شلون تتصرف البنت بأول يوم تشوف فيه خطيبها ؟

:up:
رايج تماااااام و ياريت هذا اللي يصير
لان البنت تكون مستحيه و حالتها حاله و اهو و لا هامه شي قاعد مستانس و يشوف على كيفه :mad2:

الريال يضبط اعصابه اكثر من البنت عشان جذي اهو المفروض يدخل و البنت تكون قاعده مو العكس :down:

:up::up::up::up::up::up:


لانه احراج كثير لها تدخل وكأنه تعرض نفسها كسلعة !

فالاحسن يتقابلوا في مكان مفتوح فالبيت كالصالة او شي زي كذا حتي الرهبة تروح ولا ايه ؟ هههههه

عزيزاتي .. شكراً إلى اللي ردوا على سؤالي

أنا أيضاً سألت و عرفت إن يجوز اظهار جزء من الشعر للخاطب اذا طلب ذلك أو الظهور بدون حجاب،، لأن احنا عندنا ان البنت تقابل خطيبها ( من يتقدم لخطبتها) بحجابها كامل بس اذا طلب ان يشوف شعرها ممكن تظهر اليه جزء منه علشان يشوف علشان جذي استغربت لما قريت كلامكم .

عموماً بالنسبة لي دخلت عدة مقابلات و في كل مرة كنت احس بارتباك و خجل بس بعدين لما يبدأ هو يتكلم أو يسأل ارد عليه بصورة طبيعية ، و اللي يصير اني اكون قاعدة وهو يدخل ، بيتنا يخلونه مع بعض بروحنه ، بس و لا شخص ارتحت اليه الا شخص واحد فقط و هو اللي اتمناه زوج لي :shy: جى رابع ايام العيد علشان يشوفني مع انه شايفني و عارفني قبل و متقدم لي عن قناعة و حب (a) بس كان حاب يشوفني عن قرب اكثر و انا بعد ،، المهم قبل لا يجي بخرت المكان و بخرت هدومي و شعري و بصراحة كنت متشوقة لشوفته وااجد (a) و بعدين يوم جى حسيت قلبي يدق يدق ،، اول شي قعد مع اخواني بعدين جه اخوي يقول لي انه بيدخل بس قلت له لا انا اللي بروح ليه و قمت البس شيلتي و عبايتي بس ما ادري ليش ارتبكت حتى الشيلة مو عارفة البسها واختي معاي تحاول تهديني تقول لي صلي على النبي شصار فيج ، اعتفست مرة وحدة مع اني طول اليوم كنت مسترخية و مرتاحة ، بعدين هدأت شوي و انتظرت اخوي يجي يناديني مرة ثانية ، المهم طلع اخواني من المجلس و خلاني ادخل ، دخلت و سلمت و قعدت و اني منزلة راسي بعدين قعدنا نتكلم عادي لمدة ساعة وهو كان يتأملني طول الوقت و اني شوي اطالعه و شوي انزل راسي آخر شي عطاني عيديتي بعد و قمت عنه.

هههه طولت واجد ، كأني قلت قصة حياتي

:up:

حاملة القرنفل
الله يوفقج ياااااااااااارب
و الله سالفتج تهبل و يارب تاخذين اللي في بالج قولي آمين :smile:

آمين يا رب العالمين :shy:

مشكووورة خيو Miss.B ،، احنا على اساس ملجتنا بتكون بعد سنة يعني بعد ما ينهي دراسته و نكون جهزنا أمورنا

مدة طويلة صح ؟؟ :eek2: عندي وقت طوييييل اجهز نفسي فيه :D2

انا مااحد توقع اني بكون بالحياء هذا كله لاني جريئه شوي واجتماعيه ادخل مع الناس بسرعه اكون علاقات بسهوله .....فتوقعوا اهلي اني بستحي شوي لكن باقدر ادخل وارد عليه لو كلمني .......الخ

اوالله طقتني ام الركب وجتني نفاضه احس قلبي بيطيح في بطني ودخلت مستحيييييييييييييه شوي واغطي وجهي بيدي واول كنبه قعدت فيها يماااااااااااااااااااتي على هذاك الموقف والله لواني داخله على الملك (خخخخخخخخخخخ )
والله صدق مرات اقول ياشين الحياء اللي على غير سنع :down:


لايفوتكم من كثر ماني مسحيه شوي واعطيه ظهري جالسه على الكنب وجسمي لافته 180 درجه ويوم حكى معي قال وشلونك ودي اصكه بالصينيه واقوله انثبر اسكت يالله تحملتك ساكت بعد تجي تتكلم
خخخخخخخخخخ وعلىطول قلت الحمدالله وامسك الباب وششششششششش على غرفتي تركتهم

يماااااااااااتي يمااااااااتي ياشين هالمواقف ياليته شافني وانا ما كنت ادري عنه والله اريح نفسيا



لكن مع امه وخواتي صحيح مستحيه بس مو كذا سولفت شوي تكلمت معاهم اخذت وعطيت يعني على طبيعتي شوي


يالله موقف راح وعدى عقبال لباقي البنات يجيهم نصيبهم ويتوفقون ويسهل ربي عليهم كل امورهم

:D2

:D2



:D2



الله عليك .. يابائعه الورده


حلووووووووووووووووووووووووووووووه


ودي اصكه بالصينيه واقوله انثبر اسكت يالله تحملتك ساكت بعد تجي تتكلم



لا تخافين بأذن الله اذا جا الفارس الملثم بسوي اللي ماسويتيه

:clap:

حلوه سوالفكن .. والله يوفقكن يميع



ولو انه مب حلو لما خواتج يعرسن ويفضى البيت :down:

فديتهن والله اشتقت لهن

حاملة القرنفل شدي حيلج بهالسنه ..
اختي بعد جذي قالت الفتره طويله و خذت راحتها عالاخر و قبل الملجه بفتره بسيطه تراكم الشغل :down:

:D2 ضحكتيني بائعة الورده

ودي اصكه بالصينيه واقوله انثبر اسكت يالله تحملتك ساكت بعد تجي تتكلم

انتي اللي تدخلين عليه او العكس

كاتب الرسالة الأصلية : غروب الأماني
:clap:

حلوه سوالفكن .. والله يوفقكن يميع



ولو انه مب حلو لما خواتج يعرسن ويفضى البيت :down:

فديتهن والله اشتقت لهن

......................


وانا وياج ... البيت مب حلو ملل

ترى ازعلللللللللللللللللل مرررررررررررررررررره:confused::confused:

خخخخخخخخخخخخخخ الي يريحك اهم شيء تكونين مرتاحه

اذا انتي دخلتي تقدرين متى ماحسيتي مره مستحيه تطلعين

واذا هو دخل تكونين انتي جالسه مرتاحه شوي وهو بيقعد يتفرج على كيفه وقت غير محدد :D2:D2

بالنسبه لي انا الي دخلت .. وكنت جالسه انتفض ومره معصبه وامي كان عندها اختبار وقالتلي معليش اروح ولا تبيني اجلس معاك ومو معقوله لا اجلسي وخلي اختبارك

واخوي طلع مع اصدقائه وابوي قالي وين الشاهي والقهوه وانا فرقعت وش يدخلني بالشاهي والقهوه امي قايله للشغاله ومفهمه اخوي متى يجيب القهوه والشاهي

دقيت على اخوي وانا في راسي نخل قلتله وينك ابوي يقول وين الشاهي انا وش دخلني قالي بشويش بشويش تراها كلها شوفه ماراح تموتين هدي اعصابك وكل ماقاي هالكلمه اتوتر زياده وعادها سبعين مره اقوله طيب خلاص مع السلامه وهو يقولي طيب بشويش هدي اعصابك :mad2: :mad2: :mad2:

ومالقيت لبس البسه كل شيء كان بسرعه وقبل الاختبارات باسبوع مافي وق اروح سوق واشتري شيء وماعندي في دولابي الا بنطلونات ماينفع معها بلايز طويله ولا تيشرتات كت ماتنفع مع تنوره

وارسلتلي صديقي ملابس ومانفعت

لبست بلوزه عليها افلام كرتون :D2 وتنوره امي

وجلست ادور بالصاله ادور ادور الين ماجاء ابوي وناداني وراح يمشي بسرعه وانا تسحب يوم اختفى دخل المجلس رجعت ورجع ابوي قالي وينك قلتله تعالي معاي لاتروح قبلي ووين اجلس مع الخبصه مادري وين قالي

واول مادخلت جلست بالكنبه الي جبني الي هو من مكانه مايقدر يشوف الا خيالي

طبعا دخلت لا سلام ولا كلام يكلمني ما ارد او يمكن رديت والله مادري نسيت

بس الي تذكره يوم جيت اطلع طلعت روحي ماطلت عن اذنكم

يعني قمت وطلت لا احم ولا دستور :D2

تحياتي
لك روحي

:D2:D2:D2

سوااااااااااااااااااااالفكم تجنن

احس احسن شي تكون البنت عادي كوووووووول :D2 على قد ما تقدر

ولا تتصنع :smile: وطبعا تكون متعدلة وحاطة ميك اب خفييف وهادي


وبتوفيييييييييييييييق للجميع


تحياااااااااااتي

شمووع:flower:

لك روحي

مسكين الريال ماله ذنب ليش طلعتي حرتج عليه :D2

الله يوفقج يارب و يوفق كل البنات :shy:

اريد حلا

اكيد لو ان الريال اهو اللي يدخل و انتي قاعده يكون وااايد احسن
بس اللي متعودين عليه اهو العكس :down:
بيوم خطبتج اتفقي مع اهلج قبلها و يارب الله يسهل :shy:

:clap: الله يوفقكم يا بنات وعقبال العزابية :D2

اي و الله بدروووووه

عقبال العزابيه :shy:

أنا كنت رافضة أني أدخل عليه أنا .. لأني خجولة نوعاً ما ..
عشان كذا هو اللي دخل علي ..
وكنت حاطة مكياج خفيف و لابسة فستان ناعم وفاكة شعري

وجلست أرتجف ساعة و راسي بالأرض .. حتى أمي تقول لي خلاص أهدي

بعدين طلعوا عنا و أنا حاسة أن قلبي في رجلي
وهو يكلمني و يسلم علي و أنا أهمس بأي أو لا .. :pain:

بعدين قال أنا ما شفت وجهك - عشان شعري كان مغطي وجهي :D2 ستارة ما شاء الله -


و الصراحة أني ما تأملت في شكله زين .. بس لأني شايفة صوره قبل ..


لا يغركم .. الحين وريته العين الحمراء :cool2: .. وهو يذكرني بأول مرة

بس كان لقاء لا ينسى من أحلى لحظات الزواج النظرة الأولى(u)

والحمدلله
زواجنا بعد أسبوعين ..
وعقبال كل الصبايا