا فيكم كروشات وألف مبروك الحمل وربي يتمم لكم ولي على خير يارب مع انها متأخرة ، واللي للحين وحام الله يعينها ان شاء الله فترة وتعدي

كل وحدة تكتب موعد ولادتها بنسوي لنا قائمة

بالنسبة لجنس الجنين بالأسبوع ١٨ و١٩ بيكون جداً واضح

انا رحت عند دكتور بالأسبوع ١٤ كان عندي التهاب بالابوال وقال لي جنس الجنين وقبل جم يوم كان موعدي عند دكتورتي وأكدت لي

ان شاء الله بجيب بنوتة :)

مبرروووووك حبيبتي زييي وسلامات ماتشوفين شر ان شاء الله ،،، انا ولادتي ب 13 يناير ان شاء الله ... انا الدكتورة اللي بروح لها شوي مملة بسالفه الجنس ههههههه يعني لازم اروح بوقت يبان وتقولها من نفسها لان على قولتها اهن شي اعضائه سليمة ومايهمها تشوف جنسها الا اذا بان عندها بتقول ،،

هلا والله وانا استغرب صاحبة الموضوع فتحته وراااااحت السموحة ما سألت عنك الله يتمم لك بخير انا موعد ولادتي ان شاء الله 31 يناير واحتمال اوائل فبراير ولسى بعدني ما رحت اسوي سونار ثاني عشان اعرف الاخبار بنطر كمان شوي ... شكلك اول وحدة فينا بتولد والف مبروك البنوتة يارب تفرحي بيها وبشوفتها تراهم الحنية كلها والدلع الحين بيصير عندك وردتين بالبيت شحلاتهم

هلا والله وغلا تفاحة


انا وحمي مثلج في حملي الاخير لين اخر الرابع انهلكت اهيء اهيء


انا باقي لي اسبوعين وادخل الرابع بإذن الله ..


ووحامي نفس ماهو ماتغير..


انا مثلكم دكتورتي ماتعلمني بجنس الجنين الا بالشهر السادس او السابع واتمنى يكون عندي صبي لان عندي بنتين ...

انا ولادتي آخر فبراير بس مادري متى ماحددت لي دكتورتي

المااسة هالمرة اذا رحتي خلها تحدد لك من السونار لان يحسبونها بالضبط عكس الحساب العادي ،، انا جي مبررة لان باول مرة فعلا ماضبط الا السونا ر .... انا حاليا شووية خف علي والحمدلله زدت كيلوو مع اني بالليل ازبده واما النهار بنزل هههههه لان ان رحت لدكتورتي وما زاد كيلو على الاقل بتاكلني مع انه اشوف هالحالة افضل ورانه 4 الى 5 شهور بدون وحم هههههههه يعني بالونات نصير..

الكرووشاات الباقيات اخباركم؟ واخبار الحمل معاكم؟

هلا حبايبي شلونكم زين فيه تفاعل اخيرا انا لحد الان احس نفس الغازات مدري حركات ولا ايش ياقلبي انا ولادتي المفروض 1 يناير يمكن انا اولكم اولد ان شالله وسويت سونار بالشهر الرابع وقالوا بنوته بس مو متاكدين شكلنا يابنات يناير بنات هههههه وحاليا الي سالت عن ديرتي اي الكويت واراجع بالصباح لان حالتي ماتستعدي الخاص لازم حكومه اكثر اهتمام تدرون الخاص من تولدين ويصير شي من غير شر يخلون مسؤوليتهم الله يحفظنا ويحفظكم ونولد بالسلامه جميعا ولاتنسون التواصل فديتكم

الطيف تقومين بالسلامة ان شاء الله ،، انا لحد الان ما رحت قلت ع الشهر الجاي متمللة اتابع بس قلت ان شاء الله حكزمي المتابعه ومع اخر شعر خاص ،، الله يعينه بنكون بوقت البرد

سلام بنات
انا اخر دوره ٦/١١
هجري
انا بتجمعكم او لا

هلا بنات شخباركم...


الله يخفف الوحم عنا جميعا ...


انا باقي لي كم يوم وادخل الرابع وافتك شوي من الوحم.. بس مدري ليه احس بثقل في معدتي ونفخة هل هذا طبيعي مع الوحم حيل يضايقني ..

السلام عليكم ورحمة الله وبركاته


شخباركم يالحوامل


انا حامل في شهري الخامس وولادي بتكون في يناير 2015 يا يسهل على الجميع بكون معاكم

اخباركم يا حوامل واخبار حركات النونو ؟ انا صرت احس فيه لما بتحرك وهو مايتحرك الا لما يسمع صوت اخته هههههههه ويحررك ملىحثمه حتى بطني يبااان منتفخ عل جنب بشكل كبير وبعد ما تسكت يرد يرجع لمكانه