هل تثقين فيمن تحبين؟؟؟؟؟!!!!!!

اظن كلنا قريينا السؤال اللي فوق،
وطيب ،وبعدين، هااااا وبعدييييين،جاوبتوا؟؟؟؟
طيب يلا كلنا نجاوب،مش شرط بصوت عالي بينك وبين نفسك وبامانه شدييييده،
نعم ولا لا؟
الاغلبيه حتقول اكيد ونعم واللي حيقول لا عشان حته موقف كده في الخاطر لسه القلب ماصفالوش،صح؟
طيب سؤال تاني، معليش استحملوني،
ميييين حبيبك؟؟؟؟؟
برضو بينك وبين نفسك كفايه،
اللي حبيبها جوزها واللي حبيبها ابنها واللي حبيبها امها واللي حبيبها ابوها واللي حبيبها لسه ماعندوش مسمى رسمي واللي حبيبها اخوها او اختها واللي حبيبها صاحبتها واللي حبيبها..................ربها،
هاااا الاولانين مش حاتكلم عنهم لان اعذروني على اللي حاقولو،،
حبهم حب دنيا،،،
طيب طيب انا عارفه انهم بتحبوهم في الله وبيعينوكم على طاعته وغيره كتير،بس برضو اسمعوني للاخر،
حب دنيا ازااااااي؟؟؟؟ يعني اساسو الطبع البشري اللي بيزعل ويتبسط ،اللي بيكره ويحب، اللي بيقرب ويبعد، اللي بيصالح ويخاصم، اللي بيستمتع واللي بيزهق ويمل ،واللي واللي واللي ،صح ولا انا غلطانه؟؟؟؟
يعني مانحبش ،ماكلهم كده؟
لا حبي بس مش حب دنيا،،،
ازاي دي ؟ ما احنا بشر في النهايه!!!!
صح ،لكن لما تحبي رب البشر ويبقى غايتك من كل انواع الحب مش حتحسي غير بالحب، وابقي لوميني ،
حتستمتعي بالحب وبالكره وبالفرح وبالحزن وحتى بالنكد
عارفه اني الكلام مش منطقي ابدا،في حد بيستمتع بالنكد؟؟!!!
ايوه فيه لو شلنا منطقنا القديم على جنب وعملنالو عمره من جديد، حنطلع باللي قلتو من شويه،
طيب ازاي؟؟؟؟
ارجع تاني واسالك بتثقي في اللي بتحبيه؟؟؟؟؟
طيب سؤال معليش،،،
بتحبي ربنا؟؟؟؟؟ وقد اييييه؟؟؟؟
طيب،،
مش حاقولك بتحبيه وما بثقيش فيه كفايه لانك حتقوليلي لا بثق فيه جدا،
ماااااشي،،
تعالي احكيلك شويه عن ربنا عز وجل ،
طيب ما انا بعرف ربنا كويس،،،
ابدا والله ما اقصد كده،
انا قصدي بعيدا عن الصلاه والصوم والزكاه والحج والنوافل والعبادات،
عن ربنا الحبيب جل جلاله،
طيب نصلي على حبيب ربنا عليه افضل الصلوات والتسليم،
ربنا بنغلط في حقو كتير وبرضو بغفر لنا
ربنا بنبعد عنه كتير وبرضو بستنانا ويفرح برجعتنا
ربنا بنستعين بغيره وبرضو بيوقف جنبنا
ربنا بنقصر معاه كتير وبرضو بسامحنا
ربنا بنبخل عليه كتير وبرضو بزود لنا الحسنات باضعافها
ربنا ، وربنا ،وربنا واحنا ولا احنا هنا،،،
ماعلينا،،،،
نرجع لموضوع الثقه،
ازاي بتلمحي اننا مابنثقك في ربن كفايه،
طيب
ازاي بنبقى واثقين فيه (وبرضو بعيدا عن العبادات)، واول ما تجيلنا مصيبه نقعد وليه ياربي وانا عملت ايه عشان يجرالي ده كلو وليه ده انا ماستاهلش كده وليه وليه وليه
فاكرين وعد ربنا على لسان حبيبنا المصطفى ان امر المؤمن كلو خير،
طيب ما هو في كلٍ خير، صح ولا انا غلطانه؟؟؟
مش يمكن لو اتكشفلك الحجاب وشفتي اللي فيه كنتي اكيد حتطلبي اللي حصل لان ربنا بعد بيه عنك شر اكبر منو
مش يمكن كتر ذنبك وربنا حابب يطهرك باللي جاكي من حبو فيك عشان يخفف عليك لما تقابليه
مش يمكن ماشاءالله عليك ذنوبك قليييله، بس ربنا من حبو ليك ابتلاكي عشانيزيد درجاتك ويرفعك مقام في الجنه فتكوني في الفردوس الاعلى
طيب والله يبختك باللي جرالك
فاكرين وعد ربنا ادعوني استجب لكم،؟؟؟؟
طيب حصل عزتي حاجه وكانت ثقتك فيه انو اول باب تخبطي عليه،حصل احتجتيلوا مالاقيتهوش، حصل سالتيه مااداكيش،
ما اظنش،،
حتقوليلي كتير بسالوا مابلقاش حاجه،
برجع لك لانو لخير ليكي ماتعرفيهوش،
مش يمكن لو اداكي دلوقتي ماتنتفعيش بالحاجه دي فاخر هالك لغايه لما يجي وقتها اللي بجد، مش يمكن ربنا بعد بسؤالك ده شر كان نازل عليك او خففه، مش يمكن بكبر في رصيدك وحفظهولك عنده،
طيب والله يابختك في حد لاقي حساب ادخار بالمجان
فاكرين كلام ربنا فقل حسبي الله ونعم الوكيل
حصل وكلتي عليكي وخذلك ،حصل وليتي امرك وما دبرهوش ليك، حصل استنجدتي بيه وما نجدكش، حصل استنصرتي بيه وما نصركش
حتقوليلي كتير بسالوا في حاجات وبدل ما تتصلح كل مالها خربانه،وكتير بتحصل لي حاجات بيجور علي فيها غيري ، وكتير بتظلم واللي ظلمني متهني،
طيب نرجع تاني لانو كلو خير باذن الله،
سالتي نفسك انا عملت ايه من باب المحاسبه،مش يمكن بذنبك مهو برضو وما اصابتكم من مصيبه فبما كسبت ايديكم، مش معناها ربنا سابك لذنبك،لاااااااا، ده سابك عشان تستغفريه وتوبيلوا وترجعيلوا ، طيب بذمتك في حب زي ده
وبعدين ده هو اللي قالك قولي وهو اللي وعدك ينصرك ولو بعد حين حيخلف وعده، لا وربي ده اوفى من وعد سبحانه
الامثله كتير ،والمجال ضيق،بس ياريت ثقتنا فيه تكون مطلقه،
صدقوني كل حاجه ساعتها حتبقى ورديه
ده حتى الهم لو جاكي يجري تفرحي بيه وتسالي نفسك ياترى أي خير اللي ربنا مخبيهولي وراك،
الحمد لله انو خلانا اماءوا وعبيدوا هو مش حد تاني
الحمدلله انو بقى هو ربنا مش حد تاني
الحمدلله الحمد المطلق على كل ما ارادوا وكل اللي رايدوا وكل اللي حيريدو،

ياريت كلامي ده مايكونش تقيل عليكم ،وياريت تدعولي معاكم
ووالله ماكتبتوش الا لاني بحبكم في الله وعايزاكم تشوفوا الحياه حلوه قد ايه لو عشناها صح
بحبكم في الله

بعتذر من اخواتي المصريات عشان كتبت باللهجه المصريه بس لاني بحسها حنينه،فلكم العتبى ان لخبطت في حاجه،

اذا حسيتوا انه كلامي ممكن يصلح منظار الرؤيه عند حد تاني معنديش مانع تنقلوه بعد ذكر اسم المنتدى وبس،