استفتاااااااااء......هل تؤيدين دخول زوجك معك في غرفه الولاده ام لا

أنا بين الرايين عشان شو إذا دخل بيتعلق في زوجته أكثر وبعزها أكثر بعد

وما يدش الغرفه بعد عشان هيه بتكون في حاله الله أعلم بها ومتبهدلا بعد

يعني بين وبين

السلام عليكم ورحمة الله وبركاته

انا ضد ان الرجل يشهد الولادة ..

ممكن في بداية آلام الطلق .. لكن وقت الولادة يطلع ..

أولا حيائي ما يسمح لي ان اخلي زوجي واقف يشوف البلاوي كلها و انا في وضع مثل هذا ..

ثانيا ما احب ان زوجي يشوف مني شي ممكن يقرفه .. و هذا الشي محد يقدر يتنبأ فيه لين ما يصير بس ليش الوحده منا تجازف؟

ثالثا اعتقد انكم لو سألتوا شيوخ دين بيقولون لكم نفس الكلام .. انه لا يحبذ ان الرجل يحضر الولادة لما قد يراه من امور ممكن ان تسبب النفور من زوجته ..

مب حلو الحرمة تدخل الريال في كل شي .. و هذي الامور الصحية النسائية البحته من الافضل ان تكون بين النساء فقط .. حلو الريال يكون متواجد قريب من المكان

البركة في امهاتنا ..

مشكورييييين بنات على الردود الحلوه

على فكره انا لينا45 بس ما ادري وين راح اليوزر

قعدت شهور وانا احاول ادخل ما رضى الين سجلت باسم ثاني

هلا لينا
انا في الشهر التاسع و طولت اظافري ههههههههه و كل يوم اقوله بدخل اظافري في ايدك عشان تحس بالالم معاي
يمسك ايدي و يقولي انا بقصهم لج او سيري ربي بروحج ههههههههههه

انا طلبت منه اول مرة و رفض بعد فترة صار هو يذكرني و يقولي ابا اكون معاج ولا تخافين و كل ما جربت الشهور صار يهتم اكثر و اكثر و دايما يقولي يا ويلج لو ما اتصلتي و خبرتيني بموعد الولادة وين ما اكون اتصلي


ان شاء الله انا بخليه بس بتفق معاه انه يوم يطلع البيبي يطالع ويهي و ما يشوف الجهه الثانيه
و اختي دخلت زوجها و ما شاف شي بس بعد الواحد ما يجازف مثل ما يقولون بس ما بخليه يطلع بمسكه بأسناني هههههههه

اهلين اختي jami

احسن خله يدخل معك والله تكونين متطمنه وتحسين ان معك احد انا ما اتخيل اني اولد وما معي احد خاصه زوجي

خله يحس اني اتعب

انا كان نفسى بصراحة
بس الحكاية دى مش منتشرة فى مصر :(

قبل ما أتزوج ولغاية نصف حملي كنت ضد إن الزوج يدخل مع زوجته غرفة الولادة عن يشوف القرف...بس زوجي يسمع واييد من أصدقائه الأجانب عن هذا الموضوع فكان مصر أنه يخوض التجربة- الفضول قتل القطة :no: - لكني أنا اللي مصرة هالمرة إنه يكون ويايه.
اللي حصل في ولادتي ببنتي أننا كنا في رمضان وبدأ عندي الطلق في البيت من الظهر وسكت ما خبرت أحد لغاية بعد الفطور خبرت زوجي إن الدم بدأ من الظهر وعندي طلق وقلتله إسكت لا تخبر أهلي-اللي كنت معاهم في البيت- لغاية ما يصلون التراويح دامني قادرة أتحمل الألم. بعد ما رجعت أمي من الصلاة قلتلها بروح المستشفى-كان يوم جمعة- أشوف الرحم أشكثر فاتح-كأنها كشته- وإذا أكثر من 5 بتصل فيج تجيني. سرنا المستشفى و كنت 4 سم، طبعا نوموني لأن من بعد 4 ممكن الولادة تصير أي وقت. و يحليلي طلق البنات البارد اللي يمللج، لغاية السبت الظهر كان توّه 5 سم، وأنا طفرت من جلست المستشفى وانتظر في أي لحظة الولادة، السبت بالليل زاد الألم وما تكلمت كنت معزمة أخليهم يرخصوني السبت -متفيجة صح؟- ويوم جت الدكتورة الأحد الصبح تقولي فيكي ألم قلتلها لأ خلاص خليني أروح البيت، فحصتني شافتني قريب ال6 سم، قالتلي مستحيل ما فيج ألم، وحرقت وجهي وحطتلي جهاز نبض الجنين وهوه يبين شدة الألم عند الحرمة بعد بيّن الكذب وقالتلي : ليش فيج هالألم وساكتة تبغين تطلعين وتولدين في السيارة؟؟
ونقلتني غرفة الولادة ووصل زوجي وأمه وأمي وعمتي وأخواتي الإثنتين ومساكين صيام وكلهم يقرون على راسي قرآن لغاية الظهر، الدكتورة قررت تعطيني طلق صناعي لأن طلقي كان وااايد بااااارد وخافت أتعب على النهاية ما يكون فيّه حيل. و سار زوجي مسكين البيت وجاب فطور حقهم وفطروا الجماعة وأنا بعدني بس كان هوه يسوي لي مساج حق ظهري ويقوي عزيمتي ويبوس جبهتي كل شوي كــــــــــــــــــل هذا ما خلاني أحس بأي ألم، ولحسن حظي ان الطلق ما زاد إلا على بداية صلاة التراويح كنت 9 سم، فزوجي أضطر انه يروح المسجد، وولدت مع الدقيقة الي سلموا فيها من الصلاة ولله الحمد، فوصل المسكين كانوا نظفوني انا والبيبي وما شاف أي شي كنت خايفة منه :-) بس مساندته لي خلتني أتحمس أحمل مرة ثانية بسرعة وهذا اللي صار :-)

أنا أشجع الوحدة اتدخل ريلها غرفة الولادة .. بعدين شو سالفت حامت كبده و انقرف و غيرها !!!

هذا ضناه و قطعة من جبده .. و بعدين هاي حرمته و شريكة دربه .. انا ما أفهم كيف الريال اتلوع جبده من ولده و حرمته

و الله ايسر علينا ..آمين

انة من مؤيدين دخول الزوج مع زوجتة الى غرفة الولادة لانة ايساعدهة اهواي وهذا ما جرى معاي كان الة دور مهم في ولادتي

نا اوافق على فكرة دخول زوجى معاى غرفه الولاده لانى راح ارتاح لما يكون معاى ويمكن يخفف على الالم

ممم الصراحه انا خاطري يدخل ويايه ..عشان يحس بتعب الامهات...ويحس اشقد تتعب الوحده وماايي الشي بالساهل..

ممممم بساله اليوم ان شاء الله اذا بيدخل ولا:smile:

انا موب موافقه دخول الزوج في غرفة الولاده
لانه اول شي كلام الناس ما اتخلص بيقولون شفتوا زوج فلان شو سوى
وانا عن نفسي ما ارضى انه حد يتكلم عن زوجي
وثاني شي منظرج بعد الولاده لما ينزلون الازساخ والبلاوي الزر

تحياتي

ام شجون

انا موب موافقه دخول الزوج في غرفة الولاده
لانه اول شي كلام الناس ما اتخلص بيقولون شفتوا زوج فلان شو سوى.................. تعرفون الباقي؟؟؟؟؟
وانا عن نفسي ما ارضى انه حد يتكلم عن زوجي
وثاني شي منظرج بعد الولاده لما ينزلون الاوساخ والبلاوي الزرقه..................
يا لطيــــــــــــــــــــــــــــــــــــــــــــــــــــــــــــف

تحياتي

ام شجون

انا بصراحه ماجربت بس فكرة دخول زوجي معي لا

يمكن في الطلق لكن لما لولد برا يابو الشباب


بس لما اتزوج بالاول واحمل وابولد ماراح اعلم احد حتى امي
ماابيها تخاف وتقلق وهي ماراح تسوي لي شئ

بعد مااولد ابكلمها واقولها تراني ولدت

عشت جو

أنا ما أدري ليش الأغلبية يمنون على الأزواج انهم يحملون ويولدون، مب هذا هوه الشي الطبيعي؟!! ولولاهم هم احنا ما بنحمل، ليش كل وحدة تبغي زوجها يشوف الام الولادة وتذله انها تتوجع عشان تولد؟ الولد هذا بيكون طفلي مثل ما هوه طفله!

أنا ما أحب هذه الفكرة..أنا أحمل عشان انا وزوجي نحب بعض وودنا نسوي اسرة كبيرة مننا احنا الاثنين، كوني انا اللي احمل واولد هذا من حب رب العالمين لي، والا من وين الاجر بيجيني؟
ويوم أأيد ان الزوج يكون مع زوجته في غرفة الولادة هذا عشان المساندة وعشان الحرمة تحتاج حنان زوجها اكثر من اي حد ثاني لأن الطفل اللي جاي يهمهم اكثر من اي حد ثاني، بس مع جيه انا ضد انه يشوف الولادة وما يتبعها من اوساخ وقرف، تخيلي نفسج وقت الدورة انتي تنقرفين من نفسج كل ما تتنظفين من الدم والاوساخ ، كيف تتوقعين الكمية الكبيرة هذي من الاوساخ ما بتخليه ينقرف، وأعتقد ان كل وحدة جربت الولادة تأيدني في هذا الشي.
أنا زوجي شاف في التلفزيون حرمة تولد من سنين، وقبل ما يعرفني ولغاية الحين كل ما يذكر يقول : أخييييه! كيف أحط نفسي انا في موقف انه يشوفني انا كأني في مستنقع أوساخ....الله لا قاله ان شاء الله!!!

بعد ماشفت موضوع فوانيس عن ولادة المشيمة
اذا ربي كتب اني اعرس
مستحييييييييييييييييييييييييييييييييييييييييييل


بس انتو ادعوا لنا

في بعض الرجال يحبون يشوفون الولادة لانهم يحسوون بقيمة امهم وزوجاتهم

وبعد علشان المغرورين والمتكبرين على خلق الله يعرفون انهم كيف طلعوا على الدنيااا ومن اي مكان

أنا اتوسل بي يدخل معاي غرفة الولاده ومو راضي..... بس بالنهاية قال أوكي بس والدتك تدخل معانة.... قلته لا ما أريد أمي......

أمي مسكينة, دخلت مع أخواتي بولادتهن كلهن.... وتتألم اهواية عليهن وتقعد تبكي.... أنا ما أريد أمي تتألم.... وهمين أحتاج زوجي اهواية.... لما ايكون يمي أحس براحة.... لما سويت عملية للكسر إللي برجلي... كنت كله بس اصارخ بأسمه.... حتى كل الممرضات صارن يعرفن إسمه....

بس إنشاء الله أحاول أقنعه خلال هل 8 شهور... وإنشاء الله ايوافق يدخل بروحه معاي

السلام عليكم

انا عن نفسي زوجي وايد يهديني

فأتمنى انه يدخل معاي مو علشان يشوف زوجته شكثر تتعب على ابنه لا

علشان يعرف كيف امه وابوه تعبوا عليه ويقدرهم اكثر

بس من كلام الاخوات اعتقد اني راح اطرده من يبغي البيبي يطلع

وشكرا على الموضوع الاكثر من رائع

بصراحه المفروض ان الزوج يدخل عشان يحس بالمعانات الي تمر فيها زرجته وبالمره احط حرتي فيه اهريه عض بس من غير ما يشوف الياهل وهو يطلع عشان ما تلوع جبده