حبيت انقل لكم تجربتي مع غسالتي من نوع Samsung
لان استخدامها عجبني كثير
ومنها صرت مرتاحه من شغلة نشر الغسيل
هذي صورتها
مميزاتها:
1- تختارين درجة حرارة اللي تبين تغسلين ملابسك فيها بارد أو 30 درجه أو أربعين إلى 95 درجة
لما أغسل شئ كالملابس الداخلية اختار 95 درجه وأكون مرتاحه ان الملابس الداخلية خلص متعقمه
2-تقدري تغسلي فيها عالبخار مثل الشالات اللي لازم مصبغه والغتر الكشميريه والحمد لله الحين صرت ماابعث شئ عالمصبغه غسالتي كفت ووفت ماشاء الله
3- إذا عندي لبسه أو لبستين نظاف وما يحتاجن غسيل إلا شئ بسيط لحتى ارتاح نفسيا هههه أو مايكون عندي وقت وأريد اطلع من البيت فيها خاصية الغسيل السريع 15 دقيقه فقط وتخلص غسيلك وطلعي ملابسك
4- فيها اختيارات متعدده من القابس الدائري اتلفيه مع عقارب الساعه أو العكس لتختاري نوعية غسيلك صوف أو قطنيات أو غسيل يومي أو للأطفال أو عالبخار أو فقط تجفيف أو فقط دوران وهيك يعني كما انه فيها خاصية أنها تغسل نفسها بس بعدي ماجربته
5- عندها خاصية الغسيل الأولي prewash
وهذا للملابس اللي متسخه كثير اتحطي صابون بالفتحه المخصصه له وتضغطي عالprewash
وتختاري الغسيل اللي تريديه وتضيفي أيضاً صابون لفتحت الغسيل العادي
6- تقدري لما اتحطي ملابسك تختاري وقت انتهاء الغسيل يعني لو بدك اتنامي بالليل وأول ماتصحي الصبح أتكون هي خلصت غسيلك أو اول ما ترجعي من الدوام يعني يكون الغسيل مخلص توه وفرش
اتحطي ملابسك فيها قبل النوم أو الدوام وتضبطيها أنها أتخلص الغسيل مثلا بعد 6 ساعات يعني هي طبعا راح تبدأ تشتغل بعد خمس ساعات لحتى أتخلص الغسيل عند الساعه السادسه
7- تقدري تختاري عدد الشطفات بالماء بعد الصابون من 1 إلى 5 شطفات
8 وبالنسبة للتجفيف فيها اربع اختيارات:
أ/ تجفيف كأنه عالشمس
ب/ تجفيف للكوي: يعني للملابس اللي تحتاجي تكوينهن وفيهن شوية ماء مو جاف تماماً
ج/ تجفيف على درجة حراره منخفضه جداً للشيفونات والساتان والدانتيل والملابس اللي تخافي تخرب من الحرارة
بصراحه هالخاصيه أكثر وحده عجبتني تطلع الملابس جااافه تماماً بدون ما تخرب ومباشرة عالدولاب او الكوي قبلها كنت مااعرف وين انشر غسيلي الخاص
د/ تجفيف تختاري فيه الوقت يا نص ساعه أو ساعه أو ساعه ونص
ولا تنسوا ماشاء الله اتجفف 100٪
9/ فيها خاصيه child lock يعني تقفلي غسالتك وقت الغسيل عن يعبثوا فيها الأطفال وفي ازرارها وما راح يقدروا يفتحوها
10/ الزر اللي مرسوم عليه قلب اتخزني فيه غسلتك المفضله لحتى تضغطيه هو فقط لما بدك اتغسلي
وبصراحة أنا مااستخدمته لأني استخدم لكل نوع من الملابس غسله غير.
* أوقات غسيلها تتراوح مابين 15 دقيقه إلى 3 ساعات على حسب اختيارك للغسلات والتجفيف.
*هي غاليه شوي سعرها مااذكر بالضبط بس تقريبا 3000 درهم اقل منه بشوي.