مـوضـوع للمنـاقـشـة : إذا عـرفـت أنـك حــامل..مـتى تـخبـريـن أهـلـك و أصـدقـاءك ؟؟

بصراحه هذا أول حمل لي وأول واحد عرف ريلي وبعدين اتصلت بأمي وعرفت اني حامل
وبعدين امه وخواته عرفوا وماصدقت خبر قلت حق وحده من صديقاتي بالدوام ونشرت الخبر خخخخخخخخخخ
وباجي أهلي عرفوا الحين لما دخلت الثالث

أنا إن شاء الله إذا ربي أراد وحملت طبعا زوجي أول واحد بيدري
وبعدين أمي وأبوي وأختي وأهله
وجدتي والله المفروض إنها اول وحده تعرف بالموضوع
عشان مسكينه والله يابنات كل ماشافتني جلست تدعيلي وتصيح ودها تشوف عيالي
الله يطول في عمرها وتشوف عيالي إن شاء الله

انا بالنسبة لي اتفق مع زوجي عاد اذا التزم بالاتفاق انا اول ما احمل اهلي بس اللي يدرون )(امي وخواتي واخواني) واحذرهم ماينشرون الخبر وباذا دخلت الثالث نخبر اهله وننشر الخبر

مشكوووووووووورة أخت مرموم على الموضوع الحلووووووووو...

على فكرة أنا في حملي الأول كان زوجي معاي وهو الأول من عرف أني حامل وعلى طول أتصلت بأمي وأخواتي كانوا كلهم مسافرين إلى سوريا وخبرتهم وأنا في المستشفى بعدي ما طلعت ... أني حامل وبعدها لما رحت البيت خليت زوجي يخبر أهله بأني حامل ... والحين في الحملي الثاني كان زوجي معي بعدي وهو عرف أني حامل ونفس الحكاية خبرت أمي وأخواتي وبعدها زوجي خبر عمتي وأهله ...

سلامي وتحياتي ....

الســـلام عليــــكم

انه عن نفسي ما بخبر احد غير زوجي :) وبحرص اشد الحرص

على ان اهله ما يدرون عشان ماا يوصل لناس يحقدون علي

بقول لأمي وخواتي ومرت اخوي .. ومرت اخوي الثانية اللي هي

بالأصل رفيقتي مستحيل اخبرها.. تزوجت قبلها بكم شهر وهي عقبي

والله اراد انها تحمل قبلي .. كنت شاكة انها حامل في البداية

وعقب دريت انها حامل من بنت خالتها .. تسألني شخبار مرت اخوج ويا

الحمال؟ استغربت هي تقول مو حامل وبنت خالتها تسألني؟؟

وكذا مرة سألتها .. ونفس الاجابه لا .. وعشان ما اصيدها كل مرة تقول انها نازلة عليها

الدورة .. مرة صدتها من سبوعين كانت تقول انها جايتنها .. والمسكينه نست انها قالت لي

وثالث اسبوع بعد قالت لي انها نازله عليها .. قلت لها تعالي مو توها نازله عليج من سبوعين؟

مداها تنزل .. اصفرّت واخضرّت الوانها .. صدق حبل الجذب قصير .. شنو يعني باكلج؟

بالعكس يوم دريت فرحت لها بس ناس مخوخهم ما ادري في وين.. وعقب يوم فكرت تخبرنـــي

قالت لي انها حامل من ثلاث شهور وكانت تنزل عليها الدورة عادي وتوها مكتشفة انها حامل

تفكرنـــي غبية ما افهم .. كل يوم ومطلعه لي قصة يديدة .. بس صدق جرحتنــي بأسلوبها

بس وعدت وعاهدت نفسي لو احمل باذن واحد احد هي مستحيل تدري لما ادش الخامس او السادس

ويمكن لين الولادة عشان تحس باللي سوته ..