ارجو تفسير حلمي جزاك الله خير

انا حلمت هذا الحلم من عشره سنين بس للحين اذكره كانه امس ، واحس ان هذا اوانه اعذريني لكن بعده شفت نبي الله يوسف في ثلاث مرات ، وسبحان الله مجرد احساس، وفي هذاك الوقت كنت مطلقه من سنه والحمدلله
حلمت كاني في غرفه ضوها خاااافت وكان فيني شي من حزن لان اذنيَّ يتدفق منها سيل صراصير اكرمك الله وبعد شوي تزيد اضاءه الغرفه وانتبه ان السيول اللي من اذنيَّ عباره عن تمر ماشاءالله ما احسنه وفجأه كاني واقفه على تله بها ظل ويمسكني من وراي من كتفيني رجل عليه هيبه ووقار ولباس ابيض وكانه ستيني مايمسكني الا عشان ما احس بالتعب لان التمر اللي يتدفق من اذنيَّ يتجمع حول جذع شجره عريض وارتفاع التمر حولها اكثر من متر ولان العالم اجدب والقحط عم وما في غير اهذه الشجره شي اخضر ولافيه حياه،والناس مالاقين أي شي ياكلونه غير هذا التمر واشوف الناس تجي وتغرف منه بالصفائح وتروح ويجي اللي بعدهم وانا مرتاحه لاني اطعمهم وهم مايدرون ان التمر مني لاني في تله اشوفهم من فوق وهم ماهم شايفين غير التمر،
وجزاك الله خير