بسم الله الرحمن الرحيم
اول شي الحمدالله عل كل حالل
انا مشكلتي طويله وعريضه بس راح اقولها بالمختصر
انا الله يسلمكم صار عمري تقريبا16 سنه وما جتني دوره عندي اختين اكبر مني واصغر مني كلهم جتهم عادي اما انا ما جتني يعني ما بلغت
وكنا كل ما نروح على المستشفى يقول عادي للحين صغيره ويمكن نموها بطيء.. المهم احنا قلنا ما عليه ومرت سنه ثانيه وصرنا وما جتني دوره أبدا وخفنا وصرنا
نشك انو في شي ورحنا المستشفى وقلنا لهم وقالو الدكتورة خلاص راح نعطيها حبوب تنزل الدوره تشربها لمده اشبوع وبعدين تنزل وتعالو على الحالتين اذا نزلت عليها او لا
المهم كليت الحبوب لمده اسبوع وما جتني أيدا ورحنا وقلنا للدكتورة وقالت يمكن يكون عندها الغشاء البكري مسكر خلنا نكشف عليها ونشوف وشافو كان اوكي عادي
وقالت الدكتوره في هاذي الحاله لازم نسوي تصوير للرحم وللمبيض وعطوني موعد للتصوير ورحت وسويت تصوير وقالو بعد اسبوع تطلع النتائج والمهم الماما اهيا راجت تشوف النتيجه وكان الخبر عليها مثل الصاعقه قالت لها بنتج عندها المبايض اوكي ام المشكله بالرحم مو تكون وما راح تجيها دوره أبدا وبنتج عقيم ... المهم بابا و ماما وعيلتي كلها كانت متاثره لحد البكي والجنون بس كانت صدمه وقالو لي لمن سمعت الخبر كنت احس روحي بحلم وعالم ثاني المهم رحنا على مستشفى خاص وقلنا خلنا نتأكد رحنا كانت المستشفى كلها هنود سويلي تصوير وقالو مثل الشي بس ما فهمنا منهم شي ما فهومونا عدل شلون حالتي المهم مرت الايام واحنا مثل الصدمه سكتنا عن الموضوع المهم انا خلصت ثانويه وتزوجت ابن عمي وما قلت له عن الموضوع لان كان شي صعب علي واااااااايد قلت خلنا نتزوج وشوي اخذ عليه والمهم انا استقريت بالكويت وعائلتي بالبحرين ومرت أيام وأشهر والمهم عايشين حياه سعيده واحبه ويحبني والحمدالله على كل حال اهو كان يفكرني انا تجيني دوره ماخذه حبوب تأخير وماكنا يدقق وايد ع هالموضوع مادري يمكن كانت تساهيل لي من رب العالمين المهم يوم من الايام قررت أروح البحرين اشوف اهلي وزوجي ما قدر يروح معاي عشان شغله المهم رحت بروحي والما قالت لي انه في دكتور وايد شاطر وكل من يروح عليه يمدح فيه المهم رحنا وقالنا للدكتور السالفه كلها وقال انشاله خير احين نسويلج تصوير ونشوف المهم سويت تصوير وكان الخبر يفرح ويصدم قال انو لي رحم بس صغير يعني كبره 3 سانتي وقال انشالله بعطيج حبوب أسمها بروجلتيون تاكلينها لمدة 21 يوم وبعد خمس ايام تنزل عليج الدوره المهم كليت الحبوب وصج انزلت الدوره علي والحمدالله مستمره على الحبوب والحبوب هاذي هرمونات تعويضيه وتساعد ع الحمل وتزيد من سماكه الرحم وانا احين صارلي عشر شهور وانا اكلهم ولي زياره للدكتور وانشالله يبشرني بشي يفرح قلبي وانا والله العظيم مو قاطعه الامل بالله ةما في شي مستحيل على رب العالمين وعندي أمل انه الله راح يرزقني انا للحين عمري صغير مواليد1993 وناطره اني احمل هذا الشهر او الي وراه وانشالله خير وانشالله اروح للدكتور ويبداوياي علاجات ثانيه والحمداله انا وزوجي عايشين حياه جدا سعيده ومتفاهمين والحمدالله عل كل حال...وهااذي قصتي واتمنى منكم الدعاذ لي ولكل محروووم والي عندها اي فكره عن هالموضوع اتمنى تقولي وشكرا