كيف أخليه رومانسي؟

حبيبتى هذه مشكلتى انا ايضا لما يكلمنى اقعد انطر كلمة منه تعبر عن حبه ليا ولا في امل لنا سنة لين تعبت من الانتظار وبالنسبة للهدايا نفس الشي انا في الاول قمت اهاديه واحفزه ولكن ولا كو فايدة منه يعنى لو في حل ياريت لولا انه انسان كويس وما شفت منه العيبة كنت .......... اه وبس لكن الحمد لله على كل حال

اختي .....هاي المشكلة معظم المتزوجات يعانون منها لانه طبيعة الرجل الشرقي مب انه مش رومانسي ...لكن طبيعته و البيئة اللي تربى فيها هي تعكس شخصيته و اسلوبه في التعامل معاج....شي اكيد انه في البداية صعب و صعب انج في يوم و ليلة تغيرين كل شي ...لكن مع التعود صدقيني بيعرف اسلوبج ..و بيمشي عليه ..و بغيت اقولج شي وايد مهم انه الريال مثل الطفل الصغير و قبل ما انتي تاخذينه كان عند امه اللي ربته و طلعّت تربية السنين كلها فيه فشي طبيعي ما بييج على طول مثل ما انتي تبين ...فلازم انتي تكملين مسيرة امه و يكون عندج طولة بال...في البداية طبعا المبادرة بتكون منج انتي ..بيني له الدلع بشكل عفوي من خلال اسلوبج ...كلامج...لبسج...حتى في اكلج ...ديكور المكان اللي تيلسيون فيه..حاولي قد ما تقدرين تفاجأينه بمناسبات و بمفاجآت رومانسية ...يمكن في البداية ما بيظهر اي اهتمام لكن صدقيني ...و ابصملج بالعشر...انه في داخله مستانس و يحس بالفخر انه عنده حرمة مثلج ...لكن شي طبيعي ما بيقولج في البداية ...لكن بتحسينه من ردة فعله ..وشوي وشوي ...لين اتي من نفسه...صدقيني لاتستعيلين و خلي كل شي في وقته حلو...ترى الكلمة الحلوة و الهدية الحلوة مب حلاتها كل يوم لكن حلاتها يوم تتفاجين فيها و في وقت ما تتوقعينها ....المسأله بس تحتاج طولة بال ...عزيزتي .....و الله ويوفقج

ياليت ياأختي زهرة الاشواك حد يساعدنا!! والله أنا مثلج... أنطر وأسحب الكلمة الحلوة منه :o بس مافي فايده!!

صوغة مشكورة يالغالية بس هالشئ للمتزوجات أنا بس مخطوبة وصار لنا فتره وهو على هالحال!! تعرفين قال لما نكون مع بعض كل شئ راح يتغير بس لأنه بالتلفون ماأقدر أبينلك الرومانسية :confused:

والله احترت!!!

اهلا اهلا اخواتى
اشاركم المأساه هذه والله لانى باعانى من نفس المشكله لدرجه ان امى واخواتى عابوا عليه وقالوا بخيل وفكرت كتير ......... بس اه اعمل ايه الامر لله
بس انا حاسه ان كلام الاخت صوغه ونصيحتها ممكن تجيب نتيجه
ايه رايكم لكل اللى عندها نفس المشكله نبدا نجرب حل الاخت صوغه وكل واحده تكتب لنا عن النتيجه
اتمنى ليكم كلكم حياه سعيده مع ازواج صالحين والله يهديهم اجمعين

الكل يعاني من المشكله هذي

بس اذا تبين بعض الحركات اللي ممكن تحركه شوي,,,,,,,, مثلا اذا كان عند اصحابه وانت عند اقاربك ارسلي له مسج علميه انه بالرغم من زحمه المكان بس مافكرتي الا فيه وانك اشتقتي لصوته وكلامه,,,,,,,, كذا مره بادري انت بارسال االمسج لما يتعود على وصول مسج منك في هالوقت بعدين اقطعي المسجات يوم طبعا بيفقدك بس انت قولي له انك ما حسيتي انه اهتم فيهم لانه ما كان يرد عليهم او ولامره بادر هو بالارسال ,,,,,,,,,,,,,,, صدقيني هو بيبدا يرسل لك مسجات حلوه وشوي شوي يبدا يتجرا يقول لك كلام حلو

اتمنى تنفع معاه ان شاء الله

اختي العذراء76 أحب ابشرج انه هذي مشكله بسيطه وعاديه شي طبيعي يكون تصرف الرجل بعيد شوي عن الرومانسيه ..يمكن ضغوط الحياه ومشاغلها هي اللي ماتعطي فرصه يعبر عن مشاعره فلاتزعلين ولاتحطين في خاطرج ويمكن هو بحياته ماتعامل مع الجنس الناعم واكثر تعاملاته مع الرجال وهذا اللي تخلي شخصيته شويه دفشه واتمنى يكون هذا السبب في بعده عن الرومانسيه لانه بتكونين انتي الوحيده بحياتي وبتقدرين تأثرين عليه وبالتالي ماراح يقدر يقول الكلام الحلو الا معاج ..
ولتقيسين الحب وارومانسيه بالعطايا والهدايا صدقيني احب اكبر من هذي الشكليات التافهه اللي بحياتنا ..عندي لج كم نصيحه حبيت اطرحهم عليج واتمنى تلاقين منها الفايده والله يوفقج


_زيدي من رومانسيتج معاه حسسيه بمشاعرك اكثر ..
_لتكررين كلمة انت مو رومانسي
_في المناسبات والأعياد لتنتظرين منه انه يقدم لج هديه او ورده حسسيه انه وجوده بحياتج كفايه عليج
_اذا كنتي من النوع اللي تحب تبادل الهدايا وتتمنين يتعلم هالشي احرصي على انج في كل مناسبه تشترين له هديه وتوضحين له سبب شرائج للهديه صدقيني حزتها بيعرف قيمة الهدايا لانه بيحس بفرحتها لما تهدينه
_اذا جات منه حركه حلوه او كلمه حلوه ..قوليله يااااا الله شنو حلو عليك وانت تقول هالكلام قوليها له باحساس ورومانسيه علشان يحس فيها

_لتييأسين على قولة القايل ..كثرة الدق يفك الالحام..استمري الموضوع يبيله وقت

وانشاالله ياربي ياربي ياربي يصير رومانسي على ايدج ويجعل حياتكم كلها حب ورومانسيه:shy:

ولتبخلين علي بالدعاء بعد هذي الوصفه:smile:

السلام عليكم ورحمة الله وبركاته

مشالله البنات ماقصرو

بس انشالله بتستفيدين من هذا الموضوع"إلى كل زوجة : كيف تستخرجين كلمات الحب من فم زوجك ؟"

للاخت "همس الليالي"

اضغطي هنا

تحياتي
لك روحي

العذرا والله كامك تحكين قصتى نفس الشي يقول كل الكلام يكون بعدين ممكن اكون مقدرة ذلك في داخلى وفرحانه به نوعا ولكن تعرفين المراة ما اقدر اقاوم رغبتى في سماع كلمة حلوة منه وانشا الله نستفيد من نصائح الاخوات

مشكلة رجالنا يستحون من الرومانسيه.. بس لا تخافين مع الوقت اذا شافك انتي تقولين كلام حلو واتدلعينه وحسستيه انك بالمقابل تنتظرين نفس الكلام..
ونصيحه لا تقولين له انت مو رومانسي بالعكس قولي له انت رومانسي واوهمي بكذا بتشوفين انه اتغير.. اي انسان تواجهينه بعيوبه واتقولين انت ضعيف او انت كسول او انت غير رومانسي او انت عصبي عقله الباطن غبي يخزن هذا الشي وتصير تصرفاته كلها بنفس اللي قلتيه بس اذا قلتيله انت رومانسي مره حتى اكثر مني.. انت ذكي او انت نشيط او انت قوي بيخزن العقل الباطن كلامك وتصير شخصيته كذا.. صدقيني جربي هالطريقه اي احد تبين تغيرين شخصيته للأحسن اوصفيه بها وبيتقمصها.. حتى انتي نفسك.. بس انتبهي لا تقولين
انت مو غبي او انت مو كسول لا خلي كلامك بصفات حلوه..

اتمنى انك تكونين فهمتيني...

وبالتوفيق حبيبتي

انا بعد اعاني

لكن هو في اخر تصريح له

قال انه تعلم الرومانسية
وانشاء الله بيطبق


الله يستر

من هالرومانسية اللي بتطلع على غفلة!!!!!!!!!!

مشكورييييييييين ماقصرتوا :clap:

hhh الغالية الله يعينج ويعني ويعين الجميع وإنشاءالله نستفيد من كلام الأخوات!! وصدقج الأخت صوغة ماقصرت جزاها الله خير!!

والله الغالية ام عبدالرحمن2 كنت أطرشله مسجات لكن مايرد عليهم!أقوله تولهت عليك!! (أحبك :o ) بس مايرد عليهم!! الله يرحم أيام زمان كان يموت عشان أرد عليه بالمسجات بس بعدين ضمن حبي له واستغله :confused:

ماقصرتي أختي new l00k مشكورة على الدعوة الحلوة جزاج الله خير!! ونصايحج الأحلى وإنشاءالله ربي يوفقنا جميع :up:

مشكورة ياالغالية لك روحي على الرابط والله موضوع حلو!! :shy:

الله يعينج يا زهرة الاشواك والله حاسة فيج.....

دلوعة حبيبي أظن كلامج صح المفروض مانحسسهم!! لأني مره قلت له إنت مب قادر تحسسني إنك تحبني!! واااايد زعل... وقال أنا ماأحب كلامج هذا!! فخلاص ماراح أواجهه بقلب الكلام،، وأمري لله... شو نسوي يوم هم يبغون نعاملهم بهذي الطريقة :s2

إنشاءالله ياأختي غرنوجة والله يوفقج وبشرينا :smile:

ومشكورييين خواتي مرة ثانية!!

بنات عاد انا مشكلتي عكس مشكلتكم

انا زوجي من ناحية كلام ماشاء الله رومانسي

لكن هدايا مفاجأت هذي قليل

مشكلتي انو هو مالك علي بس نتكلم بالتليفون

ودايما يقول انتي ليش ماتتكلمين كلام رومانسي

انا والله احب الرومانسيه والكلام الحلو لكن مشكلتي

اني اخجل منه حيييييل لانه لساتنا متملكين يعني ما دخل علي

والا انا في قلبي كلام كثييييير لكن مشكلة الحياء هذي مطفشتني

:confused:

ماشاء الله عليج يا **عروس*البحر** والله يتمم عليج بالخير!!

وصدقيني مع التعود بتحسين إنج بتقولين كلام حلو!! والله هي فطرة موجودة بكل إنسان!! سبحان الله